Fréttablaðið - 25.04.2008, Side 38
● fréttablaðið ● austurland 25. APRÍL 2008 FÖSTUDAGUR2
Ferðafélag Fjarðamanna skipulegg-
ur marga viðburði í sumar. Einn af
viðburðunum er gangan Fögnum
sumri á Reyðarfirði 26. apríl og
verður lagt upp frá kirkjunni upp
úr kl. 10 í fylgd Einars Þorvarðar-
sonar leiðsögumanns. Hann mun
fara yfir sögu bæjarins með göngu-
mönnum auk þess sem ýmis önnur
skemmtun slæðist með. Þá verður
komið við í Stríðsárasafninu auk
þess sem sögufræg hús í bænum
verða heimsótt og saga þeirra og
íbúanna rakin í stórum dráttum.
„Við höfum gert þetta áður og
höfðum mikið gaman af. Væntan-
lega verður þetta eitthvað öðru-
vísi núna þannig að þeir sem tóku
þátt síðast geta mætt aftur og lært
eitthvað nýtt. Gangan tekur lík-
lega tvo tíma og væntanlega verð-
ur endað á einhverjum hugguleg-
heitum. Síðast enduðum við í hinu
merka Tærgesen húsi og drukkum
þar kaffi og fórum yfir sögu húss-
ins,“ segir Einar.
Af sögutengdum viðburðum má
nefna gönguferð 23. ágúst sem
nefnist Í fótspor bresku hermann-
anna 1942 undir leiðsögn Árna
Ragnarssonar. Þar verður farin
þrjátíu kílómetra leið upp Svínadal
til Tungudals og sá dalur genginn
út á Eskifjarðarheiði. Hermennirn-
ir lentu þar í miklum hrakningum
og urðu nokkrir þeirra úti, eins og
Árni kemur meðal annars inn á.
- kþb
Sögunni gerð skil í
sumargöngu
Ferðafélag Fjarðamanna stendur fyrir mörgum spennandi uppákomum í sumar.
Egill Rauði, Íslandsmeistara-
mót í kappróðri á kajak á
Norð firði, fer fram helgina 6. til
8. júní.
Kajakklúbburinn Kaj og Seakayak
Iceland standa saman að sjóka-
jakmóti á Norðfirði helgina 6. til
8. júní, sem er með svipuðu sniði
og sjókajakmót Eiríks rauða sem
hefur verið á Stykkishólmi frá
árinu 2002. Mótið er það stærsta
sinnar tegundar þetta sumarið og
verður margt í boði, bæði nám-
skeiðahald, ferðir, fyrirlestrar,
sprettróðrar og veltukeppni auk
þess sem von er á erlendum gest-
um.
„Sjókajakmótið er eins konar
hátíð kajakmanna og góð leið fyrir
fólk til að undirbúa sig fyrir róðra
sumarsins. Við búumst við fólki
alls staðar að af landinu og fengnir
hafa verið heimsþekktir kajak-
ræðarar til að vera með námskeið
og halda fyrirlestra um helgina.
Bandaríkjamaðurinn Nigel Foster,
sem fyrstur manna reri hringinn
í kringum Ísland árið 1977 mun
koma, en hann er líklega eftirsótt-
asti kajakleiðbeinandi í heimin-
um í dag. Þýski kajaksnillingurinn
Freya Hofmeister, sem reri um-
hverfis Ísland á síðasta ári, sér-
hæfir sig í veltukennslu og öðrum
kúnstum og mun leiðbeina um
helgina,“ segir Ari Benediktsson,
annar aðalskipuleggjandi móts-
ins.
Mótið hefst á föstudegi en aðal-
dagskráin verður á laugardag og
sunnudag. Gert er út frá aðstöðu
kajakklúbbsins Kaj í fjörunni
neðan við Norðfjarðarkirkju, en
þar eru bátageymslur og búnings-
aðstaða.
„Svo er auðvitað margt spenn-
andi í boði fyrir utan dagsróðrar-
ferðir, bæði fyrir byrjendur og
lengra komna. Til dæmis skipu-
lagðar dagsferðir, í eyðifirði, eða
kletta- og hellaskoðun og veltu-
kennsla verður í Norðfjarðarlaug á
laugardags- og sunnudagsmorgun.
