Fréttablaðið - 28.02.2008, Qupperneq 44

28. FEBRÚAR 2008 FIMMTUDAGUR
Kristinn Matthías Símonarson
er 24 ára gamall bílstjóri hjá
fyrirtækinu Bíldrangur.
„Þetta eru nú nokkrar vélar sem
ég vinn á. Ég er bæði á trailer-
vörubíl og svo hef ég verið á jarð-
ýtu og skurðgröfu seinustu daga
þannig að maður er eiginlega bara
í öllu. Sem stendur er ég þó mest á
trailer,“ segir Kristinn þegar hann
er spurður út í hvaða vinnuvélar
hann starfar á.
„Það er mjög þægilegt að keyra
þennan bíl. Maður þarf ekkert að
hugsa, þetta gerir bara allt fyrir
mann. Það eina sem þarf að gera
er að hafa hugann við aksturinn og
einbeita sér að umferðinni,“ segir
Kristinn um bílinn sem hann ekur
og er af gerðinni Mercedes Benz
Actros, árgerð 2007.
Þann bíl hafði hann þó aðeins
ekið í einn dag þegar blaðamaður
ræddi við hann. „Ég er nú samt
búinn að keyra trailera áður
þannig að þetta er ekkert nýtt fyrir
mér,“ bætir hann við en hann seg-
ist áður hafa unnið hjá Jarðvélum
og Klæðningu ehf., meðal annars.
Þegar Kristinn er spurður út í
aðrar vélar sem hann hefur unnið
á í seinni tíð nefnir hann Komatsu
160 beltagröfu. „Ég er líka bara
búinn að vinna í nokkra daga á
henni. Ég er alveg nýbyrjaður í
þessu fyrirtæki,“ segir Kristinn
með bros á vör.
Kristinn segir að sér líki mjög
vel í vinnu hjá Bíladrangi. „Þetta
er líka gott fyrirtæki og starfsand-
inn hér er mjög góður enda erum
við bara þrír að vinna hér þannig
að þetta er eins og lítil fjölskylda,“
segir Kristinn að lokum áður en
hann heldur aftur til starfa. - rss
Er eiginlega í öllu
Kristinn Matthías Símonarson vörubílstjóri. FRÉTTABLAÐIÐ/PJETUR
Sólning býður upp á mikið úrval sterkra og endingargóðra dekkja fyrir flestar gerðir
vinnuvéla. Höfum að auki eitt besta úrval landsins af jeppa- og fólksbíladekkjum.
Sendum hvert á land sem er.
SÓLNING