Fréttablaðið - 13.06.2008, Blaðsíða 6

6 13. júní 2008 FÖSTUDAGUR
DÓMSMÁL Rannveig Rafnsdóttir,
45 ára, var í gær dæmd í þriggja
ára fangelsi fyrir að svíkja rúmar
75 milljónir út úr Tryggingastofn-
un ríkisins (TR). Hún var jafn-
framt dæmd til að endurgreiða
stofnuninni féð. Alls voru þrettán
sakborningar af fimmtán dæmdir
sekir í málinu og samanlagt í tæp-
lega níu ára fangelsi.
Rannveig var starfsmaður TR
og hafði umsjón með endur-
greiðslum á útlögðum kostnaði til
sjúkllinga. Féð sveik hún út með
því að skrá tilhæfulausar endur-
greiðslubeiðnir og láta grunlausa
gjaldkera leggja upphæðirnar inn
á reikninga samverkafólks síns.
Hún bjó svo um hnútana að afrit
fölsku kvittananna bárust aldrei
læknunum sem þau áttu að fá.
Brotin sem dæmt er fyrir áttu sér
stað á tímabilinu frá því í janúar
2002 til júní 2006, þegar upp komst
um málið. Alls var um 781 greiðslu
að ræða.
Rannveig bar fyrir dómi að hún
hefði leiðst út í svikin þegar hún
var í fjárþröng og langt leidd af
fíkniefnaneyslu. Svikin hefðu
byrjað í smáum stíl en undið upp á
sig. Hún játaði allar sakargiftir og
var samvinnuþýð við lögreglu.
Það var virt henni til refsilækkun-
ar.
Eftir sem áður segir í dómnum
að ekki verði horft framhjá því að
um „stórfellt brot í opinberu starfi
var að ræða, en ákærða kom á fót
umfangsmikilli fjársvikastarf-
semi, sem teygði anga sína víða“.
Sjálf hafði hún um þrjátíu millj-
ónir upp úr krafsinu.
Næstþyngsta dóminn, eitt ár,
hlaut sonur Rannveigar, sem
skipulagði svikin með móður sinni
og var, eins og segir í dómnum,
„að stórum hluta nánast aðal-
fremjandi brotsins.“ Hann á mik-
inn sakaferil að baki, meðal ann-
ars þrjá átján mánaða
fangelsisdóma.
Ellefu manns til viðbótar voru
sakfelldir vegna málsins í gær, en
tveir voru fundir sýknir. Þeim var
öllum gefið að sök að hafa tekið
við sviknum greiðslum á banka-
reikninga sína. Allir nema einn
eiga sakaferil að baki. Áður höfðu
fimm hlotið skilorðsbundna dóma
fyrir aðild að málinu.
stigur@frettabladid.is
Þriggja ára dóm fyrir
að stela 75 milljónum
Þrettán voru í gær sakfelldir fyrir aðild að svokölluðu Tryggingastofnunarmáli.
Höfuðpaurarnir, kona sem áður vann hjá stofnuninni og sonur hennar, hlutu
þriggja og eins árs fangelsisdóma. Konunni er gert að endurgreiða 75 milljónir.
Akureyri
Vík
Egilsstaðir
Selfoss
Hveragerði
Hafnarfjörður
Neskaupstaður
Grundarfjörður
Stykkishólmur
Súðavík
Ísafjörður
Akranes
Njarðvík
Sandgerði
Hreðavatnsskáli
Reykjavík
Þú sparar á Orkustöðvunum
Net Orkustöðvanna umhverfis landið þéttist sífellt til enn frekari
hagsbóta fyrir almenning. Kynntu þér hvar Orkustöðvarnar eru og
hvað bensínið er ódýrt þar.
SPÁÐU Í HVAÐ ÞÚ SPARAR!
www.orkan.is
D
Y
N
A
M
O
R
E
Y
K
JA
V
IK
SIMBABVE, AP Tendai Biti, stjórnar-
andstæðingur í Simbabve, var
handtekinn í gær í Harare. Hann
hefur búið utan lands í tvo mánuði.
Forsetaframbjóðandinn Morgan
Tsvangirai var einnig í haldi
lögreglu í stutta stund.
Biti verður ákærður fyrir
landráð og á dauðadóm eða
lífstíðarfangelsi yfir höfði sér.
Önnur umferð forsetakosninga,
á milli Tsvangirai og forsetans
Mugabe, fer fram 27. júní. - þeb
Tendai Biti til Simbabve:
Handtekinn við
komu til Harare
AFGANISTAN, AP 236 tonn af hassi
fundust í Afganistan á mánudag.
Talið er að um stærsta fíkniefna-
fund sögunnar sé að ræða.
Hassið fannst í suðurhluta
Kandahar og var brennt á
staðnum. Virði efnanna sem
fundust er rúmlega þrír milljarð-
ar íslenskra króna.
