Fréttablaðið - 17.03.2008, Blaðsíða 36

17. MARS 2008 MÁNUDAGUR10 ● fréttablaðið ● híbýli
Fátt er jafn tilkomumikið og upplýst
kristalsljósakróna.
Flestir tengja kristalsljósakrónur við hall-
ir hefðarfólks fyrr á öldum en þó eru marg-
ir landsmenn komnir með slíka prýði heim
í stofu. Krónurnar fá að tróna á besta stað
og eru hvergi fallegri en þar sem rósettur
eru í lofti.
Kristalsljósakrónur fást bæði í klassísk-
um og nútímalegum stíl. Þær nútímalegu
eru oftar en ekki með framúrstefnulegri
lögun og jafnvel í lit.
Ekta kristalskrónur eru handgerð-
ar með 24 prómillum af blýi. Ekki fell-
ur á slíkar krónur og geta þær hald-
ist eins í hundrað ár. Krónur með
lægra blýinnihaldi eiga það til að
gulna.
vera@frettabladid.is
Klassískar og nútímalegar ljósakrónur
Tilkomumikil
kristalsljósa-
króna úr Slov-
ak kristal. Þar
er eingöngu
boðið upp á
handgerðar
krónur úr
kristal. Mikil
handavinna
liggur að baki
gerð slíkra
króna og þarf
áralanga þjálf-
un til að geta
leyst verkið
vel af hendi.
Verð 142.800
krónur.
Í Slovak krist-
al á Dalvegi
16b fást um
750 mismun-
andi tegundir
af kristals-
ljósakrón-
um. Þessi
kostar 79.800
krónur.
Margir eru
hrifnir af lituðum
krónum og hafa
svartar verið
sérstaklega
vinsælar. Þessi er
úr lituðum blýkristal. Fæst
í Slovak kristal og kostar
68.800 krónur.
Bohemia-kristall fæst í Slovak
kristal. Verð 75.800 krónur.
Þetta ljós frá moooi, heitir Light
Shade Shade og er eftir Jurgen Bey.
Ljósakrónan er inni í hólki og sést vel í
gegn þegar kveikt er á henni. Ljósið er
til í þremur stærðum og stærð 47x82
kostar 122.150 krónur.
Nútímalegt krist-
alsljós frá Foscarini.
Hægt er að fá ljósin
í þremur mismun-
andi stærðum og
kostar það minnsta
58.000 krónur en
hið stærsta 198.000
krónur.
Hönnunarhúsið Muuto upphefur norræna hönnun. Blandar
saman nýjum og ferskum straumum við hefðbundna hönnun.
Nafnið sjálft sótti innblástur sinn í finnska orðið muutos, sem
þýðir einmitt nýtt sjónarhorn.
Forsvarsmenn Muuto eru uppteknir af því að góð hönnun hefj-
ist hjá hönnuðinum. Þeir velja vandlega hæfileikaríkustu hönn-
uðina í Skandinavíu og gefa þeim frelsi til að tjá sínar sögur í
hversdagslegum hlutum. Sumir hönnuða Mutto vilja breyta
heiminum. Aðrir tjá ástríðu sína í litlum formum. Enn aðrir nota
persónulega reynslu til að hanna hversdagslega hluti á borð við
blómavasa eða sturtuhengi.
Markmiðið er hins vegar alltaf að vera með „muutos“, nýtt
sjónarhorn, sem ferðast um allan heim og upphefur norræna
hönnun.
www.muuto.com
Hversdagsleiki frá
nýju sjónarhorni
Glösin bera nafnið
„Same same but
different“ og eru
frá hönnuðinum
hjá Norway Says.
● HÖNNUN Það er hægur leikur að lífga upp
á stofuna án þess að fara út í kostnaðarsamar
breytingar. Til dæmis með því að verða sér úti
um skemmtilega skrítna hluti eins og þenn-
an Heico-íkornalampa, sem lýsist skemmtilega
upp þegar honum er stungið í sam-
band. Fallega ljótt myndu kannski
sumir segja um þennan lampa
en hvað sem smekk manna
líður er íkorninn líklegur til að
vekja kátínu jafnt hjá fullorðna
fólkinu sem því smáa. Lamp-
inn fæst í Kisunni og kostar
4.900 krónur.
4