Fréttablaðið - 28.02.2008, Qupperneq 59

FIMMTUDAGUR 28. febrúar 2008 31
UMRÆÐAN
Fordómar
Siðferði Íslendinga virðist vera á niðurleið. Umfjöllun fjöl-
miðla um nýstofnuð samtök gegn
innflytjendum og aðkomufólki
vakti upp óhug hjá stjórn Ung-
mennahreyfingar Rauða kross
Íslands nýlega. Til að mynda bar
póstsending sem fór á milli stjórn-
armanna á dögunum titilinn „Þetta
hræðir mig“ og í bréfinu var bent
á tengil sem vísaði inn á síðu
„nýnasistasamtaka“ sem virðast
hafi skotið rótum hér á landi. Á
vefnum má finna íslenskan áróður
byggðan á rasískri hugsun. Er
þetta sú leið sem við Íslendingar
ætlum að fara í þessum málum?
Ætlum við halda áfram að brenna
okkur á þessu hitamáli líkt og svo
margar aðrar þjóðir hafa gert nú
þegar? Innflytjendur eiga skilið
betri móttökur en þessa umræðu
af hálfu okkar sem hér erum borin
og barnfædd.
Vísan um fjölmenningarlegt
samfélag virðist aldrei of oft kveð-
in, því við teljum það augljóst að
tilkoma fjölbreyttari hóps fólks
með ólíkan bakgrunn kryddi til-
veruna okkar hér heima á Fróni
töluvert. Með hjálp þeirra kynn-
umst við nýjum og fjölbreyttum
siðum og venjum. Það er stað-
reynd að þeim Íslendingum sem
kunna að meta blóðmör og hval-
rengi fer fækkandi en þeim sem
vilja gjarnan smakka á framandi
mat og kynna sér erlenda siði fer
fjölgandi. Eiga þeir sem færa
okkur þá siði skilið að fá í andlitið
þá umræðu sem nú er í gangi í
fjölmiðlum, og ekki síst á verald-
arvefnum?
Fordómafull umræða upp á síð-
kastið hefur nokkuð verið bundin
við ungt fólk. Nýlega birtist viðtal
í DV þar sem rætt var við Keflvík-
inga, unga að árum, um félagsskap
sem þeir hafa stofnað til undir
nafninu ÍFÍ, eða „Ísland fyrir
Íslendinga“. Voru ummæli hinna
ungu stofnenda í garð nýbúa
niðrandi í meira lagi og algjörlega
ólíðandi, svo ekki sé minnst á þann
aragrúa af staðreyndavillum sem
finna mátti í málflutningi þeirra.
Því var m.a. haldið fram að far-
andverkafólk steli af okkur allri
bygginga- og/eða fiskvinnu, þeirri
vinnu sem sífellt færri Íslending-
ar vilja stunda. Svo ekki sé minnst
á það þegar forsvarsmenn ÍFÍ tala
um innflytjendur frá Austur-Evr-
ópu sem litað fólk. Ekki er heldur
langt að minnast þeirrar umræðu
sem skapaðist í kringum vefsíðu
Skaparans, en miðað við fram-
komu og málfar vefstjóra hennar
mætti ætla að hann sé ekki nema
rétt búinn að missa barnatennurn-
ar.
Hver er ástæðan fyrir því að
skyndilega virðast flestar flóð-
gáttir hafa brostið og fordómar
ungs fólks í garð innflytjenda
orðið svo áberandi? Það læra börn-
in sem fyrir þeim er haft og nú
virðist sem aldagamlir undirliggj-
andi fordómar þeirra sem eldri
eru séu að koma fram meðal
afkomenda þeirra. „Það er eins og
þær séu skítugar á höndunum,
þessar pöddur“ heyrðist gömul
kona segja við börn sín og barna-
börn, um þeldökka einstaklinga.
Þetta er lýsandi dæmi um það
hvernig vanþekking og hræðsla
Íslendinga gagnvart því sem nýtt
er og framandi gengur mann fram
af manni, kynslóð eftir kynslóð.
Svo virðist einnig vera að ekki
megi ræða um viðhorf og virðingu
innan veggja skólanna þar sem
það sé innræting og andstætt við-
horfum foreldranna.
Hvenær ætlum við að opna
faðminn og taka innflytjendum
fagnandi í stað þess að bölsótast
yfir þeim? Hvenær munum við
hjálpa þeim að aðlagast máli og
menningu í stað þess að rausa yfir
málleysi þeirra og vanþekkingu á
okkar siðum og venjum? Er ekki
kominn tími til að bindast vina-
böndum í stað þess að stofna
hættuleg mótmælendafélög?
Höfundar eru í stjórn Ungmenna-
hreyfingar Rauða kross Íslands.
Siðferðisboðskapur óskast
JÓN ÞORSTEINN
SIGURÐSSON
GUNNLAUGUR BR.
BJÖRNSSON
UMRÆÐAN
Skopmyndamálið
Herra Ólafur Ragnar Grímsson, forseti Íslands, bar á dögunum
blak af skopmyndateiknurum
danska blaðsins Jyllandsposten í
viðtali við arab-
ísku sjónvarps-
stöðina Al Jaz-
eera. Fyrir það
vil ég þakka
honum.
Það er aðdá-
unarvert, nú á
tímum trúar-
taugaveiklunar,
pólitískrar rétt-
hugsunar og
öfugsnúins
umburðarlyndis, að kjörinn fulltrúi
frá vestrænu ríki skuli standa vörð
um þau gildi sem gera okkur Vest-
urlandabúa að því sem við erum:
Frjálsu fólki í frjálsum löndum.
Gleymum því ekki að meðal okkar
frjálsborinna eru milljónir manna
sem hafa flúið kúgun og ofbeldi og
fundið skjól meðal okkar sem
þekkjum slíkan veruleika aðeins úr
bókum, sjónvarpi og kvikmyndum.
Hinir öfgafullu íslamistar sem
vaða uppi víða um heim og boða
harða bókstafstrú um leið og þeir
troða á mannréttindum og mál-
frelsi eru ekki aðeins svarnir óvin-
ir Vesturlanda, menningar okkar
og lífsgilda, heldur ógna þeir frelsi
og gildum þeirra milljóna múslima
sem aðhyllast ekki öfgar í trúmál-
um og vilja fá að lifa í friði og í sátt
við samfélagið. Þeir sem beygja sig
fyrir hinum háværu íslamistum
eru ekki aðeins að svíkja þau gildi
sem við hin frjálsu lifum eftir held-
ur eru þeir einnig að svíkja það fólk
sem flúið hefur kúgun og hefur
fundið griðastað fjarri trúarofs-
tæki og öfgum. Þess vegna segi ég:
Takk, Ólafur Ragnar! Takk fyrir að
þora að vera frjáls.
Höfundur er rithöfundur.
Takk,
Ólafur
Ragnar
STEFÁN MÁNI
...alla daga
Allt sem þú þarft...
Fréttablaðið er mest lesna dagblað landsins
og það eina sem kemur út alla daga vikunnar.
Lesendur vita að hverju þeir ganga þegar þeir
opna Fréttablaðið.
FÖSTUDAGUR
8. FEBRÚAR 200
8
FYLGIRIT FRÉT
TABLAÐSINS
Söngkonan Regína Ósk
um ástina á Eurovision, hamingjuna
og kjaftaganginn
Vala Matt
selur glæsiíbúð í Garðabæ
Nýtt megrunaræði
heltekur landann
Atli bollason
í sprengjuhöllinni opnar fataskápinn sinn
Föstudagur flytur fréttir af fólki
innanlands sem utan