Fréttablaðið - 17.03.2008, Blaðsíða 10

17. mars 2008 MÁNUDAGUR
Borgartúni 29 + Höfðabakka 3
Smiðjuvegi 5 + Ögurhvarfi 2 + Iðuhúsinu
Glerárgötu 34 Akureyri + Aðalstræti 27 Ísafi rði
Páskaföndur
990 kr.
10
stk.
1.280 kr.
10
stk.
T
B
W
A
\R
E
Y
K
JA
V
ÍK
\
S
ÍA
Glerfínar gluggafilmur
– aukin vellíðan á vinnustað
RV
62
09
3M glu
ggafilm
ur fyrir
skóla, s
júkrahú
s, skrifs
tofur,
verslani
r og að
ra vinnu
staði
Fagme
nn frá
RV
sjá um
uppset
ningu
EFNAHAGSMÁL Afborganir af hús-
næðislánum í íslenskum krónum
með breytilegum vöxtum hjá
bönkunum gætu hækkað verulega
við endurskoðun vaxta.
Vextir fyrstu lánanna verða
endurskoðaðir haustið 2009, en
þau hagstæðustu bera 4,15 pró-
sent vexti. Eftir því sem næst
verður komist bera dýrustu sam-
bærilegu lánin í dag 7,8 prósenta
vexti. Vextir lána sem ekki eru
með endurskoðunarákvæði munu
ekki breytast.
„Fyrstu lánin munu koma til
endurskoðunar seint á næsta ári,
en obbinn af þeim kemur til end-
urskoðunar árið 2010,“ segir Már
Másson, forstöðumaður kynning-
armála hjá Glitni. Þeir bankar
sem haft var samband við gáfu
hvorki upp fjölda lána með slíku
endurskoðunarákvæði, né upp-
hæðir, af samkeppnisástæðum.
Spurður hvort líklegt sé að
vextir muni hækka segir Már: „Í
sjálfu sér eru þetta ekki tímabær-
ar vangaveltur, vaxtastigið er í
sögulegum hæðum núna og við
verðum að sjá hvernig það þró-
ast.“
Í kynningu útibússtjóra hjá
Íslandsbanka, nú Glitnis, frá maí
2005, kom fram að slík lán fælu í
sér minni vaxtaáhættu, og að
almennt væri spáð vaxtalækkun
til langs tíma. Í flestum tilvikum
myndu íbúðaeigendur spara tölu-
vert á því að endurfjármagna
áhvílandi lán, sem yfirleitt bæru
5,1 prósenta vexti.
Í dag býður Glitnir húsnæðislán
með 6,35 prósenta vöxtum án end-
urskoðunarákvæðis, en árið 2004
bauð Íslandsbanki lán með vöxt-
um frá 4,15 prósentum.
Haukur Agnarsson, deildar-
stjóri fasteignaþjónustu hjá
Landsbankanum, segir að minni-
hluti lána hjá bankanum sé með
endurskoðunarákvæði, og hlut-
fallið hafi farið lækkandi á undan-
förnum árum. Það skýrist líklega
einkum af vaxtamun, slík lán séu
nú með 7,8 prósenta vöxtum en
lán án endurskoðunarákvæða séu
með 6,3 prósenta vöxtum.
Talsverður fjöldi viðskiptavina
SPRON er með húsnæðislán með
breytilegum vöxtum, en fæst
þeirra koma til endurskoðunar
fyrr en á árinu 2010, segir Ólafur
Haraldsson, framkvæmdastjóri
SPRON sparisjóðs. Vextir SPRON
á nýjum lánum með endurskoðun-
arákvæði eru nú 6,95 prósent.
„Það er gert ráð fyrir því að
vextir fari að lækka, eitt og hálft
ár er langur tími. Ég er nokkuð
viss um að vaxtastigið verður
mun lægra, en hvort það verður
jafn lágt og þegar við vorum að
byrja með þessi lán er ómögulegt
að segja,“ segir Ólafur.
Benedikt Sigurðsson, upplýs-
ingafulltrúi Kaupþings, segir
bankann aldrei hafa veitt húsnæð-
islán í íslenskum krónum með
breytilegum vöxtum. Því verði
vextir húsnæðislána hjá bankan-
um óbreyttir. brjann@frettabladid.is
Vextir húsnæðislána
næstum tvöfaldast
Afborganir af húsnæðislánum með breytilegum vöxtum gætu hækkað veru-
lega þegar lánin verða endurskoðuð. Fyrstu lánin verða endurskoðuð á næsta
ári. Forsvarsmenn banka vonast til þess að vextir verði lægri við endurskoðun.
HÚSNÆÐI Vextir húsnæðislána hjá bönkunum voru lægstir nærri fjórum prósentum,
en eru nú komnir hátt í átta prósent fyrir lán með endurskoðunarákvæði.
