Fréttablaðið - 14.03.2008, Blaðsíða 74
38 14. mars 2008 FÖSTUDAGUR
tonlist@frettabladid.is
TÓNNINN GEFINN
Trausti Júlíusson
Síðasta laugardagskvöld komu saman á Grand Rokki nokkrir þátttakendur
úr íslensku pönkbylgjunni (Kópavogsbíósenunni) og spiluðu erlend
pönklög sem höfðu áhrif á og mótuðu smekk þeirra fyrir tæpum þrjátíu
árum. Hugmyndin mæltist greinilega vel fyrir því það var fullt út úr
dyrum allt kvöldið og mikil stemning.
Fræbbblarnir hafa verið duglegastir að halda nafni íslenska pönksins á
lofti undanfarin ár og eins og áður voru þeir í stóru hlutverki þetta kvöld.
Ekki bara núverandi meðlimir heldur
líka Ríkharður og Þorsteinn sem voru í
sveitinni 1978-1979. Auk þeirra komu
fram þeir Árni Daníel sem var söngvari
og saxófónleikari þeirrar gleymdu en
frábæru sveitar Snillinganna, Óskar
Þórisson söngvari Taugadeildarinnar,
Gummi trommari úr Tappa tíkarrassi
og Kommi Q4U trommari auk þess sem
Heiðu í Unun var kippt upp á svið til að
syngja Blondie-lagið Denis með Iðunni
Fræbbblasöngkonu.
Dagskráin var ekkert slor. Fjörutíu
lög með hljómsveitum eins og Sex
Pistols, The Clash, Ramones, The Jam, Stiff Little Fingers, Undertones,
Buzzcocks o.fl. Nostalgían er eitt af því sem knýr tónlistaráhuga margra
og tribjút og endurkomusamkomur af ýmsum toga eru haldnar úti um
allan bæ. Þessi heppnaðist sérstaklega vel – það var meira að segja bjögun
í hljóðkerfinu í fyrstu lögunum rétt eins og í denn. Meðal hápunkta má
nefna Stranglers-lagið 5 Minutes, Jam-lagið Down in the Tube Station at
Midnight, Buzzcocks-lagið Ever Fallen in Love og Undertones-slagarann
Teenage Kicks sem Óskar söng bæði og Public Image sem Árni Daníel
söng af engu minni æsingi heldur en þegar Snillingarnir tóku það í
Kópavogsbíói 1979... Árni er hörku pönksöngvari. Jafnvígur á John Lydon
og Joe Strummer og mjög vannýttur, enda missti rokkið hann í sagnfræði-
grúsk. Enn einn hápunkturinn var flutningurinn á Television-laginu
Marquee Moon. Þá frekar flóknu lagasmíð tókst að flytja aðallega vegna
lipurs gítarleiks Ríkharðs. Frábær kvöldstund og meira pönk á næsta ári...
Einu sinni pönkari...
ÁRNI DANÍEL JÚLÍUSSON Í miklu stuði
á pönktónleikum á Grand Rokki um
síðustu helgi.
Forsprakki Pavement, sjálf-
ur Stephen Malkmus, er
hvergi nærri af baki dottinn
en fyrir stuttu sendi hann
frá sér sína fjórðu eiginlegu
sólóskífu. Steinþór Helgi
Arnsteinsson virti fyrir sér
nýju plötuna, Real Emotion-
al Trash.
Meistari Stephen Malkmus er flest-
um tónlistarnördum að góðu kunn-
ur. Þekktastur er Malkmus að sjálf-
sögðu sem aðalmaðurinn í hinni
stórmerkilegu og gríðarlega áhrifa-
miklu hljómsveit Pavement. Sveit-
in lagði óformlega upp laupana
árið 1999 en arfleifð hennar lifir
svo sannarlega áfram.
Ný sveit verður til
Strax tveimur árum seinna kom út
fyrsta plata Malkmus eftir Pavem-
ent. Hann hafði þá sett saman nýja
hljómsveit sem kallaðist The Jicks.
Plötufyrirtæki Malkmus, Matador,
sem einnig gaf út allar plötur Pave-
ment, fékk Malkmus hins vegar til
þess að láta plötuna einfaldlega
heita Stephen Malkmus. The Jicks
fékk svo að vera titluð með á næstu
plötu, Pig Lib, sem kom út árið 2003.
Síðasta plata Malkmus kom svo út
árið 2005 og hét Face the Truth.
Föngulegur liðsstyrkur
The Jicks fær nú í annað sinn að
vera titluð með Malkmus. Sveitin
hefur að mestu verið skipuð sömu
einstaklingunum frá stofnun
hennar. Stór breyting varð hins
vegar á The Jicks fyrir upptöku
Real Emotional Trash en trommu-
leikarinn John Moen kvaddi sveit-
ina og gekk til liðs við The December-
ists. Í staðinn fékk The Jicks enga
aðra en Janet Weiss, trommara
hljómsveitanna Quasi og Sleater-
Kinney (sem er því miður komin í
ótímabundið hlé).
