Fréttablaðið - 17.03.2008, Blaðsíða 11

MÁNUDAGUR 17. mars 2008
Þú getur alltaf treyst á
prinsinn
Hlíðasmára 8 • 201 Kópavogi
s: 554 7200 • www.hafid.is
SLYS Banaslysum fækkaði mikið
en alvarlegum slysum fjölgaði
milli áranna 2006 og 2007. Þetta
kemur fram í skýrslu um umferð-
arslys á Íslandi sem Umferðar-
stofa kynnti í vikunni. Flest alvar-
leg slys og banaslys á síðasta ári
urðu í ágúst, en 30 manns slösuð-
ust alvarlega eða létust í þeim
mánuði.
Fimmtán létu lífið í jafnmörg-
um umferðarslysum á árinu.
Fjöldi banaslysa er því meðal þess
lægsta sem þekkist í Evrópu.
Aðeins eitt slysanna átti sér stað á
höfuðborgarsvæðinu. Þrír hinna
látnu voru ökumenn bifhjóla, einn
var gangandi vegfarandi og ellefu
voru ökumenn eða farþegar í bíl.
Af þessum ellefu reyndust sex
ekki vera í bílbelti. Tæplega 1700
manns slösuðust í umferðinni árið
2007, þar af 195 alvarlega.
Umferðarslysum hefur fækkað
frá árinu 1998 sé tekið mið af
fjölgun ökutækja, íbúa og ekinna
kílómetra. Þrátt fyrir fækkunina
hefur markmiðum stjórnvalda í
umferðaröryggismálum ekki
verið náð. Markmið stjórnvalda er
að fjöldi látinna og alvarlega slas-
aðra í umferðinni lækki um fimm
prósent á ári til ársins 2016. - þeb
Skýrsla um umferðarslys á Íslandi árið 2007 kynnt í vikunni:
Flest alvarleg slys í ágúst
UMFERÐARSLYS Flest umferðarslys á
árunum 2006 til 2007 urðu í ágústmán-
uði. FRÉTTABLAÐIÐ/VILHELM
SJÁVARÚTVEGUR „Það var ekkert
að hafa. Ætli þetta sé ekki bara
búið,“ sagði Ólafur Á. Einarsson,
skipstjóri á Álsey VE, sem var
ásamt fleiri skipum við loðnu-
veiðar nærri Vestmannaeyjum í
gær.
Margir Eyjamenn gerðu sér
ferð austur á eyju í góða veðr-
inu til að fylgjast með loðnuskip-
um sem köstuðu nótum sínum á
loðnu í Stakkabótinni nærri landi.
Einhverjir bátar hafa ekki náð að
fylla kvóta sinn og eru að brenna
út á tíma þar sem loðnan fer að
hrygna og drepast. - þo
Loðnuveiðar við Eyjar:
Lítið að hafa
VIÐ VEIÐAR Það var tilkomumikið að
fylgjast með loðnuskipunum svo nærri
landi við Vestmannaeyjar í gær.
FRÉTTABLAÐIÐ/ÓSKAR P. FRIÐRIKSSON
SAMSKIPTI Skoskir bændur í
girðingavinnu hægðu á öllu
netsambandi til og frá Íslandi í
sólarhring. Ljósleiðari sem flytur
meðal annars umferð FARICE-1
sæstrengsins bilaði við girðinga-
lagningu í Skotlandi í fyrradag og
var ekki lagaður fyrr en seinni
partinn í gær.
Rúmlega tvö ár eru síðan rottur
gerðu Ísland netsambandslaust í
stutta stund með því að naga
strenginn í sundur.
Bilunin hafði þau áhrif að
netumferð frá Íslandi var mun
hægvirkari en ella, enda þurfti
hún öll að fara í gegnum CANT-
AT-3 varastrenginn, sem hefur
mun minni afkastagetu. - sþs
Fyrst rottur, nú bændur:
Ljósleiðari lag-
aður í Skotlandi
FINNLAND Lögreglan í Finnlandi
stendur nú í átaki til að koma í
veg fyrir að ólöglegir innflytjend-
ur setjist að í landinu. Lögreglan
gerði húsleit í tveimur nætur-
klúbbum um helgina til að kanna
hvort þar væru ólöglegir innflytj-
endur, að sögn finnska dagblaðs-
ins Hufvudstadsbladet.
Fulltrúar lögreglunnar,
tollayfirvalda og landamæragæsl-
unnar leituðu á samtals tæplega
sextíu einstaklingum í nætur-
klúbbunum. Sumir voru starfandi
þar meðan aðrir voru þar sem
gestir. Níu voru teknir höndum og
ákveðið að kanna mál þeirra
betur en aðeins tveir höfðu ekki
dvalarleyfi. - ghs
Lögreglan í Finnlandi:
Leitar ólöglegra
innflytjenda