Fréttablaðið - 26.02.2008, Blaðsíða 18

18 26. febrúar 2008 ÞRIÐJUDAGUR
greinar@frettabladid.is
FRÁ DEGI TIL DAGS
ÚTGÁFUFÉLAG: 365
RITSTJÓRAR: Jón Kaldal og Þorsteinn Pálsson AÐSTOÐARRITSTJÓRI: Steinunn Stefánsdóttir FRÉTTASTJÓRAR: Arndís
Þorgeirsdóttir, Kristján Hjálmarsson, Trausti Hafliðason og Höskuldur Daði Magnússon (dægurmál). FULLTRÚI RITSTJÓRA:
Páll Baldvin Baldvinsson. Fréttablaðið kemur út í 103.000 eintökum og er dreift ókeypis á heimili á höfuðborgarsvæðinu,
Akureyri og þéttbýlissvæðum á suðvesturhorninu. Einnig er hægt að fá blaðið í völdum verslunum á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871
Vonbrigði dætranna voru mikil á safnanótt þegar faðir þeirra
lýsti því yfir að við myndum að
sjálfsögðu hlýða kalli lögreglunn-
ar og halda okkur heima. Vetrar-
hátíð er okkur meir að skapi en
menningarnótt – sú síðarnefnda
er orðin svo fjölmenn og allt of
mikið um að vera. Vetrarhátíðin
er hófstilltari og safnanóttin er
sérlega vel heppnuð. Við mæðgur
tökum alltaf virkan þátt í henni
og lesum dagskrána spjaldanna á
milli og vöndum valið. Við höfum
leikið okkur í Rafheimum, gengið
með vasaljós upp Elliðaárdalinn
við undirleik blásarasveitar og
hitt Bakkabræður í Árbæjarsafni.
Í fyrra buðum við frændum
okkar, þá 6 og 7 ára, með.
Systrunum fannst ótækt að þeir
misstu af þessari skemmtun. Þá
föndruðum við í Ásmundarsafni
og fengum leiðgögn um sýning-
una, lýstum upp stytturnar í
garðinum með vasaljósum,
hittum ísbjörn á Hlemmi og
börnin undu sér lengi við að para
saman fugla og egg í Náttúru-
gripasafninu. Þau hlýddu á alla
leiðsögnina um Sögusafnið í
Perlunni og horfðu á myndband
um gerð leikmyndanna. Á leiðinni
heim var komið við á Kjarvals-
stöðum til að ná í fjórða stimpil-
inn og þar heilluðust þau svo af
verki Rúríar, Fossinum, að við
urðum að draga þau út þegar
klukkan var langt gengin í tólf. Á
planinu fyrir utan sagði eldri
drengurinn og var mikið niðri
fyrir: Það er búið að vera
taumlaust fjör hjá okkur.
Draugagangur í Ráðhúsinu
Það var því ekki að undra að tár
sáust á hvarmi þegar tilkynnt var
að safnanóttin væri fokin út í
veður og vind. Sú yngri hafði þó
farið í skrúðgönguna kvöldið áður
og á vel heppnaða dagskrá í Iðnó,
Vín, grín og fíólín. Sú eldri sem
hafði setið heima yfir skólabókun-
um vildi hafa ákall lögreglunnar
að engu, enda kom frétt frá
Þjóðminjasafninu um að draug-
arnir þar ætluðu ekki að láta
veðrið hafa áhrif á sig. Þangað
hafði för okkar einmitt verið
heitið. Ég fékk mikil viðbrögð við
síðasta pistli því ég var ekki fyrr
búin að skrifa hugnæma minn-
ingar grein um borgarstjórnar-
flokk Sjálfstæðisflokksins en hann
reis aftur upp frá dauðum.
Fljótlega benti þó ýmislegt til að
þarna væri um afturgöngur að
ræða, uppvakninga, móra, skottur
eða hvað þetta heitir allt saman
sem hunsar dauðann en er þó vart
á lífi. Ég ætlaði því að fara á
Þjóðminjasafnið og læra að kveða
niður drauga. Ég sem má ekkert
aumt sjá kenni svo í brjósti um
þau. Voru þau ekki betur sett í
minnihluta en í þessum undarlega
meirihluta þar sem málefnin
þeirra hafa verið kveðin í kútinn?
