Fréttablaðið - 03.06.2008, Blaðsíða 22

3. JÚNÍ 2008 ÞRIÐJUDAGUR2 ● fréttablaðið ● verktakar
Hjá byggingaverktakanum
Pálmatré vinna hressir menn
sem leggja áherslu á að gera
sér glaðan dag samhliða
erfiðis vinnu.
„Byggingavinna tekur í og getur
verið hunderfið þegar allra veðra
er von. Þess vegna leggjum við
ríka áherslu á að skemmta okkur
jafnt í vinnunni sem utan henn-
ar og tökum upp á ýmsu,“ segir
Pálmi Pálsson, eigandi Pálma-
trés. Hann er trésmiður að mennt
og þannig er nafnið á fyrirtækinu
til komið.
Starfsmenn fyrirtækisins, sem
eru að jafnaði um fimmtán tals-
ins, halda í sameiningu úti at-
hyglisverðri bloggsíðu á slóðinni
www.besefi.blog.is/blog/besefi/.
Þeir hafa allir aðgang að síðunni
og setja inn myndir og annað efni
að vild.
„Við förum árlega í jeppaferðir
á fjöll, höfum ferðast innanlands
sem utan og verið með alls kyns
uppákomur,“ segir Pálmi. Uppá-
tækin eru jafnt mjúk sem karl-
mannleg og í vetur hafa starfs-
menn tekið þátt í léttum leik á
föstudögum. „Þetta er eins konar
útdráttur og sá sem tapar þarf að
koma með köku í vinnuna,“ út-
skýrir Pálmi.
Á heimasíðu starfsmannanna
má sjá úrval mynda úr ferðum og
kökubakstri svo eitthvað sé nefnt
ásamt líflegum vinnustaðar-
myndum. Af þeim að dæma virð-
ast menn óhræddir við að bregða
á leik til að létta sér lífið.
Fyrirtækið er nú að leggja
lokahönd á fjölbýlishús í Gerplu-
stræti í Helgafellslandi. „Upp-
haflega vorum við að mestu á út-
boðamarkaði en fórum af meiri
krafti inn í íbúðaframleiðslu
fyrir fjórum árum,“ segir Pálmi
en fyrirtækið hefur verið starf-
rækt frá árinu 2000.
Í Gerplustræti verða 24 full-
búnar íbúðir tilbúnar til afhend-
ingar í haust en ráðgert er að
hefjast þá handa við að reisa
sams konar hús á nærliggjandi
lóð. Pálmi á ekki von á því að
áformin breytist þrátt fyrir sam-
drátt á fasteignamarkaði og segir
engan bilbug að finna á sínum
mönnum. - ve
Brugðið á leik í vinnunni
Pálmi Pálsson, eigandi Pálmatrés, segir starfsmenn fyrirtækisins taka sér ýmislegt fyrir hendur til að rífa upp stemninguna og
nefnir allt frá kökubakstri upp í jeppaferðir. FRÉTTABLAÐIÐ/GVA
Smiðirnir Stefán Garðarsson, Jónas
Viðar Sigurðsson, Jón Ólafur Ármanns-
son og Sirimal Hettiarachchige taka sér
frí frá því að steypa upp bílakjallara við
Gerplustræti í Helgafellslandi og slá á
létta strengi.
Þjarmað að járnabindingamanni.
Modulhús er nýtt fyrirtæki á ein-
ingahúsamarkaðnum og hefur á
boðstólum vandaðar húseiningar
frá Tomoku í Svíþjóð.
„Í Tomoku-verksmiðjunni fer
fram gæðaframleiðsla með öfl-
ugu gæðaeftirliti á timbureining-
um til húsasmíði. Einingarnar eru
vottaðar eftir ströngu þolprófi
hér á landi til dæmis hvað varðar
jarðskjálfta,“ segir Guðmundur
Helgason hjá Modulhúsum ehf.
og bætir því við að einingahús frá
Modul hafi staðið vel af sér jarð-
skjálftana á Suðurlandi í síðustu
viku, sem séu mikil meðmæli.
Framleiðslan á einingunum er
stöðluð og getur verksmiðjan
framleitt allt að hundrað hús á
mánuði.
Einingarnar henta afar vel í
margs konar byggingar en þó helst
til íbúðar- og sumarhúsa. Auð-
velt er að setja einingarnar saman
og engin þörf er á stórum vélum
nema þá aðeins til þess að tæma
gáminn sem flutti einingarnar.