FRÉTTABLAÐIÐ/VILHELM
VINNUMARKAÐUR Endurnýjun er yfirvofandi í for-
ystusveit Landssambands lögreglumanna, LL, en
stjórnarkjör stendur nú yfir. Hvorki formaður né
varaformaður LL gefa kost á sér en tveir listar eru
nú í fyrsta skipti í boði og er það óvenjulegt, að sögn
Steinars Adolfssonar framkvæmdastjóra.
Gils Jóhannsson varðstjóri leiðir annan listann og
er hinn undir forystu Snorra Magnússonar rann-
sóknarlögreglumanns. Nokkrir einstaklingar úr
núverandi stjórn og varastjórn eru á lista Gils. Listi
Snorra er hins vegar skipaður yngri mönnum sem
sumir koma nýir inn. Tveir menn eru þó á báðum
listum. Þetta eru þeir Loftur Kristjánsson, lögreglu-
maður á Reykjanesi, og Óskar Þór Guðmundsson,
lögreglumaður á Austurlandi. Loftur er í núverandi
stjórn og er sá eini úr stjórninni sem heldur áfram
ef listi Snorra nær kjöri.
Snorri segir að ástandið hafi verið frekar bágbor-
ið innan lögreglunnar upp á síðkastið, meðal annars
tal um niðurskurð eða hagræðingu. „Við viljum setja
tennur upp í Landssambandið, að það sé bit- og slag-
kraftur þar,“ segir hann og kveður gagnrýnina ekki
nýja af nálinni þótt hún hafi ekki verið á torg borin.
„Gamla stjórnin vann mjög vel. Hún beitti sér til
dæmis fyrir breytingu á hegningarlögunum sem
varð aukin refsivernd fyrir lögreglumenn og margt
annað. Hún skilar ekki slæmu búi, það er alveg klárt
mál,“ segir Gils.
Stjórnarkjörið fer fram með póstatkvæðagreiðslu
sem stendur til 27. mars. Niðurstaðan liggur fyrir í
byrjun apríl. - ghs
Kosningabarátta í fyrsta skipti vegna stjórnarkjörs hjá lögreglumönnum:
Tveir takast á um formennsku
FRAMBOÐSFUNDUR HJÁ LÖGREGLUMÖNNUM Kosningabarátta
er á fullu meðal lögreglumanna og stóð annar listinn fyrir
framboðsfundi nýlega. Þetta er í fyrsta skipti sem lögreglu-
menn kjósa milli lista í stjórnarkjöri. FRÉTTABLAÐIÐ/ANTON
MENNTUN Flugskóli Íslands, dóttur-
félag Fjöltækniskólans, hefur gert
samning um rekstrarleigu á
splunkunýjum flughermi fyrir Boe-
ing 757-þotur sem kemur til lands-
ins í apríl á næsta ári. Icelandair
kaupir flugtíma fyrir sína flugmenn
í flugherminum og notar í þetta um
1.700 sæti í sínum flugvélum.
„Við seljum þeim flugtíma í herm-
inum. Flugmenn verða að fara tvisv-
ar sinnum á ári í svona hermi og
hafa hingað til þurft að fara í
tveggja til þriggja daga þjálfun
erlendis sem kostar það að þeir
þurfa að fljúga út og vera á hóteli í
viku. Þetta mun nú allt gerast hér
heima þannig að hagræðingin verð-
ur heilmikil og þetta er mannvænna,
það þarf ekki að þvæla mönnum út
meira en þeir þurfa,“ segir Jón B.
Stefánsson, framkvæmdastjóri
Flugskóla Íslands.
Flugskólinn mun eiga og reka
herminn. Skólinn er þegar farinn
að selja lettneskum og litháískum
flugfélögum flugtíma. „Hugmynd-
in er að markaðssetja fyrir önnur
flugfélög, til dæmis í Austur-Evr-
ópu og Ameríku,“ segir hann.
Flughermirinn er tekinn á rekstr-
arleigu en gert er ráð fyrir að velta
Flugskólans verði alls rúmlega einn
milljarður króna næstu fimm árin.
Í þeim tölum er gert ráð fyrir ein-
hverjum hagnaði.
Flughermirinn er stórt og mikið
tæki sem þarf meðal annars níu
metra lofthæð. Hann sveiflast til á
tjökkum eins og flugvél gerir í
flugi. Flughermirinn er smíðaður í
Kanada. - ghs
Flugskóli Íslands hefur samið um smíði og leigu á níu metra flughermi:
Hagræðing verður heilmikil
SAMIÐ UM NÍU METRA FLUGHERMI
Flugskólinn hefur samið um smíði og
rekstrarleigu á níu metra háum flug-
hermi. FRÉTTABLAÐIÐ/VILHELM