Fréttablaðið - 25.04.2008, Page 40
● fréttablaðið ● austurland 25. APRÍL 2008 FÖSTUDAGUR4
Landsmót íslenskra kvenna kóra
verður haldið á Höfn í Hornafirði
um helgina, en þar munu þrettán
kórar eða tæplega 400 konur víðs
vegar að af landinu takast á við
verkefni, kynnast og efla tengsl
kórkvenna.
Tvennir tónleikar verða haldnir í
Íþróttahúsi Hornafjarðar. Hver kór
flytur sín tvö lög á morgun klukkan
16 og eru allir velkomnir að hlýða á
báða daga og er aðgangur ókeypis.
Sameiginlegir tónleikar verða
síðan á sunnudag klukkan 14 þar
sem allir kórarnir syngja saman
við undirleik stórsveitar Jóhanns
Morávek og afrakstur helgarinn-
ar verður kynntur. Landsmótslagið
verður frumflutt en Þóra Marteins-
dóttir tónskáld samdi lagið sérstak-
lega fyrir mótið við texta Guðbjarts
Össurarsonar.
Kvennakór Hornafjarðar, sem
hefur starfað í tíu ár, er gestgjafi
mótsins og hafa kórkonur unnið
að undirbúningi þess undanfarna
mánuði. Kórinn leggur mikinn
metnað í að efla samvinnu og sam-
hljóm kvennakóra á landinu og von-
ast meðlimir til að gestirnir upplifi
gæði svæðisins og menningu í ríki
Vatnajökuls.
Þess má geta að kórastarf er
öflugt á Hornafirði því þar starfa
auk Kvennakórs Hornafjarðar,
Karlakórinn Jökull, Samkór Horna-
fjarðar, Gleðigjafar – kór eldri
borgara og tveir barnakórar.
Samhljómur kvenna
Landsmót kvennakóra fer fram á Höfn í Hornafirði um helgina.
Sumardagskrá Minjasafns Austurlands verður með fjölþjóðlegu sniði í sumar.
Ýmislegt verður í boði á safninu.
Sumardagskrá Minjasafns
Austur lands hefst með sameig-
inlegri sýningu með Museum
Nord í Norður-Noregi og Don-
egal County Museum á Írlandi.
„Arfleifð okkar Íslendinga tengist
ekki síst Írum og Norðmönnum og
mun sú arfleifð marka sterk spor í
verkefni Minjasafnsins í sumar en
samtengdar sýningar verða í Nor-
egi og á Írlandi,“ segir Elfa Hlín
Pétursdóttir, safnstjóri Minja-
safnsins á Egilsstöðum.
Sumarsýning safnsins ber heitið
Ó-líkindi og verða samsýningar
í Donegal Museum á Írlandi og
Museum Nord í Vesterålen í
Norður-Noregi, en samstarf milli
þessa þriggja svæða hefur verið
að byggjast upp síðustu ár á sviði
menningar- og ferðamála að sögn
Elfu.
„Sauðkindin verður aðalþema
sýningarinnar og munum við fjalla
um hana í sögulegu ljósi og skoða
hefðbundna gripi tengda henni, til
dæmis ullarvinnslu. Þá skoðum
við hvernig kindin er notuð til að
tákngera þessi landsvæði. Einnig
verður sýnt hvernig unnið er með
kindina og ullina í nútímanum en
sýningin verður opnuð um miðjan
júní á öllum stöðunum samtímis.
Þá verður gerð í tengslum við
hana vefsíða þannig að við miðl-
um milli safnanna þriggja, hvað er
að sjá á hverjum stað fyrir sig. Við
höfum farið í heimsókn til Írlands
og bæði Norðmennirnir og Írarnir
komið hingað en við munum heim-
sækja Noreg bráðlega. Það hefur
komið í ljós að margt er líkt hjá
þessum þremur þjóðum, ekki bara
sögulega heldur líka í safnavinn-
unni og skipulagi safna.“
Grunnsýning safnsins í sumar
eins og undanfarin ár ber heitið
Sveitin og þorpið og fjallar annars
vegar um hið hefðbundna íslenska
sveitasamfélag og hins vegar um
þéttbýlismyndun fyrir austan og
sérstöðu Héraðsins. „Við verðum
líka í samvinnu við eldri borgara
á svæðinu og handverkshóp eða -
hópa, sem sjá um lifandi starf-
semi í Safnahúsinu reglulega. Á
Þjóðhátíðardaginn 17. júní og ís-
lenska safnadaginn í júlí munum
við setja saman lifandi dagskrá og
blanda saman þjóðlegri skemmt-
un og fræðslu.“ - kþb
Arfleifðin áberandi í sumar
Grunnsýning safnsins, Sveitin og þorpið, snýst meðal annars um sveitasamfélagið.