Fréttablaðið - 25.04.2008, Qupperneq 18

18 25. apríl 2008 FÖSTUDAGUR
greinar@frettabladid.is
FRÁ DEGI TIL DAGS
ÚTGÁFUFÉLAG: 365
RITSTJÓRAR: Jón Kaldal og Þorsteinn Pálsson AÐSTOÐARRITSTJÓRI: Steinunn Stefánsdóttir FRÉTTASTJÓRAR: Arndís
Þorgeirsdóttir, Kristján Hjálmarsson, Trausti Hafliðason og Höskuldur Daði Magnússon (dægurmál). FULLTRÚI RITSTJÓRA:
Páll Baldvin Baldvinsson. VIÐSKIPTARITSTJÓRAR: Björgvin Guðmundsson og Björn Ingi Hrafnsson. Fréttablaðið kemur út í
103.000 eintökum og er dreift ókeypis á heimili á höfuðborgarsvæðinu, Akureyri og þéttbýlissvæðum á suðvesturhorninu.
Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. issn 1670-3871
Spennan er gríðarleg. Það þarf að greiða hárið í fallegan
hnút, yfirfara skóna og mæta
tímanlega. Í kvöld verður hin
árlega vorsýning balletskóla
Sigríðar Ármann.
Þau átta ár sem við höfum
notið sýningarinnar hefur aldrei
brugðist að ég verð djúpt
snortin. Ástæðan er ekki
einungis móðurstoltið því satt að
segja hefur komið fyrir að við
höfum ekki komið auga á dóttur
okkar á sviðinu því mikil leynd
hvílir yfir sýningunni þannig að
við vitum ekki í hvaða atriði hún
er. Þær eru allar jafn yndislegar,
hvort sem ég á þær eða ekki.
Ég dáist alltaf jafn mikið að
Ástu skólastýru og kennarahópn-
um hennar sem heldur uppi
vinnugleði með ástríkum aga
allan veturinn og setur upp
sýningu hvert vor í Borgarleik-
húsinu sem allir mega vera
stoltir af.
Í næstu viku verður skauta-
sýningin. Á þá sýningu mætum
við með teppi. Við dáumst að
framförum hópsins, dugnaði
þjálfaranna og foreldrafélagsins
sem lyftir grettistaki í sjálfboða-
vinnu. Það er frábært að fylgjast
með hópnum og gleðin lýsir af
hverju andliti.
Þá eru ótaldir vortónleikarnir.
Sú yngri er að ljúka forskólanum
í Tónskóla Sigursveins og ég get
ekki beðið eftir því að litli
frændinn hefji þar nám svo ég
geti aftur notið þeirra forrétt-
inda að fylgjast með náminu hjá
Elvu Lilju í gegnum áhugasaman
nemanda. Ég hef aldrei séð
áhugalausan nemanda á tónleik-
um forskólans og hef ég sótt þá
marga. Sjálf get ég ekki klappað
í takt og dáist að því hvað
kennararnir ná út úr hópnum.
Næsta vetur verða báðar
dæturnar farnar að læra á
hljóðfæri, þeir tónleikar eru
öðruvísi en líka skemmtilegir.
Reyndar ergi ég mig á
foreldrum sem hlusta aðeins á
sín eigin börn og laumast svo út.
Á góðum degi finn ég afsökun
fyrir þá (þeir þurfa kannski að
fara í sjúkraheimsókn eða á aðra
tónleika) en þegar dagsformið er
ekki sem best finnst mér þeir
óttalegir dónar.
Um síðustu helgi var haldin
ráðstefna sjálfstæðra skóla.
Balletskólinn og Tónskólinn voru
ekki á dagskrá, enda einungis
leik- og grunnskólar í því félagi.
Dætur mínar hafa verið mjög
ánægðar í ófrjálsu leik- og
grunnskólunum sem þær hafa
stundað nám í. Þær eru alsælar í
frjálsa ballett- og tónskólanum
sínum en allir skólarnir þeirra
uppfylla svo sannarlega kröfuna
um gleði í skólastarfi sem var
yfirskrift ráðstefnunnar.
Það er allt of lítið rætt um það
merkilega skólastarf sem fram
fer utan leik- og grunnskólans
og hefur afgerandi áhrif á
börnin okkar. Það er synd að öll
börn skuli ekki eiga kost á því að
njóta þess sem þar er boðið upp
á, sum vegna bágrar efnahags-
legrar stöðu foreldranna önnur
vegna sinnuleysis þeirra. Þetta
er líka spurning um val eins og
móðir þríburanna sagði í
búningsherberginu í ballett-
skólanum forðum.
Á vorsýningunum hugsa ég
ekki um vesenið í kringum
skutlið, erfiðleikana við að
vakna, æfingarnar heima eða
peningana sem fóru í þetta. Ég
sé hamingjusöm börn sem hafa
fengið fleiri tækifæri til að
þroskast og ég trúi því að það
geri þau og okkur foreldrana að
betri manneskjum.
SPOTTIÐ
Vorboðar
RAGNHILDUR VIGFÚSDÓTTIR
Í DAG | Skóla- og uppeldisstarf
Að beita sverði eða penna
Mótmælin í fyrradag við Rauðavatn
hafa hreyft við mörgum blekbónd-
anum. Þráinn Bertelsson er meira að
segja farinn að fletta upp í Biblíunni
og vitnar í Matthíasarguðspjall á
bloggsíðu sinni. Þar segir „...allir þeir
sem grípa til sverðs munu farast
fyrir sverði...“ Þar áður hafði
hann skrifað „Ég mótmæli
því að hafa lengur yfir mér
hernaðardýrkandi dóms-
málaráðherra með geðvillta
ofbeldisseggi í sinni
þjónustu.“
Hann ætti kannski
að fara varlega
með pennann,
sem er jú beitt-
ari en sverðið.
