Fréttablaðið - 03.06.2008, Blaðsíða 38

22 3. júní 2008 ÞRIÐJUDAGUR
folk@frettabladid.is
> LINDSAY LESBÍSK?
Svo virðist sem meint ástar-
samband Lindsay Lohan og
plötusnúðarins Samönthu
Ronson sé staðreynd. Í það
minnsta er móðir Lindsay
hætt að neita því. „Ef hún
er ánægð er ég ánægð.
Það er allt sem ég segi.
Samantha er frábær. Ég
hef þekkt hana og fjöl-
skyldu hennar í tíu
ár,“ segir Dina Lohan
um sambandið.
Hæfileikakeppnin Britain‘s Got Talent hefur notið
mikilla vinsælda, enda eini þátturinn þar sem
hæfileikafólk á hvaða aldri sem er getur sýnt atriði
af hvaða tagi sem er. Yfir 2,2 milljónir sjónvarps-
áhorfenda greiddu atkvæði í úrslitaþættinum
síðastliðið laugardagskvöld, en margir töldu öruggt
að kór drengur inn Andrew Johnston myndi bera
sigur úr býtum með englarödd sinni. Það urðu því
mikil vonbrigði fyrir Andrew þegar hann hafnaði í
þriðja sæti á eftir tveimur dansatriðum.
Sigurvegari kvöldsins var hinn fjórtán ára gamli
George Sampson. Hann var nálægt því að komast í
úrslit í þættinum í fyrra, en lét ekki hugfallast eftir að
hann datt út og mætti enn sterkari til leiks í ár. Jafnt
dómarar sem áhorfendur virtust kunna að meta
þrautseigjuna og stóðu upp eftir lokadansatriði hans
við nýstárlega útgáfu af laginu „Singing in the Rain“.
George býr með móður sinni og eldri bróður í lítilli
félagsíbúð í Cheshire á Englandi og hefur fram að
þessu dansað á verslunargötum og fjölförnum stöðum
í því skyni að vinna sér inn peninga til að geta greitt
fyrir danskennslu.
Í viðtali eftir keppnina greindi George frá því að
hann hefði átt við sjaldgæfan sjúkdóm að stríða sem
kemur stundum upp hjá unglingum sem vaxa mjög
hratt og veldur því að mænan er sérstaklega við-
kvæm. Læknar vöruðu George við því að halda áfram
að dansa breikdans af ótta við að hann gæti lamast, en
þrýstingur á sjóntaugina olli því að George missti sjón
á öðru auga tímabundið og óttaðist á tímabili að hann
yrði blindur til frambúðar. George hafði þó endur-
heimt sjónina áður en hann bar sigur úr býtum í
keppninni og mun hann nú dansa fyrir Karl Breta-
prins á The Royal Variety Show, auk þess sem hann
hlýtur 100.000 pund að launum. - ag
Dansaði til sigurs
ANDREW JOHNSTON Margir
töldu öruggt að hann myndi
sigra með sönghæfileikum
sínum, en hann hafnaði í
þriðja sæti á eftir dansatrið-
inu Signature og sigurvegar-
anum George Sampson.
DANSAÐI SIG INN Í HUG OG
HJÖRTU BRETA Líf George
Sampson breyttist skyndilega
þegar hann vann Britain‘s Got
Talent síðastliðinn laugardag
og hlaut 100.000 pund í
verðlaun.
„Mér finnst þetta bara mjög gaman og
það verður spennandi að takast á við
þetta,“ segir Alexandra Helga Ívars-
dóttir, nýkjörin Ungfrú Ísland. Keppnin
fór fram á Broadway síðastliðinn föstu-
dag og var glæsileg að vanda, en það var
Yesmine Olsson sem sá um framkomu
stúlknanna.