Sóknarpresturinn minn sem hefur
viðhaldið þeim góða sið að biðja
fyrir forseta vorum og ríkisstjórn
er farinn að biðja fyrir borgar-
stjórn líka. Ég efast þó um að
samstillt bæn allra presta í
höfuðborginni dugi til að bjarga
þessum meirihluta. Ef borgar-
stjórinn fyrrverandi hefði haldið
áttunda boðorðið (Þú skalt ekki
bera ljúgvitni gegn náunga þínum)
væru horfurnar ef til vill betri. Nú
er ástandið þannig að þegar hann
segist hafa ráðfært sig við Davíð
Oddsson spyrja menn – hvaða
Davíð Oddsson, þennan núverandi
eða fyrrverandi? Þennan sem er
seðlabankastjóri og hlýtur því að
hafa látið af því að skipta sér af
pólitík enda nóg að gera við að
bjarga landinu frá efnahagslegu
hruni – eða þann fyrrverandi sem
var eitt sinn borgarstjóri og hefur
marga fjöruna sopið sem slíkur og
ætti því að geta gefið kollega
sínum ráð? Skyldi það loks
sannast á Villa að ekki verður
feigum forðað né ófeigum í hel
komið? Eða eru íslenskir stjórn-
málamenn ódrepandi?
Verðugt verkefni
Það er verðugt verkefni fyrir
næstu safnanótt að kryfja íslensk
stjórnmál. Miðstöð munnlegar
sögu gæti safnað heimildum frá
stjórnmálamönnum þar sem eitt
þemað væri: Hvernig ég beið af
mér almenningsálitið. Annað
þema: Ferðin sem aldrei var farin
og dagarnir hundrað sem varið
var í að undirbúa hana. Þriðja
þemað: Fyrirgreiðslupólitík.
Efnið er óþrjótandi. Borgarstarfs-
menn gætu tjáð sig um vinnu-
brögð mismunandi meirihluta og
þá einstöku lífsreynslu að hafa
þjónað fjórum herrum á tveimur
árum. Fræðimenn gætu svarað
spurningunni hvort önnur lögmál
gildi um fagleg vinnubrögð í
stjórnmálum en annars staðar.
Almenningur gæti sagt frá
samskiptum sínum við stjórn-
málamenn til dæmis af klípuskap
við lóðaúthlutun eða stöðuveiting-
ar og mikið væri fróðlegt að
heyra verktaka lýsa afskiptum
sínum af skipulagsmálum í
Reykjavík. Efnið hér er ekki
síður fjölbreytt og eflaust margir
sem væru fúsir til að tjá sig. Það
er verst hvað minnisleysið hrjáir
margan stjórnmálamanninn, en
þar gætu aðstoðarmennirnir
komið til hjálpar og fyllt upp í
eyðurnar, eða þá embættismenn
sem eru með allt á hreinu. Ég
vona bara að lögreglan skipi ekki
svo fyrir að menn skuli halda sig
heima af ótta við að sannleikurinn
komi í ljós.
Taumlaust fjör
RAGNHILDUR VIGFÚSDÓTTIR
Í DAG |Borgarmál
UMRÆÐAN
Fjarskipti
Síminn hefur á undanförnum áratugum byggt upp öflugasta fjarskiptanet lands-
ins með það að markmiði að Íslendingar
búi við fjarskiptatækni sem ávallt er í
fremstu röð í heiminum. Þannig hefur fyr-
irtækjum og einstaklingum gefist tækifæri
til að nýta sér tæknina til nýsköpunar og
styrkja samskiptin sín á milli með bestu
fjarskiptatækni sem völ er á.
Talsímaþjónusta Símans nær til allra
landsmanna hvort sem um er að ræða
venjulega símalínu eða ISDN. ADSL
þjónusta Símans nær til 94% heimila. Farsímaþjón-
usta Símans nær til 98% landsmanna og stöðugt er
unnið að því að koma á farsímasambandi þar sem
það vantar. Nýlega hefur Síminn lokið við að bæta
GSM sambandið á yfir 500 km svæði á hringvegin-
um og fjölförnum fjallvegum. Auk þess hefur
Síminn sett upp nokkra langdræga GSM senda með
það að markmiði að bæta enn frekar farsímasam-
band smábátaflotans í kringum strendur landsins
ásamt því að efla farsímasamband við fjölsótta
ferðamannastaði inn til landsins.