Á sunnudegi verður kannski aðal-
viðburðurinn sprettróðrarkeppni
og veltukeppni. Sprettróðrar-
keppnin er hluti af Íslandsmeist-
aramótinu í kappróðri. Þá vonumst
við til að þyrla Landhelgisgæsl-
unnar taki þátt í björgunaræfingu,
þar sem maður er hífður af kajak
upp í þyrlu,“ segir Ari.
Í framhaldi af mótinu stend-
ur ræðurum til boða að taka þátt
í ferð um eyðifirði Austfjarða, en
gist verður í eina eða tvær nætur.
„Það eru auðvitað allir velkomnir
á hátíðina. Við hvetjum alla kajak-
ræðara og áhugafólk um kajak-
sportið að kynna sér málið nánar
á www.123.is/kaj. og sjá hvort það
finni ekki eitthvað við sitt hæfi um
helgina. Mótinu er ætlað að höfða
til allra, líka þeirra sem aðeins
hafa áhuga á að kynnast sport-
inu ekki síður en þeirra sem verið
hafa ræðarar í lengri eða skemmri
tíma.“ - kþb
Stórt sjókajakmót á Norð-
Ræðarar í hellaskoðun á Víknasvæðinu. MYND/ARI BENEDIKTSSON
Kajakklúbburinn Kaj og Seakayak standa saman að sjókajakmóti í Norðfirði helgina 6. til 8. júní sem er það stærsta sinnar teg-
undar í sumar. Þar verður boðið upp á námskeið, fyrirlestra, sprettróðra og veltukeppni svo fátt eitt sé nefnt.
MYND/ARI BENEDIKTSSON
Búist er við fjölmenni á mótinu enda um stórviðburð að ræða að sögn Ara.
MYND/ARI BENEDIKTSSON
Úrval menningartengdra viðburða
er gríðarlegt á Austurlandi í sumar
en meðal þeirra elstu er „Á seyði”,
sem haldin hefur verið á Seyðis-
firði síðustu ellefu ár. Angi af
þeirri hátíð er barnahátíðin „Karl-
inn í tunglinu“ eða menningardag-
ur barna en hún á sér aðallega stað
í miðbæ Seyðisfjarðar úti eða inni
eftir veðri og ber mikið á henni
meðan hún stendur yfir.
„Þessi hátíð hefur vaxið nokk-
uð að umfangi undanfarin ár og er
nú orðin fastur liður í menningar-
lífi Austfirðinga enda er þetta í ell-
efta sinn sem hátíðin er haldin,“
segir Pétur Kristjánsson sem verið
hefur karlinn í tunglinu fyrir það
mesta.
Óhætt er að segja að dagskrá
hafi verið fjölbreytt síðustu ár, en
hún einkennist meðal annars af
leikritum, eldgleypum, trúðum,
leiktækjum, grillveislum, lúðra-
sveitum, tónlistaratriðum, lista-
smiðju fyrir börn og sýning á verk-
um þeirra. „Þungamiðjan í starf-
seminni hefur þó undanfarin ár
verið listasmiðjan, í höndum Aðal-
heiðar Eysteinsdóttur, sem er ein af
framsæknustu listamönnum þjóðar-
innar nú um stundir,“ segir Pétur.
„Hátíðinni er ætlað að vera
sjálfstæð viðbót við listahátíðina
„Á seyði“ og er mótuð með þarf-
ir og væntingar barna í huga. Við
leggjum mikla áherslu á listsköp-
un barna og að gefa þeim tækifæri
til þess að læra og upplifa myndlist
hjá viðurkenndu listafólki og sýna
árangur sinn í verki með aðstoð
fagfólks og áhugamanna. Skemmti-
atriði og umgjörðin öll eru fjöl-
skylduvæn og þáttaka öllum gest-
um að kostnaðarlausu.“
Hátíðin fer fram laugardag-
inn 14. júní frá klukkan 10 til 16
en dagskrá Karlsins í tunglinu má
skoða á vefsíðu hátíðarinnar www.
moon.is. - kþb
Listsköpun barna
Aðalheiður Eysteinsdóttir hefur haldið utan um listasmiðjuna. Hér er hún ásamt
eiginmanni sínum, Jóni Laxdal, og dóttur. FRÉTTABLAÐIÐ/HEIDA.IS