Fréttablaðið - 03.06.2008, Blaðsíða 37
ÞRIÐJUDAGUR 3. júní 2008
Árið 2015 rennur út höfundarréttur á bók
Adolfs Hitler, Mein Kampf, og verður þá
leyfilegt að gefa hana út að nýju í Þýska-
landi. Þarlend útgáfa og sala á bókinni
hefur verið bönnuð síðan árið 1945, en
bókin var skrifuð á árunum 1923-1924 og
varð þvílík metsölubók á sínum tíma að
Hitler varð milljónamæringur. Sem stendur
eiga bæversk stjórnvöld ein rétt á útgáfu
ritsins og hafa þau ítrekað lýst yfir
andstöðu sinni við að bókin komi út að nýju.
Skiptar skoðanir eru um hvernig beri að
bregðast við útgáfutækifærinu. Oscar
Schneider, fræðimaður við skjalasafnið í
Nürnberg, hefur þrýst á bæversk stjórn-
völd að veita leyfi til að gefa út sérstaka
fræðilega útgáfu af bókinni sem fyrst. „Það
er ljóst að þegar höfundarréttur bókarinn-
ar rennur út munu hægrisinnaðir öfgamenn útbúa
sérstakar áróðursútgáfur og dreifa þeim sem víðast.
Því er mikilvægt að fræðaheimurinn verði
fyrri til og hefji strax vinnu að útgáfu með
ítarlegum útskýringum,“ segir Schneider.
Aðrir fræðimenn taka í sama streng.
„Önnur helstu rit nasistanna hafa þegar
komið út í fræðilegum útgáfum og hafa
ekki valdið neinum usla. Það er því
tæplega hægt að réttlæta það að gefa ekki
Mein Kampf út í fræðilegri útgáfu vegna
ótta við að ritið innihaldi sérlega neikvæð
skilaboð,“ segir prófessor Horst Möller,
stjórnandi Sagnfræðistofnunarinnar í
München.
Óritskoðuð útgáfa af bókinni er Þjóðverj-
um þegar aðgengileg á heimasíðum
hægriöfgamanna. Þýsk yfirvöld hafa ekki
heldur getað haft hemil á útgáfu bókar-
innar erlendis; hún hefur verið þýdd á
fjölda tungumála og hefur selst afar vel í hinum
enskumælandi heimi sem og í arabalöndunum. - vþ
Fræði hægja á öfgamönnum
MEIN KAMPF Umdeild
bók eftir Adolf Hitler
hefur ekki verið gefin
út í Þýskalandi ára-
tugum saman.
Lyf skipta sköpum!
„Lyf eru nauðsyn
í nútímasamfélagi!”
„Í starfi mínu er ég daglega minntur á hve lífið er mikið kraftaverk og
að það eru forréttindi að fá að vinna við að lækna og líkna. Vönduð
og vel rannsökuð lyf skipta þar oft sköpum, bæði þau lyf sem byggja á
gömlum og traustum þekkingargrunni og hin sem eru þróuð á grunni
nútímaþekkingar í lyfjafræði og vísindalegri læknisfræði.
Án lyfja hefði framþróun heilbrigðismála orðið með öðrum hætti.
Mannkynið stæði verr. Að baki lyfjaframleiðslu liggur gífurleg vísinda-
vinna til að tryggja að lyfin skili sem bestri verkun með fyrirsjáanlegum
hætti. Lyf eru nauðsyn í nútíma þjóðfélögum og ein meginstoð öflugs
heilbrigðiskerfis.“
Reynir Tómas Geirsson, prófessor/yfirlæknir, forstöðumaður fræðasviðs, Kvennasviði LSH.
E
F
L
IR
a
lm
a
n
n
a
te
n
g
s
l
/
H
N
O
T
S
K
Ó
G
U
R
g
ra
fí
s
k
h
ö
n
n
u
n