Síminn hefur rekið NMT farsímakerfið
síðan 1986 en það er langdrægt farsíma-
kerfi sem nær yfir allt landið og út á
miðin. Notendur þessa kerfis hafa helst
verið fjallamenn, björgunarsveitir og
sjómenn. Síminn mun á þessu ári hefja
uppbyggingu á langdrægu þriðju
kynslóðar farsímakerfi. Slíkt kerfi mun
hafa álíka útbreiðslu og núverandi NMT
kerfi og allt að 100 faldan gagnaflutnings-
hraða núverandi GSM kerfa.
Eins og kunnugt er tók Síminn fyrstur
fjarskiptafyrirtækja þriðju kynslóðar
farsímakerfi (3G) í notkun í byrjun
september 2007 og nær kerfið nú til
höfuðborgarsvæðis, Leifsstöðvar og
Akureyrar. Fyrirhugað er að stækka 3G dreifi-
svæðið á árinu bæði í dreifbýli og þéttbýli.
Þessi áhersla Símans á uppbyggingu og þjónustu
við viðskiptavini sína skilaði sér í því að Síminn
hlaut hæstu einkunn farsímafyrirtækja síðla árs
2007 í mælingu íslensku Ánægjuvogarinnar.
Samkvæmt því eru viðskiptavinir Símans ánægð-
ustu viðskiptavinirnir á farsímamarkaði á Íslandi.
Við þökkum kærlega fyrir þá viðurkenningu.
Höfundur er forstjóri Símans.
Stærsta dreifikerfið
SÆVAR FREYR
ÞRÁINSSON
Trausti Geir
Geir Haarde ber höfuð og herðar
yfir aðra stjórnmálamenn í könnun
Fréttablaðsins um hvaða stjórnmála-
menn njóta mests trausts. Um
fjörutíu prósent segjast treysta Geir
mest. Næstflestir treysta Ingibjörgu
Sólrúnu Gísladóttur best. Þeim fækkar
jafnframt sem segjast treysta Geir og
Ingibjörgu minnst. Það sem skil-
ur formennina hins vegar að er
að Geir er óskoraður leiðtogi
sjálfstæðismanna en innan
Samfylkingarinnar dreifist
traustið á fleiri en formann-
inn. Geir er eini
sjálfstæðismaður-
inn meðal fimm
efstu sem njóta
mests trausts.
Trausti dreift
Fylgi Geirs er á pari við fylgi Sjálf-
stæðisflokksins í skoðanakönnun
sem birtist daginn áður. Um sextán
prósent nefndu Ingibjörgu sem þann
stjórnmálamann sem þeir treysta
mest. Það er um helmingur fylgis
Samfylkingarinnar í téðri skoðana-
könnun. Auk Ingibjargar eru þrír
forystumenn Samfylkingar-
innar í röðum þeirra
fimm sem njóta mests
trausts; Jóhanna
Sigurðardóttir, Össur
Skarphéðinsson og
Dagur B. Eggerts-
son.
Traust rýrnar
Athygli vekur að mun færri en áður
nefna Steingrím J. Sigfússon sem
þann stjórnmálamann sem þeir
treysta best; 9,1 prósent í stað rúm-
lega 25 prósenta fyrir ári. Langflestir
segjast bera minnst traust til Vilhjálms
Þ. Vilhjálmssonar, sem er engin furða
miðað við það sem á hefur gengið.
Annar sem bætir hraustlega við sig
vantrausti er Össur Skarp-
héðinsson; 18,5 prósent
segjast treysta honum
minnst, helmingi fleiri en
þeir sem vantreysta Árna
Mathiesen, og hefur þó
ekki lítið gengið á hjá
honum undanfarið.
bergsteinn@frettabladid.is
R
úm vika er nú síðan kjörin stjórn Kosovo, eingöngu
skipuð Kosovo-Albönum, lýsti yfir sjálfstæði héraðs-
ins frá Serbíu. Bandaríkin og allmörg aðildarríki Evr-
ópusambandsins hafa viðurkennt sjálfstæðið, þar á
meðal Danmörk. Noregur, sem eins og Ísland stendur
utan við Evrópusambandið, var einnig meðal fyrstu ríkja sem
það gerðu. Íslenzk stjórnvöld virðast hins vegar að þessu sinni
ætla að fara sér hægt í að fylgja fordæmi grannþjóðanna.
Í ljósi þess hve Ísland var fljótt til að viðurkenna sjálfstæði
allra annarra lýðvelda sem áður voru hluti gömlu Júgóslavíu – og
sá listi er orðinn nokkuð langur: Slóvenía, Króatía, Makedónía,
Bosnía-Herzegovína, Svartfjallaland, að ógleymdri Serbíu
sjálfri – stingur það óneitanlega nokkuð í stúf að íslenzk stjórn-
völd skuli nú hika við að viðurkenna sjálfstæði Kosovo.
