Fréttablaðið - 03.06.2008, Blaðsíða 26
3. JÚNÍ 2008 ÞRIÐJUDAGUR6 ● fréttablaðið ● verktakar
Ístak er einn af stærstu verk-
tökum Íslands með yfir þrjátíu
verkefni í gangi af ólíkum
toga og ýmsum stærðar-
gráðum. Alltaf bætist við, nú
síðast lokaframkvæmdir og frá-
gangur á Kárahnjúkasvæðinu.
Loftur Árnason framkvæmda-
stjóri var tekinn tali.
„Við höfum mjög mikið að gera
og það er ekki fyrirsjáanlegur
samdráttur í veltunni hjá okkur,
frekar öfugt,“ segir Loftur og
nefnir mikið framboð verkefna
fyrir opinbera aðila eins og Vega-
gerðina. Hann tekur fram að Ístak
hafi haldið sig frá íbúðarbygging-
um fyrir eigin reikning og verði
því ekki eins fyrir barðinu á láns-
fjárleysinu og ýmsir aðrir. „Þegar
við höfum byggt íbúðir höfum við
haft einhverja stærri viðskipta-
vini til að byggja fyrir,“ útskýrir
hann. Meðal vegaverkefna Ístaks
má nefna breikkun Reykjanes-
brautar, færslu Nýbýlavegar og
gatnamót við Leirvogstungu en
hvar eru stærstu framkvæmdirn-
ar um þessar mundir?
„Fyrst vil ég nefna virkjun við
Sisimiut á Vestur-Grænlandi sem
er sjö milljarða verk. Þar erum
við með hönnun, línulagnir og allt
og eigum svo að sjá um rekstur-
inn í fimm ár eftir að byggingu er
lokið. Við komum þarna að eyði-
firði í fyrrasumar og byggðum
upp þorp og þar hafa menn unnið
í allan vetur í allt niður í fjöru-
tíu gráðu frosti við mjög erfiðar
aðstæður. Við þurftum að birgja
okkur vel upp fyrir veturinn enda
er enn ís yfir öllu.
Næststærsta verkefnið er Há-
skólinn í Reykjavík undir Öskju-
hlíðinni og svo vorum við að fá
stórt verk við Hraunaveitur fyrir
norðan Vatnajökul. Auk þessa
má nefna byggingarvöruversl-
unina Bauhaus við Úlfarsfell og
stórt verslunarhús í Garðabæ
sem nefnist Kauptún. Svo erum
við með tvo áfanga í stöðvar-
húsi Hellis heiðarvirkjunar og
vorum að fá frágangsverkefni
við að fegra landið á heiðinni.
Við höfum verið með dælustöðv-
ar fyrir Hafnfirðinga, erum að
lengja flugvöllinn á Akureyri og
ætlum að dýpka höfnina fyrir
Siglfirðinga. Skólavörðustígur-
inn er sundurgrafinn eftir okkur
núna og svo erum við með dælu-
stöðvarverkefni á Akranesi og í
Borgarnesi.“
Það eru ekki bara frárennslis-
framkvæmdir, virkjanir og versl-
unarhallir sem Ístak hefur á sinni
könnu heldur eru guðshús líka á
verkefnalistanum, bæði nýbygg-
ingar og endurbætur. „Við erum
að gera við Hallgrímskirkju,
steypan er ansi illa farin svo það
er heilmikið verk. Svo erum við að
byggja kirkju fyrir Kópavogsbúa
í Lindahverfinu og höfum nýlokið
viðgerðum á Hafnarfjarðar kirkju
að innanverðu,“ lýsir Loftur.
Starfsmenn Ístaks eru um 750,
rúmur helmingur þeirra erlend-
ir og þar eru Pólverjar í mikl-
um meirihluta, nema á Græn-
landi þar sem Slóvakar eru fjöl-
mennastir. Loftur býst við að
þurfa að bæta við sig starfs-
mönnum á næstunni og telur að
losna fari um íslenska vinnuaflið.
„Við fáum aðeins viðbrögð núna
þegar við auglýsum eftir starfs-
fólki enda er greinilegur sam-
dráttur í íbúðabyggingum,“ segir
hann og neitar því ekki að finna
líka fyrir kreppunni á annan og
neikvæðari hátt. Bæði hafi verið
hætt við verk á samningsstigi og
menn greiði ekki alveg eins fljótt
og þeir voru vanir. „Lokun bank-
anna á lánsfé hefur mikil áhrif á
allan rekstur, olíuverðshækkunin
einnig og hin snögga gengisbreyt-
ing,“ segir Loftur. „Það er vissu-
lega við erfiðleika að etja víða
þannig að þótt ég sé brattur þá
eru ýmis ljón í veginum.“ - gun
Virkjanir, vegagerð og guðshús
„Við fáum aðeins viðbrögð núna þegar
við auglýsum eftir starfsfólki enda er
greinilegur samdráttur í íbúðarbygg-
ingum,“ segir Loftur Árnason, fram-
kvæmdastjóri Ístaks. FRÉTTABLAÐIÐ/GVA
Virkjunin í Sisimiut í Vestur-Grænlandi er eitt stærsta verkefni Ístaks um þessar
mundir. Það er í skilum árið 2010 en eftir það ætlar fyrirtækið að sjá um reksturinn í
fimm ár. MYND/ÍSTAK