Fréttablaðið - 03.06.2008, Blaðsíða 6
6 3. júní 2008 ÞRIÐJUDAGUR
UMHVERFISMÁL Landgræðslan
tekur undir áhyggjur sveitar-
stjórnar Mýrdalshrepps af
landbroti vegna ágangs sjávar við
Vík. Eins og komið hefur fram í
Fréttablaðinu vill sveitarstjórnin
að áætlanir Siglingastofnunar um
landvarnir verði endurskoðaðar
og framkvæmdum flýtt til að
verja byggðina.
Siglingastofnun segir að erindi
Mýrdalshrepps verði tekið til með-
ferðar við gerð nýrrar samgöngu-
áætlunar fyrir árin 2009-2012 sem
væntanlega verði lögð fyrir
Alþingi í haust. Landgræðslan
fyrir sitt leyti leggur til að
sandgirðingar verði endurbættar
og auknar strax fyrir næsta vetur.
- gar
Landbrotið við Vík:
Viðbrögð bíða
til haustsins
VÍK Vaxandi landbrot varð í óveðrum
liðins vetrar.
LÖGREGLUMÁL Maður sem réðist á
leigubílstjóra í Neðra-Breiðholti
um klukkan hálf fjögur aðfaranótt
sunnudagsins er enn ófundinn.
Samkvæmt upplýsingum frá
lögreglu tók maðurinn, sem var
farþegi í bílnum, leigubílstjórann
hálstaki, lagði hníf að hálsi hans
og krafðist þess að fá peninga.
Komst maðurinn yfir peninga og
farsíma. Leigubílstjórinn, sem er
kona, hlaut nokkra áverka á hálsi
en er ekki alvarlega slösuð.
Árásarmannsins er enn leitað og
er málið í rannsókn. - ovd
Árás á leigubílstjóra:
Árásarmanns
enn leitað
VINNUMARKAÐUR Óbreytt ástand
ríkir í kjaraviðræðum samninga-
nefnda BHM-félaga og samn-
inganefndar ríkisins en þó hefur
verið talað um að samningurinn
gildi út mars
2009. Fundur
hefur verið
boðaður á
miðvikudag, að
sögn Guðlaug-
ar Kristjáns-
dóttur,
formanns
BHM.
Elsa B.
Friðfinns-
dóttir, formaður Félags íslenskra
hjúkrunarfræðinga, FÍH, segist
heyra að kominn sé urgur í
hjúkrunarfræðinga og margir
þeirra hafi ákveðið að hætta að
taka aukavaktir á LSH þar til
búið verði að semja. „Fólk vill
ekki sætta sig við ástandið eins
og það er,“ segir hún.
Læknafélag Íslands hefur
vísað samningaviðræðum til
ríkissáttasemjara. - ghs
Kjaraviðræður BHM-félaga:
Urgur í hjúkr-
unarfræðingum
GUÐLAUG
KRISTJÁNSDÓTTIR
DÓMSMÁL Fyrrverandi tónlistar-
kennari hefur verið dæmdur í tólf
mánaða skilorðsbundið fangelsi
fyrir kynferðisbrot gegn nem-
anda sínum sem þá var fjórtán
ára.
Kennarinn var ákærður fyrir
að hafa á árinu 1997, þegar stúlk-
an var þrettán ára, fengið hana
ítrekað til ýmiss konar kynlífs-
athafna og haft við hana samræði.
Þá var hann ákærður fyrir að hafa
reglulega haft samræði eða önnur
kynferðismök við hana ári seinna,
þegar hún var fjórtán ára. Hún
kærði manninn í júlí á síðasta ári.
Maðurinn var í dómi sýknaður
af fyrri lið ákærunnar. Dóminum
þótti ekki sannað að hann hefði
haft samræði við stúlkuna, þegar
hún var þrettán ára, þar sem
framburður hennar var ekki
stöðugur.
Á þeim tíma sem síðari ákæran
tekur til var refsilaust samkvæmt
lögum að hafa samræði við ein-
stakling sem var orðinn fjórtán
ára. Hins vegar kvað ákvæði
hegningarlaga, árið 1998, á um að
hver sem hefði samræði eða kyn-
ferðismök við barn eða ungmenni
yngri en átján ára, „...sem honum
hefur verið trúað fyrir til kennslu
eða uppeldis skal sæta fangelsi
allt að sex árum og allt að tíu ára
fangelsi sé barn yngra en 16 ára.“
Dómurinn vísaði miskabóta-
kröfu stúlkunnar, að upphæð 1,2
milljónum króna, frá. - jss
Fyrrverandi tónlistarkennari dæmdur í eins árs skilorðsbundið fangelsi:
Braut gegn fjórtán ára nemanda
HÉRAÐSDÓMUR REYKJANESS Kennarinn
var dæmdur í skilorðsbundið fangelsi
fyrir kynferðisbrot gegn fjórtán ára
gömlum nemanda sínum.
FÓLK Vegfarendur í Ártúnsbrekku
þurftu að láta sér lynda nokkurra
mínútna umferðartafir síðdegis í
fyrradag. Það var þó hvorki
umferðarþungi né óhapp sem olli
töfunum, heldur nokkrir piltar á
unglingsaldri sem tóku sig til og
stöðvuðu alla umferð til að hleypa
andafjölskyldu yfir götuna.