Það liggur nærri að ætla að ástæða þessa hiks sé sú staða sem
Ísland er í sem ríki í kosningabaráttu fyrir sæti í öryggisráði
Sameinuðu þjóðanna. Ráðamenn í Rússlandi, eins hinna fimm
neitunarvalds-fastafulltrúa ráðsins, hafa sagt að þeir álíti sjálf-
stæðisyfirlýsingu Kosovo ólöglega og hvert það land sem viður-
kenni hana brjóti því að þeirra áliti gegn alþjóðalögum.
Framboð Íslands til öryggisráðsins er norrænt framboð, og
því má færa rök fyrir því að annað væri óeðlilegt en að Norður-
löndin fimm tækju sömu afstöðu í þessu máli. Norðmenn og
Danir hafa nú riðið á vaðið, Svíar hafa boðað að þeir muni fylgja
í kjölfarið fljótlega og Finnar sömuleiðis. Þá eykst þrýstingur-
inn á Íslendinga.
Í tæplega níu ár hefur Kosovo verið verndarsvæði alþjóða-
samfélagsins – fyrst NATO, þá SÞ og nú ESB – í kjölfar þess að
NATO batt sumarið 1999 með hervaldi enda á stríð í héraðinu,
án umboðs frá SÞ.
Ráðamenn vestrænna ríkja sem viðurkennt hafa hið einhliða
yfirlýsta sjálfstæði Kosovo vísa gjarnan til þess að sjálfstætt
Kosovo sé bein afleiðing af þjóðernishreinsunarstefnu Slobodans
Milosevic. Skiljanlega þykir lýðræðislega kjörnum fulltrúum
Serbíu nútímans það súrt í broti að land þeirra og þjóð séu látin
gjalda með þessum hætti fyrir gerðir fyrri valdhafa.
Rússar vísa líka gjarnan til þess að aðskilnaður Kosovo frá
Serbíu skapi hættulegt fordæmi. Sjálfir óttast Rússar að ýmis
héruð á suðurjaðri ríkis þeirra nýti sér fordæmi Kosovo til að ýta
undir kröfur sínar um aðskilnað. Svipað er ástatt í sumum ESB-
ríkjunum, sem hafa þjóðernisminnihlutahópa innan landamæra
sinna. Þannig hafa til að mynda stjórnir Rúmeníu, Slóvakíu og
Kýpur lýst því yfir að þau muni ekki viðurkenna Kosovo.
Í stuttu máli má segja að einhliða sjálfstæðisyfirlýsing Kosovo
með stuðningi Vesturveldanna leysi ekki vandann, enda langt í
að þetta litla, landlukta landsvæði geti orðið sjálfbært ríki, ef
það verður það þá nokkurn tímann. Eftir að margra ára mála-
miðlunartilraunir skiluðu engum árangri var þó ljóst að stíga
þurfti ákveðin skref sem ekki yrðu öllum málsaðilum að skapi.
Og nú þarf Ísland að stíga slíkt skref líka.
Sjálfstæði Kosovo:
Ísland í klemmu
AUÐUNN ARNÓRSSON SKRIFAR
VAKTAVINNUFÓLK
Flest námskeið skólans
geta hentað ykkur
sérstaklega vel þar sem
möguleiki er að skipta
milli morgun- og
kvöldtíma eftir vöktum
án þess að missa úr á
stærri námskeiðum.
Tölvunám byrjenda
Vinsælt námskeið ætlað
fólki á öllum aldri sem
hefur enga tölvukunnáttu.
Á þessu námskeiði er allt
tekið fyrir sem byrjandinn
þarf til að komast vel af
stað í notkun tölvu.
Kennt er þriðjudaga og
fimmtudaga og er hægt
að velja um morgun- eða
kvöldnámskeið.
Kennsla hefst 4. mars og lýkur 3. apríl
(páskafrí 14. til 25. mars).
Kennt er þriðjudaga og fimmtudaga,
morgunnámskeið kl 8.30 – 12
og kvöldnámskeið 18 – 21.30.
Lengd 42 std. Verð kr. 32.900,-
Kennslubók innifalin.
FAXAFEN 10
108 REYKJAVÍK
GLERÁRGATA 36
600 AKUREYRI
WWW.TSK.IS
SKOLI@TSK.IS
SÍMI: 544 2210