Fréttablaðið - 03.06.2008, Blaðsíða 12

12 3. júní 2008 ÞRIÐJUDAGUR
Ármúla 11 - sími 568-1500
Lónsbakka - sími 461-1070
Garðsláttuvélar
Þýskar
gæðasláttuvélar
fyrir þá sem
gera kröfur
um gæði
„Það er allt í toppstandi hjá mér. Dagarnir eru
fallegir og ég er auðvitað mikill sumarmaður
eins og allir alvöru hestamenn,“ segir Einar
Bollason, framkvæmdastjóri Íshesta. Einar
hefur í nógu að snúast
þessa dagana, enda
lokaundirbúningur fyrir
hestasumarið langt á
veg kominn. „Við erum
að leggja lokahönd á
pantanir og slíkt fyrir
hestaferðirnar í sumar.
Þetta verður stórt sumar
og mikið um að vera.
Við finnum aðeins fyrir
heimskreppunni því
útlendingar spyrja meira
eftir styttri og ódýrari
ferðum en áður hefur
verið. Það er hins vegar
ekkert krepputal í Íslendingunum. Fjölgun þeirra
í ferðirnar okkar í ár er gríðarlega mikil.“
Einar er fyrrverandi körfuknattleiksmaður
og einn kunnasti aðdáandi íþróttarinnar hér á
landi. „Það fyrsta sem ég geri á morgnana er
að fara inn á vefsíðuna nba.com og leita eftir
úrslitum minna manna í Boston Celtics. Ég
hef verið stuðningsmaður Boston síðan 1965
og þetta sögufræga félag hefur ekki unnið
NBA-deildina í 22 ár. Það er kominn tími til að
breyta því,“ segir Einar.
Hann dreymir um að gömlu risarnir í Boston
og Los Angeles Lakers mætist í úrslitaeinvíginu.
„Ef sú verður raunin að þessi tvö lið mætist
í úrslitunum þá skiptir engu máli hvernig
stendur á hjá mér, ég flýg til Boston og verð
í höllinni. Ég þori ekki að negla ferðina betur
niður fyrr en það er orðið ljóst hvaða lið mæt-
ast. Maður er svo hjátrúarfullur, sjáðu til,“ segir
Einar og hlær.
HVAÐ ER AÐ FRÉTTA? EINAR BOLLASON, FRAMKVÆMDASTJÓRI ÍSHESTA
Undirbýr hestasumarið
nær og fjær
„ORÐRÉTT“ HVALKJÖT:
BORÐAÐ Í JAPAN
■ Japanir hafa
borðað hvalkjöt
lengi og mikil
hefð er fyrir
hvalveiðum
þar í landi. Á
árunum eftir
seinni heimsstyrjöld varð hval-
kjötið mjög vinsælt, þar sem það
var ódýrt og er mjög prótínríkt,
en vinsældirnar döluðu eftir
miðjan sjöunda áratug síðustu
aldar. Hvalkjöt hefur verið notað
í ýmsum myndum í Japan. Til
dæmis voru fiskipylsur, sem
búnar voru til úr hvalkjöti og tún-
fiski, vinsælar. Þá hefur það verið
notað í sushi og borðað hrátt.
Jafnvel hefur það verið hakkað í
hamborgara.
Stífleiki í lærum, saltútfelling svo hlauparinn er
allur hrímhvítur, hlaupararnir skjögrandi áfram
og loks fellur einn þeirra í götuna eftir 24 tíma
hlaup. Það er ýmislegt sem gengur á þegar
hlaupið er í einn sólarhring eða meira. Gunn-
laugur A. Júlíusson langhlaupari vann þetta
afrek og átti bara í smá erfiðleikum með að
ganga stiga fyrsta daginn á eftir.
„Það sat nokkur spenna í mér. Ég taldi mig
betur undirbúinn en í fyrra og hafði sett mér
það markmið að sprengja 200 kílómetra
múrinn.“ Þannig byrjar Gunnlaugur A. Júlíus-
son langhlaupari lýsingu á þátttöku sinni í
sólarhringshlaupi á Borgundarhólmi á bloggsíð-
unni gajul.blogspot.com. Hann stefndi að því að
hlaupa um tíu kílómetra á klukkustund.
