Fréttablaðið - 23.04.2008, Blaðsíða 46
34 23. apríl 2008 MIÐVIKUDAGUR
„Jú, nú er búið að slá þetta af form-
lega. Af hverju? Bara... önnur
verkefni sem taka meiri tíma hjá
mér,“ segir Guðmundur Arnars-
son, starfsmaður útgáfufélagsins
Birtings. Hann stendur í þeim
sporum að vera síðastur ritstjóra
hins stundum umdeilda tímarits
Bleikt og blátt. Það hefur nú verið
lagt niður. Fróði gaf blaðið út á
sínum tíma og þá tók Erótíska
útgáfan við.
Guðmundur segir aldrei að vita
nema tímaritið verði endurreist en
þegar hann tók við því fyrir um
tveimur árum hafði útgáfa þess
legið í láginni. Þetta mega heita
nokkur tíðindi því þó útgáfusaga
Bleiks og blás hafi verið brokk-
geng er tímaritið rétt tæplega tví-
tugt. Fyrsti ritstjóri var Jóna Ingi-
björg Jónsdóttir kynlífsfræðingur
og átti hún hugmyndina að nafn-
inu. Fyrsta tölublaðið kom út í nóv-
ember árið 1989.
„Barnið óx og fór sína leið. Þrátt
fyrir ævintýralega byrjun og
fantagóða sölu tókst útgefendum
að fara á hausinn og ég hætti sem
ritstjóri og afþakkaði djobbið
þegar nýir eigendur tóku við,“
skrifar Jóna Ingibjörg á síðu
sína. Hún lagði upp með kyn-
lífsfræðslurit en segir það hafa
þróast út í hefðbundið ljósblátt
kynlífsrit.
Meðal annarra ritstjóra tíma-
ritsins eru Hrund Hauksdóttir,
Davíð Þór Jónsson, Björn Jörund-
ur (hét þá blaðið bogb) og Ragnar
Pétursson. Guðmundur telur rit-
stjórnartíð Davíðs Þórs standa upp
úr; að þá hafi verið farin sú leið að
fá íslenskar fyrirsætur til að
fækka fötum auk þess sem Davíð
stóð í stórræðum við að verja blað-
ið á forsendum tjáningarfrelsis.
„Blaðið gekk best þá og seldist í
bílförmum. Ég hef ekki lent í nein-
um ævintýrum. Enginn Hugh
Hefner-bragur á þessu starfi.
Undir það síðasta tók afskaplega
lítinn tíma að setja blaðið saman.
Hætt var að nota íslenskar fyrir-
sætur. Allt mein- og saklaust frá
mínum bæjardyrum séð,“ segir
Guðmundur. Hann lætur þess jafn-
framt svo getið að erfitt hafi reynst
að keppa við netið þegar erótíkin
er annars vegar.
Guðmundi kom á óvart hversu
breiður lesendahópur Bleiks og
blás reyndist þegar hann tók við
blaðinu. „Í könnun sem gerð var
fyrir minn tíma kom í ljós að les-
endur voru 30 prósent konur. Og
fyrsti sem hringdi í mig til að ger-
ast áskrifandi er fæddur 1914,“
segir Guðmundur. Hann segist
aðspurður blessunarlega hafa
verið laus við öll átök við femín-
ista. Að mestu. „Þær komu einu
sinni í fjölmiðla til að mótmæla því
að blaðið væri gróft en þá náttúru-
lega seldist það tölublað upp. Ann-
ars lenti ég frekar í því að fólk
hefði samband til að lýsa yfir
ánægju sinni,“ segir Guðmundur
Arnarsson, síðasti ritstjóri tíma-
ritsins Bleikt og blátt – að sinni.
jakob@frettabladid.is
1
6 7 8
10
13
119
12
15
16
18
21
20
17
14
19
2 3 4 5
GAMLA MYNDIN
LÁRÉTT
2. snöggur 6. rún 8. erta 9. veiðarfæri
11. vörumerki 12. hald 14. ósannindi
16. tveir eins 17. háma 18. eyrir 20.
tveir eins 21. gefa frá sér reiðihljóð.
LÓÐRÉTT
1. áfengisblanda 3. ung 4. viðhorf 5.
fljótfærni 7. starfræksla 10. hald 13.
titill 15. laun 16. efni 19. tveir eins.
LAUSN
LÁRÉTT: 2. snar, 6. úr, 8. ýfa, 9. net,
11. ss, 12. skaft, 14. skrök, 16. tt, 17.
úða, 18. aur, 20. uu, 21. urra.
