Fréttablaðið - 14.03.2008, Blaðsíða 34

4 • FÖSTUDAGUR 14. MARS 2008
F
elix Bergsson verður kynnir á íslensku tónlist-
arverðlaununum sem fram fara í Borgarleik-
húsinu á þriðjudaginn. Þetta er þriðja árið í röð
sem Felix er kynnir á hátíðinni og henni verð-
ur að vanda sjónvarpað í beinni á Rúv. Felix hefur
verið á faraldsfæti síðustu mánuðina og er nýkom-
inn heim.
„Ferðalögin tengjast því að Baldur Þórhallsson
maðurinn minn er í rannsóknarleyfi frá Háskóla Ís-
lands og hefur notað tækifærið til að halda fyrir-
lestra og sitja ráðstefnur úti um allan heim,“ segir
Felix. „Ég fer með og hef unnið efni í hverju landi
fyrir þáttinn okkar Guðrúnar Gunnars á Rás 2.“
Felix og Baldur hafa farið víða. „Við vorum í Lond-
on og París í janúar og ég var í beinni frá franska
ríkisútvarpinu. Það var mjög gaman að kynnast því
batteríi. Svo fórum við mikla ferð til Mið- og Suður-
Ameríku. Heimsóttum Venesúela, Kostaríka og eyj-
una Trínidad. Þetta eru fátæk lönd og gífurlega mikil
misskipting. Hugo Chavez er náttúrulega að gera allt
vitlaust í Venesúela. Það var hálfgert sjokk að koma
þarna; spjöld af honum úti um alla borg og nú er
hann að hóta stríði við Kólumbíu til að reyna að auka
vinsældir sínar. Það reyndi mjög á sósíalíska genið í
manni að vera þarna.“
Felix er spenntur fyrir Íslensku tólistarverðlaun-
unum. „Maður er alltaf jafn gáttaður þegar litið er
yfir útnefningarnar og maður sér hvers lags veisla
íslenskt tónlistarlíf er,“ segir hann.
Daginn eftir afhendingu tónlistarverðlaunanna
þýtur Felix svo af landi brott og nú til Kína. „Ég hef
aldrei komið þangað áður og hlakka mikið til. Við
ætlum til Xian, Shanghæ og Peking þar sem Bald-
ur situr ráðstefnu. Þetta verður mikið ævintýri og ég
leyfi hlustendum Rásar 2 að fylgjast með. Jafnvel í
beinni frá Kína.“
Felix Bergsson snýr aftur úr löngu ferðalagi
Kynnir á faraldsfæti
Felix Bergsson slappar af á ströndinni í Trínidad.
„David Oldfield ljósmyndari hafði
samband við mig og bað mig um
aðstoða sig við að taka myndir af
íslenskum stelpum fyrir Ameríska
Marie Claire,“ upplýsir Dröfn Ösp
Snorradóttir, verkefnastjóri hjá
auglýsingastofunni Fítón, en David
sem er breskur tískuljósmyndari
er kunningi hennar. „Í hverju tölu-
blaði tímaritsins er myndaþátt-
ur sem heitir „Beauty around the
world“ en myndirnar sem David
tók eru fyrir þann hluta blaðs-
ins. David hefur oft myndað fyrir
Marie Claire og önnur tískutíma-
rit en hann er búsettur hér á landi
þar sem hann á íslenska kærustu,“
segir Dröfn. David ræddi hug-
mynd sína við hana fyrst fyrir um
ári en lét nú verða af því að fram-
kvæma hana. „Við fórum í bæinn
og völdum 20 stelpur af handahófi
á aldrinum 18-35 ára. Þetta voru
þó engar lufsur í flíspeysum og
sandölum heldur flottar íslensk-
ar stelpur sem okkur fannst á ein-
hvern hátt endurspegla íslenska
tísku og það sem er í gangi hér,“
segir Dröfn og bætir því við að það
hafi verið lítið mál að fá konurn-
ar til að vera með í myndatökunni
um leið og nafn tímaritsins Marie
Claire var nefnt á nafn. „Af þess-
um tuttugu konum velur David
tíu myndir til að senda út og síðan
velur ritstjórn Marie Claire þær
myndir sem að verða birtar í blað-
inu en líklegast verður þetta birt í
blaðinu sem kemur út í júní,“ segir
Dröfn að lokum.
Íslenskar konur í Marie Claire
Dröfn Ösp Snorradóttir
Bókin Frjáls eftir Ayaan Hirsi Ali er
komin út í kilju. Sagan er sjálfævisaga
Ayaan sem flúði kúgun og harðræði í
Sómalíu en hún er ævintýri líkust. Henni
tókst að breyta veröldinni með hugrekki
sínu. Bókin hefur hlotið mikið lof. Ef þú
ert ekki búin/n að lesa hana skaltu gera
það um helgina.
Skyldulesning fyrir alla