Fréttablaðið - 14.03.2008, Blaðsíða 40

14. MARS 2008 FÖSTUDAGUR2 ● fréttablaðið ● heilsa og lífsstíll
Japanska baðið er ný heilsu-
lind sem opnuð hefur verið
á Skúlagötu 40, Barónsstígs-
megin. Mæðginin Ylva og
Alexander Carlsson eiga það
og reka.

„Ástæðan fyrir því að við fórum
út í þetta ævintýri er sú að ég fór
í japanskt bað fyrir 20 árum úti
í London og gleymi því aldrei,“
segir Ylva og sýnir Spa- aðstöðuna
sem þau hafa útbúið á Skúlagöt-
unni. Þar er öllu haganlega fyrir
komið. „Við rifum allt hér innan
úr sem fyrir var og innréttuðum
aftur,“ lýsir hún og kveðst hafa
hannað staðinn sjálf, enda innan-
hússarkitekt að mennt. Athygli
vekja falleg málverk víða. Þau eru
eftir íslenska málara.
Í Japanska baðinu fær hver og einn
nærföt, slopp og handklæði eftir
þörfum. Fyrst er farið í skrúbb.
Þar eru menn skúraðir upp úr salti
og sápum og hita er komið í kropp-
inn. Eftir það er enn aukið á ylinn
með því að stíga niður í 42 gráðu
heita potta og ná í góða djúpslök-
un. Þaðan liggur leiðin á bekk eða
dýnu á gólfi þar sem farið er í
olíuburð og teygjur sem jafnast á
við besta orkunudd að sögn Ylvu.
„Maður er eins og nýsleginn tú-
skildingur í marga daga á eftir,“
fullyrðir hún sannfærandi. And-
lits- og höfuðnudd er framkvæmt
í stól og detox-meðferð er einn
af möguleikunum. Það er fótabað
sem sérstök sölt eru sett út í og
virka vel til hreinsunar.
Að þessari hringferð lokinni er
komið inn á lítinn en huggulegan
veitingastað þar sem boðið er upp
á íslenskt fæði af ýmsu tagi svo
sem kjarngóða súpu úr kjöti og
grænmeti, brauðbollur og kökur,
nýpressaðan safa og búst sem búið
er til á staðnum. „Ég tel heilsu-
samlegast fyrir fólk að borða
sem fjölbreyttast og umfram allt
að forðast megrunarkúra,“ segir
Ylva og tekur fram að veitinga-
staðurinn sé opinn öllum hvort
sem þeir noti sér baðið eða ekki
og afgreiðslutími sé frá 10 til 18.
Blöð og tímarit liggja frammi um
heilsu, lífsstíl og næringarfræði,
meðal annars blöð sem birta nýj-
ustu upplýsingar úr ýmsum rann-
sóknum er varða heilsu karla.
Ylva segir Japanska baðið fyrir
bæði kyn og allan aldur ef frá
eru talin börn. Meðferðin tekur
um einn og hálfan tíma og kostar
5.500 krónur. „Það segja mér allir
að þetta sé alltof ódýrt en verð-
ið þarf að vera þannig að það sé á
færi flestra að nota þjónustuna,“
segir Ylva og nefnir að þau mæð-
gin viti hvernig það sé að hafa lítið
fé handa á milli. „Okkur langar að
hafa þetta þannig að allir geti veitt
sér að eiga hér góða stund.“
-gun
Hér er dásamlegt að dorma og slaka á. Eftir er að myndskreyta veggina. Rafknúinn nuddbekkur er fyrir þá sem eru viðkvæmir í skrokknum og geta ekki lagst
niður á gólf.
Eins og nýsleginn túskildingur á eftir
Gott er að fá sér hressingu eftir meðferðina í notalegum borðkróknum. FRÉTTABLAÐIÐ/VALLI
Hluti af Spa-aðstöðunni. Málverk eftir
Mússu á veggjunum.
Ylva og Alexander Carlsson eiga og reka
Japanska baðið sem gengið er inn í af
bílastæði við Barónsstíginn.
Heimaleikfimi er heilsubót. Fyrir jafnt unga sem aldna. Það eru fjölmargar aðferðir sem hægt er að nýta sér við heimaleikfimina. Hvort heldur fólk kemur sér fyrir með
boxpúða í kjallaranum eða bílskúrnum. Tekur jógatímann heima með mynddiski. Gengur á staðnum með útvarpsleikfiminni. Eða bara dansar að lífs og sálarkröftum
um alla íbúð og syngur með. Síðan eru líka þeir sem nota tímann og hlaupa á bretti eða hjóla á staðföstum fák á meðan horft er á eitthvað skemmtilegt í sjónvarpinu.
Að morgni eða þegar allir aðrir hafa lagst til hvílu. Heilsuræktarstöðvar eru ekki fyrir alla. Sumir kunna ekki við líkamsrækt með fleirum. Kannski koma þeir ekki vegna
öldrunar, fötlunar, veikinda eða jafnvel fæðingarorlofs. Þá er einfaldlega hægt að stofna sína eigin heilsurækt heima. Síðan er heimaleikfimin einnig ágætis viðbót fyrir
þá sem fara á líkamsræktarstöðvar eða stunda annars konar heilsurækt. Hér eru nokkrar hugmyndir fyrir hressandi hreyfingu heima.
Spennandi heilsurækt heimavið
Útrásin sem
boxið gefur er
óviðjafnan-
leg. Markið
kr.13.900
Vatnið eða heilsu-
drykkur er nauðsyn-
legur í spriklinu.
Útilíf 1.290
Griflur til að verja
hendurnar við sippið,
á hjólinu eða þegar
lóðum er lyft. Útilíf
kr. 1.900
Tíu kílóa lóð sem eru góð í
svefnherbergið. Markið kr. 3.900
Hjólið hressir mann
við á kvöldin. Markið
kr.36.720