LÓÐRÉTT: 1. púns, 3. ný, 4. afstöðu,
5. ras, 7. rekstur, 10. tak, 13. frú, 15.
kaup, 16. tau, 19. rr.
GUÐMUNDUR ARNARSSON: ENGINN HUGH HEFNER-BRAGUR Á ÞESSU
Bleikt og blátt lagt niður
Dýrasta málverk í heimi er nú til
sýnis í Ráðhúsi Reykjavíkur. Það
heitir Stjáni blái og er eftir Ásgeir
Val Sigurðsson. Ásett verð er fjög-
ur hundruð milljón Bandaríkjada-
lir.
„Stjáni Blái hefði aldrei fengið
þessa athygli ef myndin væri
ódýrari,“ segir Ásgeir. „Með þessu
tryggði ég íslensku þjóðinni sér-
stakan sess í myndlistarsögunni
og sjálfum mér líka. Selji ég mynd-
ina hyggst ég nýta mér peningana
til að greiða hluta af skuldum rík-
issjóðs. Íslenska þjóðin er stór-
skuldug sem stendur. Aðeins hluti
af upphæðinni verður þó notaður
til að greiða skuldir, hitt fer undir
lóðakaup þar sem lögð verður
áhersla á að auka græn svæði og
útrýma svæðum sem áður voru
græn en eru það ekki lengur.“
Verk Ásgeirs eru hluti af sam-
sýningunni List án landamæra.
Ásgeir sýnir þar einnig önnur mál-
verk sem eru á mun viðráðanlegra
verði, 10.000 - 65.000 kr, og hefur
selt tvö til þessa. Ásgeir byrjaði að
mála olíumálverk undir hand-
leiðslu Öldu Ármönnu Sveinsdótt-
ur fyrir rúmum áratug. Þetta er
önnur samsýningin sem hann
tekur þátt í en hann hefur fullan
hug á halda einkasýningu í náinni
framtíð.
Listamaðurinn hefur miklar
áhyggjur af stöðu þjóðarbúsins og
finnst að listafólk eigi að samein-
ast um fjáröflun fyrir ríkissjóð.
„Íslenska þjóðin þarf að fara að
spara og ekki eyða meira en hún
ræður við. Það á að hætta að kenna
Seðlabankanum og Davíð eða ein-
hverjum öðrum um ef illa fer. Við
erum jú einu sinni mannleg og
þurfum að passa upp á fjármálin
okkar svo við séum ekki alltaf
stórskuldug. Ég tel að engin þörf
sé á að við göngum í Evrópusam-
bandið þar sem ég álít það hafa
verið bara tómt plat og frat frá því
að það varð til.“
Samsýningunni List án landa-
mæra lýkur á morgun. Næstdýr-
asta málverk í heimi er eftir Jack-
son Pollock og seldist á 140 milljón
dali árið 2006. - glh
Dýrasta málverk í heimi í Ráðhúsinu
ÞESSI MYND GÆTI GREITT HLUTA AF
SKULDUM RÍKISSJÓÐS Ásgeir Valur
Sigurðsson með Stjána bláa.
FRÉTTABLAÐIÐ/PJETUR
„Þetta var mikil upplifun,“ segir Gísli Örn Garðarsson
sem er nýkominn heim frá Mexíkó þar sem sýningar
Vesturports stóðu yfir á Kommúnunni. Sex sýningar
voru haldnar við góðar undirtektir í Mexíkóborg og
Guadalajara, heimaborg Gaels Garcia Bernal, sem
farið hefur með eitt aðalhlutverkanna.
„Þetta var eins og að vera í sirkus með Gael þarna.