„Það er hlaupið í skógargöngum sem eru 700
metra löng hvor leið og svo örstuttur spotti á
milli. Skógurinn bæði skýlir manni fyrir vindi
og eins fyrir sólinni ef hún er of sterk þannig að
aðstæður eru góðar á margan hátt. Ég ákvað að
hlaupa fyrstu þrjátíu kílómetrana án þess að
stoppa en fara þá að ganga smáspöl á hverjum
hring til að brjóta upp álagið,“ segir Gunn-
laugur.
Eftir fimm klukkustundir var Gunnlaugur
farinn að lýjast en fékk sér þá hressingu og
þreytan hvarf úr lærunum. „Ég fann aldrei fyrir
votti af krampa eða sinadrætti, þrátt fyrir að
saltútfellingin væri hreint svakaleg. Maður var
allur hvítkrímóttur eins og saltstólpi,“ útskýrir
hann.
Tuttugu mínútur fyrir tíu hafði Gunnlaugur
náð settu marki. „Ég fann að ég hefði átt að vera
með þrjú skópör því seinni skórnir sem ég skipti
yfir á voru orðnir full harðir, þannig að maður
varð dálítið sárfættur undir það síðasta. Ég gekk
síðasta hringinn til að njóta stundarinnar.
Norðmaðurinn sem vann 24 tíma hlaupið hljóp
enn á fullu gasi, hár og laufléttur. Að lokum
hljómaði lúðurinn og 217,7 km voru í höfn.“
Hlaupararnir og aðstoðarmenn þeirra hittust í
markinu að loknu hlaupi og samglöddust. „Það
var rétt búið að afhenda bikara fyrir 48 tíma
hlaupið þegar maður sem stendur rétt hjá mér
steypist í götuna. Kona sem stóð við hliðina á
honum greip í hann og dró þannig nokkuð úr
fallinu. Engu að síður skall hann á ennið og
blæddi nokkuð úr. Það varð vitaskuld uppi fótur
og fit. Hann rankaði sem betur fer við eftir
skamma stund, fékk að drekka og náði áttum á
ný,“ segir Gunnlaugur og telur það mildi að
maðurinn hafi ekki fengið meiri áverka.
Hann kveðst koma sjálfur mjög vel út úr
hlaupinu og aðeins átt í smávegis erfiðleikum
með að ganga stiga fyrsta daginn eftir hlaupið.
ghs@frettabladid.is
Bara sprettur eftir Borgundarhólm
GUNNLAUGUR A. JÚLÍUSSON Hljóp 218 kílómetra á
einum sólarhring og bætti vegalengdina um tuttugu
kílómetra frá því í fyrra en sá eftir að hafa aðeins skipt
einu sinni um skó á leiðinni. FRÉTTABLAÐIÐ/VALLI
Sá á kvölina sem á
völina
„Stjórnvöld fara eftir ráðlegg-
ingum fiskifræðinganna og ef
þeir ætla að vera samkvæmir
sjálfum sér verður veiddur
hvalur eftir þeirra hugmynd-
um.“
KRISTJÁN LOFTSSON FORSTJÓRI
HVALS HF. UM SÖLU Á KJÖTI TIL
JAPANS.
Fréttablaðið 2. júní.
Ég og Dorrit
„Við Dorrit óskum ykkur til
hamingju með glæsilegan
sigur í frábærum leik. Þjóðin
fagnar öll og óskar ykkur
heilla á komandi Ólympíu-
leikum. Sigurkveðjur.“
ÓLAFUR RAGNAR GRÍMSSON,
FORSETI ÍSLANDS, AÐ LOKNUM
LANDSLEIK ÍSLENDINGA OG SVÍA Í
HANDKNATTLEIK.
Fréttablaðið 2. júní