Fréttablaðið - 30.03.2008, Qupperneq 67

FERÐALÖG 39
Matur í Tupperware. Finnarnir safna alls kyns góðgæti í ílát og
mæta með í garðana 1. maí.
Sána Ómissandi hluti af finnskri menningu
Vappu-stuð! Séð yfir stærsta almenningsgarðinn á hátíðar-
höldunum.
ÁSLAUG SEGIR AÐ ...
...það sé skylda hvers Finnland-fara að prófa það að fara í alvöru finnskt gufubað
og þá birkigufubað. Hún mælir meðal annars með sauna-bar við Eriks Katu þar sem
hægt er að spila billjarð og fara í Saunu.
...það sé mikil upplifun að kíkja í Design District. Skemmtilegt hverfi sem staðsett
er í hjarta Helsinki. Þar úir og grúir af búðum, sem selja nýja hönnun, sem og antík-,
tískubúðum, söfnum, listagalleríum og skemmtilegum veitingastöðum.
..allir ættu fá sér sapas – sem er finnskt tapas og í Design District má finna flotta
þannig staði. Í því hverfi er einnig
æðislegur eldri staður, Kosmos,
með hefðbundinn finnskan heim-
ilismat – listamannsstaður með
fallegum ljósakrónum og umhverfið
allt í klassískum fallegum stíl. Annar
staður, rússneskur, er í sama hverfi
þar sem hægt er að fá sér æðislegar
blinis með hrognum.
...það sé unaður að skreppa út í
búð og kaupa sér finnskan kraftmat
– handfylli af súrum gúrkum! Vinsælt
snakk í Finnlandi sem keypt er beint
úr tunnunni og Áslaug er með æði
fyrir – snæddar með sýrðum rjóma
og hunangi!
...þau hótel sem hún hafi prófað í
Helsinki séu mjög fín en sjálf hefur
hún til að mynda gist á Klaus K
(æðislegur morgunverður þar með
gæðaframleiðslu frá finnskum bænd-
um) sem er afar glæsilegt hótel og einnig er Hótel Kamp gott. Sokos Hotel Torni er
annað afar skemmtilegt sem er eins og nafnið gefið til kynna í turni og á efstu hæð
hans er bar. Sjálf ætlar hún næst að gista á nýju hóteli sem kallast Glo en þar er víst
afar gott spa á efstu hæðinni.
...sé fólk veikt fyrir Iittala-hönnuninni nýti fólk sér ferðina og fjárfesti í fallegum disk-
um eða einhverju öðru. Kannski samt ekki níðþungri rifflaðri Iittala-stálpönnu eins og
Áslaug sjálf burðaðist með heim síðast.
...það sé spúkí upplifun að skella sér á bari kvikmyndaleikstjórans Aki Kaurismäki
– en þeir eru Lenín, Koróna bar og Dupronik. Dupronik-barinn er til að mynda ein-
hvers konar gamalt leikhús eða kvikmyndahús og að fara þangað er eins og að stíga
inn í finnska bíómynd. Konan í miðasölunni er eflaust tannlaus sem og allt starfsfólk-
ið, í gömlum hjálpræðishersbúningi og umhverfið mjög dimmt og töff. Þessir staðir
eru í Eriks Katu.
Marimekko, Aalto og Iittala. Áslaug mælir með að allir kíki í design destrict, hönnunarhverfið og skoði gamla og nýja hönnun, antík og fataverslanir.
Stelton kannan eftir Alvar Aalto 11