„Þetta var gott tækifæri til að vinna í
sjálfri mér, sigrast á feimni og bæta
sjálfstraustið,“ segir Alexandra, sem
er að ljúka sínu þriðja ári í Menntaskól-
anum við Sund. Spurð hvort keppnin
hafi ekki tekið mikinn tíma frá náminu
segir hún svo ekki vera. „Skólinn var
eiginlega búinn, en ég var í prófum á
meðan æfingarnar stóðu yfir. Það var
erfiðast að tvinna þetta tvennt saman en
maður lærði líka að skipuleggja tíma
sinn betur. Ég náði öllu nema einu prófi,
en ég fer í endurtökupróf í því fagi,“
segir Alexandra.
En hvað tekur nú við? „Í sumar ætla
ég að vinna á elliheimilinu Eir í Grafar-
vogi, en fyrst ætla ég í langþráð frí til
Flórída með kærastanum mínum og fjöl-
skyldu hans,“ segir Alexandra sem mun
fara fyrir Íslands hönd í keppnina Ungrú
alheimur sem haldin verður í Úkraínu í
október næstkomandi. „Æfingar byrja
ekki alveg strax, en ég er mjög spennt
fyrir keppninni og það verður gaman að
fara til Úkraínu.“ - ag
Ungfrú Ísland hjúkrar öldruðum
ALEXANDRA HELGA ÍVARSDÓTTIR Mun keppa
fyrir Íslands hönd í keppninni Ungfrú alheimur
sem fram fer í Úkraínu í október næstkomandi.
FRÉTTABLAÐIÐ/DANÍEL
Ásgeir Kolbeinsson ræðst
ekki á garðinn þar sem
hann er lægstur. Nú ætlar
hann að breyta Laugardals-
höll í risaskemmtistað.
„Þetta hefur aldrei verið gert áður
á Íslandi,“ segir Ásgeir Kolbeins-
son, sem ætlar að breyta Laugar-
dalshöllinni í skemmtistað 16. júní
næstkomandi. Þá ætlar hann að
halda tónleika þar sem enginn
annar en David Guetta og Gus Gus
munu sjá um stuðið. „Það er alltaf
verið að halda venjulega tónleika,
þess vegna ákvað ég að gera eitt-
hvað öðruvísi. Eitthvað sem mig
hefur lengi langað til að gera,“
segir Ásgeir en ásýnd hallarinnar
verður gjörbreytt. Ljós, barir og
rándýr sviðsmynd munu meðal
annars sjá til þess að gera upplif-
unina sérstaka að sögn Ásgeirs.
David Guetta er eitt af stærstu
nöfnum danstónlistarbransans í
dag og hlaut á dögunum World
Music Awards sem besti danstón-
listarmaðurinn. Lög hans hafa
notið mikilla vinsælda hér á landi.
Gus Gus þekkja allir landsmenn.
„Þetta er það stærsta sem þeir
hafa farið út í hér á landi enda
spenningurinn meðal þeirra mik-
ill,“ segir Ásgeir.
Miðasala á viðburðinn hófst í
gær á midi.is en boðið er upp á
sæti í stúku og á gólfinu. Aldurs-
takmark er átján ára en tuttugu
ára á barinn. „Mér finnst allt of
lítið gert fyrir ungt fólk í dag hvað
innflutning á tónlistarmönnum
varðar,“ segir Ásgeir.
Dæmið er dýrt og áhættan mikil.
„Já, þess vegna geri ég þetta
almennilega. Ég er meira fyrir að
gera eitthvað svona sjaldnar og
gera það vel,“ segir Ásgeir, sem
flutti inn Scooter 2004 og kjaft-
fyllti Höllina. soli@frettabladid.is
Gerir Höllina að
stærsta skemmti-
stað landsins
ÁSGEIR KOLBEINS Ætlar að breyta Laugardalshöllinni í skemmtistað.
AFSLÁTTUR
Með því að kaupa Miele
þvottavél eða þurrkara
leggur þú grunn að
langtímasparnaði
Sparaðu með Miele
Kynntu þér málið hjá sölumönnum Eirvíkur
Hreinn sparnaður
MIELE ÞVOTTAVÉL
- fjárfesting sem borgar sig
Miele - líklega endingarbesta
og ódýrasta parið
Í upphafi skal endinn skoða!
A B
7. JÚNÍ 2008
SJÓVÁ KVENNAHLAUP ÍSÍ
TAKTU ÞÁTT!