Hann er stærsta stjarna Mexíkó og er með lífvörð hjá
sér allan sólarhringinn. Hann getur hvergi gengið
óáreittur,“ segir Gísli Örn, sem líkir
aðstæðunum við bíómyndir frá Holly-
wood. „Það var upplifun að sjá hvern-
ig þetta virkar. Ég tók einn blaða-
mannafund með honum og það var
bara grín. Fundurinn leystist upp og
hann þurfti að hlaupa í burtu með
hundrað paparazzi-ljósmyndara á
eftir sér.“
Gísli er mjög ánægður með við-
brögðin sem Kommúnan
fékk. „Við lékum sjötíu
prósent á íslensku og þrjátíu á ensku, en með texta-
vél. Maður hefur oft farið með sýningar út en þá
höfum við leikið alveg á ensku. Núna var þetta svo
mikið á íslensku og tónlistin líka en samt virkaði
þetta allt jafn vel og heima.“
Ferðalag Vesturports stóð yfir í tvær vikur og gekk
ýmislegt á. Meðal annars festist leikmyndin í mex-
íkóska tollinum og var henni ekki hleypt út fyrr en
þremur tímum fyrir frumsýninguna. „Það hafði ein-
hver pakkað niður bjór sem er notaður í leikritinu
með leikmyndinni, og þá var öllu lokað og læst,“ segir
Gísli, sem leitar nú að nýjum leikara í stað
Gael Garcia Bernal. „Hann kom með
ótrúlega skemmtilega orku inn í sýn-
inguna og maður getur lært fullt af
honum. Síðan er hann líka góður
drengur og alveg á jörðinni.“
Framundan hjá Kommúnunni eru
sýningar í Borgarleikhúsinu auk þess
sem Vesturport hefur þekkst boð um
að sýna leikritið í Young Vic-leikhúsinu
í London eftir áramót. -fb
Lífvörður með Gael í Mexíkó
GÍSLI ÖRN GARÐARSSON
Leikritið Kommúnan var sýnt
sex sinnum í Mexíkó við
mjög góðar undirtektir.
GAEL GARCIA BERNAL Mexíkóski
leikarinn var eltur á röndum í
heimalandi sínu.
Útvarpsmaðurinn
knái Ólafur Páll
Gunnarsson á Rás
2 hefur verið valinn
besti útvarpsmaður
landsins í skoð-
anakönnun
sem birtist í
nýjasta tölublaði Mannlífs. Í öðru
sæti kemur Þorgeir Ástvalds-
son á Bylgjunni og í því þriðja er
kollegi Ólafs Páls á Rás 2, Gestur
Einar Jónasson. Athygli vekur
að Sigmundur Ernir Rúnarsson
er í fjórða sæti könnunarinnar.
Hingað til hefur Sigmundur verið
þekktur sem sjónvarpsmaður en
líklega hefur ómþýð rödd hans í
samtengdum fréttum Stöðvar 2 og
Bylgunnar fallið svona vel í kramið
hjá þátttakendum könnunarinnar.
Og meira af Óla Palla. Söguleg-
ar sættir voru í Popplandi í gær
þegar Óli Palli ræddi við Bubba
Morthens um lagið „Ég er kominn
heim” en Fréttablaðið greindi
nýverið frá því að Bubbi taldi
útgáfu sína og Björns Jörundar
á laginu ekki hafa verið spilaða
sem skyldi á Rás 2. Bubbi sagði
frá því að Björn hefði sungið lagið
á sínum tíma í brúðkaupi Jóns
Ásgeirs Jóhannessonar og Ingi-
bjargar Pálmadóttur, þá vakið
athygli sína á laginu þegar hann
söng það í Bandinu hans Bubba.
Útgáfa þeirra hafi ekki verið til höf-
uðs útgáfu Sigurðar Guðmunds-
sonar sem kenndur er við Hjálma,
Siggi væri vissulega snillingur en
útgáfa hans er þó nokkuð dauf að
mati Bubba. Hann sagði svo vini
sínum Óla Palla af því
að fyrir dyrum stæði
gifting hans auk
þess sem hann
væri að flytja
inn í nýtt
hús við
Meðal-
fellsvatn.
-fb/jbg
FRÉTTIR AF FÓLKI
BLEIKT OG BLÁTT
JARÐSETT Í KYRRÞEY
Guðmundur Arnarsson var síðasti ritstjóri
tímaritsins Bleikt og blátt, en sá fyrsti var
Jóna Ingibjörg Jónsdóttir, kynlífsfræðing-
ur, sem átti heiðurinn að nafninu. Á meðal
annarra ritstjóra tímaritsins í gegnum tíðina
eru Davíð Þór Jónsson, Ragnar Péturs-
son og Björn Jörundur, en í hans tíð hét
blaðið bogb.
VERÐBÓLGUTILBOÐ
Glæný stórlúða aðeins 990kr/kg
-á meðan byrgðir endast
Opið til 18:15
vegna Barcelona-Man.utd
Þú getur alltaf treyst
á prinsinn
Hlíðasmára 8 • 201 Kópavogi
s: 554 7200 • www.hafid.is
„Þarna er ég 19 ára blómarós í
Versló. Ég átti eitt ár eftir í stúd-
entinn og var í hljómsveitinni
Celsius á þessum árum, með
ekki verri stjörnum en Pálma
Gunnars og Jóhanni Helgasyni.
Þetta er flott klipping...“
Helga Möller, söngkona.
Myndin er tekin í nóvember 1976.