Piltunum virtist mjög umhugað
um það að fjölskyldan, önd með
sex til sjö unga, kæmist leiðar
sinnar, því að þeir stöðvuðu
umferð í báðar áttir á þessari
stærstu götu í Reykjavík, sem
alls er átta akreinar. Engum
sögum fer af því hvers vegna
öndin vildi fara yfir veginn. - sh
Hjálpsamir piltar töfðu bíla:
Endur lokuðu
átta akreinum
Veggjakrotarar handteknir
Lögreglan á höfuðborgarsvæðinu tók
tvo unga menn á fjórða tímanum í
fyrrinótt fyrir veggjakrot í Síðumúla.
Voru þeir færðir á lögreglustöð til
skýrslutöku og voru foreldrar þeirra
svo fengnir til að sækja þá á stöðina.
LÖGREGLUFRÉTTIR
Fíkniefni í Valhöll
Eitt fíkniefnamál kom til kasta lögregl-
unnar á Eskifirði um helgina. Meint
amfetamín fannst á gesti á dansleik á
skemmtistaðnum Valhöll á Eskifirði.
Á 143 kílómetra hraða
Lögreglan á Hvolsvelli stöðvaði öku-
mann bifreiðar á 143 kílómetra hraða
skammt frá Hvolsvelli í gær, þar sem
hámarkshraði er 90. Má ökumaður-
inn búast við vænni sekt.
PAKISTAN, AP Sprengjuárás á
danska sendiráðið í Íslamabad,
höfuðborg Pakistans, varð átta
manns að bana. Tugir manna
særðust.
Meðal hinna látnu eru tveir
pakistanskir starfsmenn sendi-
ráðsins en tveir Danir, sem starfa
þar, sluppu báðir ómeiddir.
Anders Fogh Rasmussen, for-
sætisráðherra Danmerkur, sagði
sprenginguna vera árás á Dan-
mörku og ekkert geti réttlætt
slíkan glæp.
„Danmörk ætlar ekki að breyta
stefnu sinni vegna hryðjuverks,“
sagði hann í gær. „Við ætlum ekki
að láta undan hryðjuverkamönn-
um.“
Per Stig Møller utanríkisráð-
herra sagði „hræðilegt að hryðju-
verkamenn skuli gera þetta.
Sendiráðið er þarna til þess að
Danir eigi samstarf við pakist-
önsku þjóðina og þetta þýðir að
þeir eru að eyðileggja það.“
Sprengjan heyrðist um alla
borgina og skildi eftir sig stóra
holu í veginum, um einn metra á
dýpt, fyrir framan aðalhlið sendi-
ráðslóðarinnar. Glerbrot og
málmbrak þeyttust um svæðið og
tugir bifreiða voru ónýtar.
Steingirðing umhverfis sendi-
ráðið hrundi og málmhliðið þeytt-
ist inn í garðinn, en sendiráðs-
byggingin sjálf stendur þótt
skemmdir hafi orðið á henni og
rúður brotnað.
Í dönskum fjölmiðlum voru get-
gátur um að bifreiðin sem sprakk
hefði verið merkt sendiráði.
Sprengjumenn hefðu varla öðru-
vísi komist svona nálægt sendi-
ráðinu þar sem gatan sem sendi-
ráðið stendur við hefur verið
lokuð fyrir almennri umferð.
Sendiráðum Noregs og Svíþjóð-
ar í Íslamabad var strax lokað í
gær. Dönsk stjórnvöld hvetja
Dani til að ferðast ekki til
Pakistans á næstunni.
Margir Danir sögðust í gær telja
árásina vera viðbrögð við birtingu
á skopmyndum um Múhameð spá-
mann, eða viðbrögð við því að
Danir eru með herlið í Afganistan.
„Það sem hefur vakið athygli
fólks í þessum heimshluta á Dan-
mörku er Múhameðs teikn ing-
arnar,“ segir Lars Erslev Ander-
sen, hryðjuverkasérfræðingur við
háskólann í Óðinsvéum. „En það
varð einnig til þess að vekja
athygli fólks á þeirri staðreynd að
Danir eru með herlið í Írak og að
Danir eru á vígstöðvunum í Afgan-
istan.“ gudsteinn@frettabladid.is
Kraftmikil sprengja
varð átta að bana
Forsætisráðherra Danmerkur segir að sprengjuárásin á sendiráð Dana í
Pakistan muni ekki hafa nein áhrif á utanríkisstefnu landsins.
SENDIRÁÐ DANMERKUR Allt var krökkt af lögreglumönnum og fréttamönnum fyrir
utan sendiráð Danmerkur í Íslamabad eftir sprengjuárásina í gær. NORDICPHOTOS/AFP
Ert þú fylgjandi því að taílenskt
búddahof rísi í Hádegismóum?
Já 40%
Nei 60%
SPURNING DAGSINS Í DAG:
Hefur þú borðað hvalkjöt?
Segðu þína skoðun á vísir.is
KJÖRKASSINN