Fréttablaðið - 23.04.2008, Blaðsíða 42

30 23. apríl 2008 MIÐVIKUDAGUR
sport@frettabladid.is
Það eru breyttir tímar í handboltanum í Garðabæ. Kaupþing
mun í lok tímabils hætta sem aðalstyrktaraðili handknattleiks-
deildarinnar og enn hefur ekki verið samið við nýjan styrktar-
aðila. Stjarnan veit sem er að rekstrarumhverfið verður breytt
og félagið er byrjað að draga saman seglin.
Hlynur Morthens er farinn í Gróttu, Volodimir Kysil fær ekki
nýjan samning þar sem hann er of dýr, og svo er óvíst hvað
verður um Heimi Örn Árnason sem hefur fengið leyfi til
þess að ræða við önnur félög.
„Það sem Hlynur sagði í Fréttablaðinu er ekki alveg
rétt. Ég lagði fyrir hann mínar áætlanir og hann treysti
sér ekki til þess að taka þátt í því sem ég ætla að
gera. Það hentaði honum ekki. Í kjölfarið var það
sameiginleg lausn að hann mætti ræða við önnur
lið og hann samdi við Gróttu skömmu síðar. Að
hann hafi ekki verið í mínum plönum er ekki rétt
og ég segi frekar að hann hafi hafnað mínum
plönum. Ef hann er ekki tilbúinn að taka þátt í því
sem ég legg upp þá gengur málið ekki. Það er samt allt
í góðu og menn voru heiðarlegir í samskiptum,“ sagði Patrekur
Jóhannesson sem tekur við Stjörnuliðinu í lok sumars. Patrekur
segir að hið sama eigi við um Heimi Örn. Ef hann sé tilbúinn að
taka þátt og vera með af fullum hug sé það sjálfsagt. Ef ekki þá
megi hann skoða aðra möguleika.
Leikmenn Stjörnunnar fá vikufrí eftir tímabilið og svo verður
æft 8-9 sinnum í viku til 10. júní. Eftir það verður frí
til 15. júlí en leikmenn þurfa að æfa sjálfir nokkrum
sinnum í viku í fríinu.
„Á þessu tímabili þarf að vinna í grunnþolinu en það
hefur verið vandamál liðsins í vetur að það hefur
ekki úthald í heilan leik. Með því að æfa svona í
maí get ég vonandi byrjað meira í taktík strax í júlí.
Til að ná árangri þarf að æfa og ég viðurkenni að
ég ætla að láta liðið æfa miklu meira en gert hefur
verið. Þetta verður unnið fagmannlega í samstarfi
við aðra góða þjálfara,“ sagði Patrekur, en hann ætlar
að taka ungu strákana í félaginu meira inn í meistara-
flokkinn í vetur en áður hefur verið gert.
PATREKUR JÓHANNESSON: KAUPÞING HÆTT AÐ STYRKJA OG LEIKMENN SEM TRÚA EKKI Á VERKEFNIÐ MEGA FARA
Hlynur treysti sér ekki í að taka þátt í mínu plani
> Fannar til Stjörnunnar?
Miðjumaðurinn efnilegi, Fannar Friðgeirs-
son, er að öllum líkindum á leið til Stjörn-
unnar eftir því sem heimildir Fréttablaðsins
herma. Fannar sagði upp samningi sínum
við Valsmenn í febrúar síðastliðnum
og hefur síðan þá verið að skoða aðra
möguleika. Stjörnumenn eru með Ólaf
Víði Ólafsson í meiðslum fram á næsta ár
og Heimir Örn Árnason er auk þess líklega
á förum. Garðbæingar hafa því eðlilega
mikinn áhuga á að fá Fannar í sínar raðir,
en hann hefur tekið miklum framförum
síðastliðið ár og spilað mjög vel fyrir
Valsliðið.
FÓTBOLTI Það verður mikið um dýrðir á Nývangi
í Barcelona í kvöld þegar Englandsmeistarar
Manchester United mæta heimamönnum í
fyrri undanúrslitaleik liðanna í Meistaradeild
Evrópu.
Íslendingar vonast eftir því að eiga fulltrúa í
leiknum, en það á eftir að koma í ljós hvort
Frank Rijkaard teflir Eiði Smára Guðjohnsen
fram í stærsta leik liðsins á tímabilinu til
þessa.
Eiður Smári hefur verið mikið í sviðsljósinu
í breskum fjölmiðlum í kringum leikinn, sökum
tengsla sinna við England þar sem hann spilaði
í sjö tímabil með Bolton og Chelsea. Eiður
Smári skoraði bæði gegn Chelsea og Liverpool
í Meistaradeildinni í fyrra og myndi væntan-
lega fagna því að komast á markalistann gegn
Manchester United en það yrði þá fyrsta mark
hans í sextán leikjum fyrir Börsunga.
Eiður Smári Guðjohnsen hefur ekki fundið
netmöskvana síðustu mánuði, sem hefur ekki
hjálpað honum í harði samkeppni við aðra
sóknarmenn Barcelona. Hann er nú búinn að
spila í 590 mínútur án þess að skora en síðasta
mark hans kom í 5-0 sigri á Murcia 12. janúar
síðastliðinn. Eiður hefur byrjað inn á í undan-
förnum tveimur leikjum en ekki náð að nýta
góð færi þar sem hann fékk frábær tækifæri í
báðum leikjum til þess að skjóta Barcelona
aftur inn í baráttuna um spænska titilinn. Það
tókst ekki og kannski fór traust Rijkaard á
okkar manni í leiðinni.
Þetta er lengsta bið Eiðs Smára eftir marki í
búningi Barcelona en hann var búinn að vera
án marks í 544 mínútur í fyrra þegar hann kom
inn á sem varamaður og tryggði Barcelona 1-0
sigur á Liverpool á Anfield í seinni leik liðanna
í átta liða úrslitum Meistaradeildarinnar.
Markið dugði þó ekki til þess að komast í und-
anúrslit keppninnar.
Komist Barcelona í úrslitaleikinn getur
Eiður Smári orðið fyrsti Íslendingurinn til þess
að spila úrslitaleik í Evrópukeppni Meistara-
liða, en Ásgeir Sigurvinsson sat á bekknum
allan tímann þegar Bayern Munchen tapaði
fyrir Aston Villa vorið 1982.
- óój
Barcelona tekur á móti Manchester United í fyrri leik liðanna í undanúrslitum Meistaradeildarinnar í kvöld:
Endar markaþurrð Eiðs gegn Manchester?
SÍÐASTA MARKIÐ Eiður Smári Guðjohnsen fagnar sínu
síðasta marki fyrir Barcelona sem hann skoraði 12. jan-
úar. NORDICPHOTOS/AFP
FÓTBOLTI Leikur Barcelona og
Manchester United á Nou Camp í
kvöld verður fyrsti leikur liðanna
síðan tímabilið 1998-99 þegar
liðin gerðu tvö 3-3 jafntefli í
Meistaradeildinni.
Félögin hafa alls mæst sjö
sinnum í Evrópukeppni, hvort um
sig hefur unnið tvo leiki og þrír
leikir hafa endað með jafntefli.
Markatalan er 15-13 Börsungum í
hag. - óój
Barcelona og Man. United:
Mættust síðast
fyrir níu árum
FRÁ 1998 Rivaldo í leik gegn United fyrir
9 árum. NORDICPHOTOS/GETTY