Lögreglan lamdi Íslendinga
Í fréttum sjónvarpsins mátti sjá
þegar lögreglumenn leiddu Viðar H.
Guðjohnsen, formann Landssam-
bands ungra frjálslyndra, í járnum af
vettvangi. Á bloggsíðu hans kemur
fram að hann hafi áhuga á ferðalög-
um til hinna ýmsu menningarheima
en einnig hefur hann gaman af júdó
og öðrum sjálfsvarnaríþróttum. Þetta
tvennt virðist eiga býsna vel saman
í huga formannsins því hann var
mest hneykslaður á lögreglunni
að vera að berja á samlöndum
sínum en hann kallaði hneyksl-
aður „Þeir eru að berja
Íslendinga!“ Hvað er hann
að gera í þessum ferða-
lögum sínum til hinna
ýmsu menningarheima?
Mótmælaaðgerðir
frjálslyndra?
Á bloggsíðu hans
segir enn fremur:
„Svona fantaaðgerð-
ir eru ekki gerðar
nema með sam-
þykki stjórnvalda.
Gefumst aldrei upp í
baráttunni, höldum
áfram. Látum
ekki berja okkur
til hlýðni.“ Fyrir
hverju er formaður
ungra frjálslyndra að
berjast?

jse@frettabladid.is
F
yrr á þessu ári var móðir dæmd í héraði til að greiða
kennara barns síns bætur vegna áverka sem hann hlaut
í slysi í skólanum. Slysið varð með þeim hætti að barn
skellti aftur rennihurð sem lenti á höfði kennarans en
hann hlaut 25 prósenta örorku af völdum áverkans.
Móðir barnsins var vel tryggð og því var ljóst að tryggingafé-
lag hennar myndi greiða bæturnar, sem námu tæplega tíu millj-
ónum króna. Sveitarfélagið, sem á og rekur skólann, var ekki
dæmt til greiðslu bóta.
Dómnum hefur nú verið áfrýjað til Hæstaréttar, bæði af
tryggingarfélagi móðurinnar og lögmanni kennarans, sem vill
að ábyrgð skólans verði viðurkennd.
Það sem vakti athygli í þessu máli er einmitt að ábyrgð skól-
ans, eða sveitarfélagsins sem eiganda og rekstraraðila hans, er
ekki viðurkennd í dómi héraðsdóms.
Fagmenn komu þó fyrir dóminn og lýstu því að frágangur
rennihurðarinnar sem slysinu olli hefði verið ófullnægjandi.
Enginn fagmaður kom fyrir dóminn til að meta fötlun barnsins,
sem er með Asperger-heilkenni, heldur notaðist dómurinn við
upplýsingabækling um Asperger-heilkenni. Sérkennilegt hlýtur
að teljast að héraðsdómur sá ekki ástæðu til að kalla til sérfræð-
ing á sviði fötlunar barnsins. Óskandi er að Hæstiréttur bæti úr
því eða vísi málinu aftur í hérað.
Umræður í kjölfar dómsins urðu nokkuð tilfinningaþrungnar,
enda um afar viðkvæmt mál að ræða. Ljóst er að barnið var í
uppnámi og að rennihurðin var hættuleg. Einnig liggur fyrir að
kennarinn er 25 prósent öryrki og að áverkarnir sem hann hlaut
skerða verulega lífsgæði hans.
Það sem upp úr stendur er einmitt það sem lögmaður kennar-
ans ætlar nú að láta reyna á í Hæstarétti, ábyrgð skólans. Á slys
eins og það sem kennarinn varð fyrir hlýtur að bera að líta sem
vinnuslys, slys sem verður af völdum óviljaverks barns í upp-
námi annars vegar og ófullnægjandi frágangs á húsnæði hins
vegar. Dómurinn vekur því spurningar um ábyrgð atvinnurek-
anda og eiganda húsnæðisins, sem í báðum tilvikum er sveitar-
félagið.
Því er ekki haldið fram að barn sem vísvitandi og af einbeitt-
um vilja veldur starfsmanni skóla eða samnemanda áverka, eigi
ekki með fulltingi foreldra sinna að axla ábyrgð. Sömuleiðis ef
eignaspjöll verða af völdum meðvitaðrar skemmdarstarfsemi.
Í umræddu tilviki er þetta hins vegar ekki fyrir hendi. Þar
verður barn í uppnámi fyrir því að valda kennara sínum örorku.
Ljóst er að kennaranum ber að fá bætur vegna tjónsins sem hann
hefur orðið fyrir en jafnljóst er að það er með öllu ómaklegt að
bótaskyldan hvíli á barninu en ekki atvinnurekanda kennarans
og eiganda húsnæðisins þar sem frágangi var ábótavant.
Vonandi skýrist þetta í Hæstarétti.
Máli kennara sem varð fyrir vinnuslysi
hefur verið áfrýjað til Hæstaréttar.
Skólinn hlýtur að
bera ábyrgð
STEINUNN STEFÁNSDÓTTIR SKRIFAR