Modulhús sér um að teikna frum-
hugmyndir viðskiptavina þeim að
kostnaðarlausu. Hvert og eitt hús
tekur sex vikur í framleiðslu og þá
tekur við flutningur hingað heim.
Því má segja að afhendingar-
tíminn sé stuttur frá pöntun þar til
einingarnar eru komnar til lands-
ins. Áhugasamir geta farið inn á
vefsíðuna www.modulhus.is eða
hringt í síma 451-1112. - mmr
Hús sem standast skjálfta
Uppsett fallegt einingahús.
Verktakasamningar eru að verða
æ algengara vinnuform og þá er
nauðsynlegt að huga að réttindum.
Það er að mörgu að huga þegar
menn ákveða að gerast verktakar.
Þó vissulega sé heillandi að vera
sjálfs síns herra og gera tíma-
bundna samninga þá eru önnur at-
riði sem gæta þarf að. Verktakar
njóta ekki þeirrar verndar sem
lög og kjarasamningar tryggja
launafólki þannig að verktakar
njóta ekki sömu kjara og almennir
starfsmenn. Þeir fá ekki laun
þegar þeir fara í sumarfrí og
þeir fá ekki greiðslur þegar þeir
veikjast eða slasast. Vanalega
greiða atvinnurekendur trygg-
ingar, opinber gjöld og í lífeyris-
sjóð en verktakar þurfa að greiða
þessa hluti sjálfir. Laun verktaka
þurfa því að vera um fjörutíu til
sjötíu prósent hærri en almenns
launafólks til þess að verktaki hafi
sambærileg réttindi og laun.
Að vinna sem verktaki er í
raun eins og að reka eigið fyrir-
tæki og þá gilda aðrar reglur
um greiðslu skatta af tekjum.
Verktakar bera fulla ábyrgð
á vinnu- og slysatryggingum,
lífeyrissjóðsgreiðslum, greiðslum
til stéttarfélaga sem og ábyrgð á
öllum greiðslum til ríkis og sveitar-
félaga. Mikilvægt er að telja fram
tekjur því annars getur fólk lent í
vandræðum og því borgar sig að
hafa öll gögn á takteinum og vel
skipulögð. - hs
Réttindi og kjör
Verktakar njóta ekki sömu kjara og
almennir starfsmenn. FRÉTTABLAÐIÐ/HARI
Verktakar þurfa að gæta vel að réttindum sínum og vera vissir um að þeir fái sann-
gjörn laun. FRÉTTABLAÐIÐ/ANTON
Hafnar eru framkvæmdir við
svokallað Grænuborgarhverfi í
Vogum á Vatnsleysuströnd. Stefnt
er að því að reisa þar 500 íbúðir,
sem þýðir að að verki loknu hefur
íbúðarbyggð í Vogum verið tvö-
földuð.
Verktakafyrirtækið Nesbyggð
sér um framkvæmdir og var fyrsta
skóflustungan tekin síðastliðinn
föstudag. „Við ætlum að vinna í
gatnagerð í sumar og byrjum svo
að byggja húsin í haust,“ segir Páll
Harðarson, framkvæmdastjóri
Nesbyggðar. Hverfið verður byggt
í tveimur áföngum og í hinum fyrri
rísa 250 íbúðir. Þar af eru fimmtíu
einbýlishús og sjötíu íbúðir í rað-
og parhúsum.
Páll segir að þrátt fyrir svart-
sýni á byggingamarkaði sé mikill
áhugi á lóðunum. „Við erum fullir
bjartsýni. Þarna eru til að mynda
mjög flottar sjávarlóðir og margir
sem búa nú þegar í Vogunum
hafa sýnt þeim áhuga,“ segir Páll
en bætir því við að seglum verði
hagað eftir vindi og því hafi ekkert
verið ákvarðað um framkvæmda-
tímann.
Nánari upplýsingar um fram-
kvæmdirnar og lóðirnar má nálg-
ast á heimasíðu Nesbyggðar: www.
nesbyggð.is. - þo
Reisa 500 nýjar íbúðir
Hönnunarvinnu er ekki að fullu lokið en einhvern veginn svona mun Grænuborgar-
hverfið líta út.
Fyrsta skóflustungan að nýja hverfinu
var tekin síðastliðinn föstudag.
MYND/HILMAR BRAGI