Lágstemmdur djammþungi
Face the Truth hafði Malkmus nær
eingöngu gert sjálfur heima í kjall-
aranum en að þessu sinni sneri hann
aftur í hljóðverið. Meiri djamm-
bragur ríkir því augljóslega á Real
Emotional Trash. Á MySpace-síðu
Malkmus gefur lýsing plötunnar til
kynna að hún sé „vísvitandi lág-
stemmd og þung“. Reyndar gæti
þessi lýsing átt vel við flestallar
plötur sem Malkmus hefur komið
nálægt. Hvernig á reyndar maður
eins og Malkmus (þótt mikill snill-
ingur sé) að standa undir þeim
væntingum sem gerðar eru til hans
eftir að hafa verið í Pavement?
Er fortíðin of stór biti?
Allar fyrri plötur Malkmus hafa
líka liðið fyrir þennan (oft óþol-
andi) Pavement-samanburð. Erfitt
getur verið að slíta sig frá fortíð-
inni en Malkmus virðist semja
ágætlega við hana. Þrátt fyrir að
nýja platan standist ekki þennan
samanburð fortíðarinnar finnst
manni samt eins og hér sé að mót-
ast eitthvað sem gæti seinna orðið
stórfenglegra. Innkoma Weiss
hefur greinlega haft áhrif.
Gagnrýnendur missáttir
En tími Malkmus er brátt á þrot-
um. Svo virðist sem jafnvel hörð-
ustu aðdáendur Malkmus séu að
missa trúna á honum. Þannig
gefur Pitchfork nýju plötunni
„aðeins“ 6,8 í einkunn (meðalein-
kunn fyrri platna Malkmus og
Pavement hjá sama miðli er 9,1).
All Music og Rolling Stone eru
hins vegar glaðbeittari og eru
aðeins hálfri stjörnu frá því að
gefa fullt hús. Framhjá snilldar-
augnablikum plötunnar má alla-
vega ekki líta og þau eru alls ekki
svo fá.
Malkmus enn í fullu fjöri
STEPHEN MALKMUS & THE JICKS Forsprakki Pavement heldur áfram ferli sínum með
nýrri hljómsveit.
> Plata vikunnar
Borkó - Celebrating Life
★★★★
„Þó að það sé margt sem minnir
á krúttsveitir eins og múm og
Benna Hemm Hemm hjá Borkó
hefur tónlist hans alveg sín sér-
kenni líka. Hún er margþætt en
líka melódísk og poppuð. Fyrsta
snilldarplata ársins.“ TJ
> Í SPILARANUM
Morðingjarnir - Áfram Ísland!
Hercules and Love Affair - Hercules
and Love Affair
The Ruby Suns - Sea Lion
Destroyer - Trouble In Dreams
Plants And Animals - Parc Avenue
PLANTS AND
ANIMALS
Hljómsveitin Gus Gus hefur hafið upp-
tökur á sinni sjöttu hljóðversplötu.
Fyrsta smáskífan er væntanleg í
júlí en platan sjálf í haust. Síð-
asta plata Gus Gus, Forever,
kom út á síðasta ári og var
hún sú fyrsta frá henni í
fimm ár. Þess vegna koma
tíðindin um nýju plötuna tölu-
vert á óvart. „Við erum bara í
svo miklu stuði,“ segir
Stephan Stephensen úr Gus
Gus. „Við erum þegar byrjuð
að bóka „festivöl“ og síðan
verður stór túr í haust sem
verður vonandi farinn um
allan heim.“
Gus Gus fékk tvær tilnefn-
ingar til Íslensku tónlistar-
verðlaunanna sem verða afhent á
næstunni og er Stephan sann-
færður um að sveitin fái verðlaun.
„Það verður gaman að sjá hversu
spillingin er mikil hjá tónlistarmaf-
íunni,“ segir hann og hlær. Er
sveitin tilnefnd sem besti
flytjandinn og fyrir bestu
söngkonuna, Urði Hákonar-
dóttur. - fb
Gus Gus tekur upp
STEPHAN STEPHENSEN
Stephan og félagar í Gus Gus eru
að vinna að splunkunýrri plötu.
Á Akureyri er Kimi
Records starfrækt.
Útgáfan setti mark á
jólaplötumarkaðinn í
fyrra, meðal annars með
plötum Hjaltalín og
Hellvar, og í gær komu út
tvær nýjar plötur á
hennar vegum: fyrsta
plata Borkos og önnur
plata Morðingjanna,
Áfram Ísland! Fyrsta
platan þeirra, Í götunni
minni, kom út árið 2006.
Morðingjarnir eru þrír
og spila partívænt groddapönk. Þeir fara víða í áhrifum sínum, sumt
minnir á Dead Kennedys, annað á Fræbbblanna, sumt er undir
áhrifum frá nýpönki Green Day. Á nýju plötunni er meðal annars
sungið um eiturlyfjafíkla og hvítt rusl. Morðingjarnir ætla að fylgja
nýju plötunni stíft eftir á næstunni. Þeir spila í Húsinu á Akureyri í
kvöld og verða svo á Aldrei fór ég suður á Ísafirði um páskana.
Morðingjar syngja
um eiturlyfjafíkla
ÁFRAM ÍSLAND! MEIRA PÖNK! Morðingjarnir
eru á Akureyri í kvöld.
HERCULES
AND LOVE
AFFAIR