Fréttablaðið - 14.03.2008, Blaðsíða 36

fatastíllinn
Berglind Ómarsdóttir, hönnuður og klæðskeri
6 • FÖSTUDAGUR 14. MARS 2008
Berglind Ómarsdóttir rekur fyrir-
tækið Kjóll og klæði en hún var valin
klæðskeri ársins árið 2007. Hún hefur
líflegan og fallegan fatasmekk en um
þessar mundir er hún önnum kafin við
að sauma brúðarkjóla fyrir sumarið.
Ertu mikið fatafrík? „Mér finnst rosa
gaman að fara í ný föt og þá sérstak-
lega eitthvað sem ég geri sjálf og er
ánægð með. Ég fylgist líka mikið með
hvað er í gangi í tískunni en ætli það
fari ekki eftir því hvernig þú skil-
greinir fatafrík hvort ég er það eða
ekki.“
Hvernig er þinn fatastíll? „Hann
er breytilegur eftir árstíð-
um, skapi og tilefni. Dags-
daglega er hann frek-
ar einfaldur og þægileg-
ur. Fyrir fínni tækifæri
finnst mér gaman að
klæðast fötum eftir mig
sjálfa en ég get ekki skil-
greint það í einhvern
einn stíl.“
Hverju fellur þú alltaf fyrir?
„Ég er veik fyrir
flottum efnum og
fallegum formum
í fötum. Kápur og
jakkar heilla mig
líka oft.“
Uppáhaldslitapall-
ettan? „Svart og
rautt er mikið hjá
mér sjálfri núna.“
Uppáhaldshönn-
uður? „Ég á engan
sérstakan upp-
áhaldshönnuð. Öll
flott hönnun er í
uppáhaldi alveg
sama hvaðan hún
kemur en það eru ótrúlega marg-
ir að gera mjög flotta hluti bæði hér
innanlands og utan. En Vivian West-
wood kemur fyrst í hugann ef ég
þarf að nefna einhvern.“
Uppáhaldsverslun? „Urban
Outfitters finnst mér
skemmtileg.“
Mestu tískumistökin? „Ég
fékk blað um daginn með
60 ára sögu Dior og var ein-
hvern veginn allt flott nema
Duran Duran-tímabilið þar
sem ég var í essinu mínu.
Þannig að ætli 80’s séu ekki
mestu tískumistökin horft
til baka þótt þetta hafi þótt
flott á þeim tíma.“
Verstu kaup sem þú hefur gert?
„Átti það til að kaupa of oft
skó sem pössuðu ekki, get
ekki nefnt nein sérstök pör
en þau voru nokkur. Þannig
að mín verstu kaup eru of litl-
ir skór.“
Bestu kaup sem þú hefur gert?
„Fyrsta saumavélin mín sem ég
keypti fyrir fermingarpeningana
mína.“
Hvert myndir þú fara í verslunarferð?
„Mig dreymir um ferð til New York.“
Veik fyrir flottum efnum og fallegum formum
1 Hárskrautið er frá Helgu Rún Pálsdóttur hattagerðarkonu. Mjög hentugt
þegar hárið er ekki að gera sig.
2 Þessa peysu keypti ég í Urban Outfitters í í Kaupmannahöfn.
3 Kjóllinn er úr Urban Outfitters í Kaliforníu. Ég nota hann við skemmtileg tæki-
færi, er í leggings við.
4 Berglind í eigin hönnun. Þennan kjól gerði ég fyrir árlegt partí hjá Óla Bogga
vini mínum en hann er í miklu uppáhaldi hjá mér.
1
2
3
4