Með fíkniefnafundinum er sagt
að möguleikar talíbana á vopna-
kaupum hafi skerst til muna, og
að afganska lögreglan hafi sýnt
fram á getu sína til að sporna við
ólöglegum eiturlyfjum. Alvarleg-
asta eiturlyfjavandamál Afgana
snýr þó ekki að hassi heldur
ópíumi. - þeb
Fundu 236 tonn af hassi:
Stærsti fíkni-
efnafundurinn
ÞÝSKALAND, AP Hópur þýskra lög-
manna hefur stefnt þýsku ríkis-
stjórninni fyrir rétt til að krefjast
þess að hún fari fram á framsal
þrettán útsendara bandarísku
leyniþjónustunnar CIA vegna
gruns um að vera viðriðnir mann-
rán á þýskum ríkisborgara.
Kæran var lögð fram við stjórn-
sýsludómstól í Berlín og hefur að
markmiði að þvinga þýska innan-
ríkisráðuneytið til að krefjast
framsals á CIA-fulltrúunum sem
komu að máli Khalids al-Masri,
þýsks ríkisborgara af líbönskum
uppruna sem segist hafa verið
rænt við landamæri Serbíu og
Makedoníu í desember 2003. Hann
segir sér hafa verið haldið mánuð-
um saman föngnum í herstöð
Bandaríkjahers í Kabúl í Afgan-
istan þar sem hann hafi verið yfir-
heyrður og honum misþyrmt. Í
maí 2004 hafi síðan verið flogið
með hann til Albaníu. Þar hafi
honum verið sleppt og tjáð af
föngurum sínum að þeir hefðu
farið mannavillt.
„Við krefjumst þess að menn
axli ábyrgð á gerðum sínum,“
sagði Wolfgang Kaleck, talsmaður
lögmannahópsins.
Condoleezza Rice, utanríkisráð-
herra Bandaríkjanna, og aðrir full-
trúar Bandaríkjastjórnar hafa
neitað að ræða málið. Angela
Merkel, kanslari Þýskalands,
hefur hins vegar sagt að bandarísk
yfirvöld hafi viðurkennt að hafa
orðið á mistök í máli al-Masris. - aa
Stefna þýska ríkinu og krefjast framsals bandarískra leyniþjónustumanna:
CIA verði látin axla ábyrgð
KHALED AL-MASRI Hið líbansk-þýska
fórnarlamb „stríðsins gegn hryðju-
verkum“ fylgist með kynningu á nýju
lögsókninni í Berlín. FRÉTTABLAÐIÐ/AP
GAZA, AP Fjórir létust og fjörutíu
særðust í sprengjuárás á Gaza-
svæðinu í gær. Á meðal hinna
látnu voru fjögurra mánaða gömul
stúlka og unglingspiltur. Að sögn
AP fréttastofunnar varð spreng-
ingin á heimili hershöfðingja
Hamas-samtakanna.
Ísraelsmenn neita að hafa staðið
fyrir sprengjuárásinni. Hamas-
samtökin hafa skotið tugum
flugskeyta í hefndarskyni. - þeb
Sprenging á Gaza-svæðinu:
Ísraelar neita
sprengjuárás
GAZA Mikil örvænting greip um sig á
Gaza. FRÉTTABLAÐIÐ/AP
28 sagt upp
28 starfsmönnum JB byggingafélags
var sagt upp um síðustu mánaða-
mót. Hjördís Johnson, markaðs- og
upplýsingastjóri hjá Innova segir að
einhverjum verði boðið starf hjá Ris,
systurfélagi JB.
VINNUMARKAÐUR
LÖGREGLUMÁL Sérstök þjálfunar-
miðstöð fyrir lögregluhunda hefur
tekið til starfa. Um er að ræða
tímabundið samstarfsverkefni
embættis ríkislögreglustjóra og
lögreglunnar á Eskifirði. Mark-
miðið er að styrkja og efla þjálfun
og notkun lögregluhunda við lög-
gæslustörf.
Þjálfunarmiðstöðin er í Nes-
kaupstað, í umdæmi lögreglustjór-
ans á Eskifirði. Þar er öll æskileg
aðstaða til menntunar, þjálfunar
og æfinga til staðar. Þjálfunar-
miðstöðin þjónustar hundaþjálf-
ara lögreglu og Fangelsismála-
stofnunar. Hún verður í góðu
samstarfi við Tollgæslu varðandi
notkun fíkniefnaleitarhunda.
Steinar Gunnarsson, sem verið
hefur yfirþjálfari hjá Ríkislög-
reglustjóra, tekur nú við því sem
fullu starfi. Hann lætur jafnframt
af störfum sem varðstjóri við emb-
ætti lögreglustjórans á Eskifirði.
Hann mun sinna útköllum og fyrir-
fram skipulögðum verkefnum
tengdum fíkniefnaleitum í
umdæminu og í nærliggjandi
umdæmum. Þá er áfram lögð
áhersla á gott samstarf lögreglu
og tollgæslu, sérstaklega varðandi
fíkniefnaleit í Norrænu sem kemur
vikulega að landi á Seyðisfirði.
- jss
Samstarfsverkefni Ríkislögreglustjóra og lögreglu á Eskifirði:
Miðstöð fyrir lögregluhunda
HUNDUR ÞJÁLFAÐUR Steinar Gunnars-
son yfirþjálfari æfir lögregluhund.
Sérstakri þjálfunarmiðstöð fyrir lögreglu-
hunda hefur tekið til starfa.
Ert þú fylgjandi auglýsingum í
barnatímum í sjónvarpi?
Já 8,1%
Nei 91,9%
SPURNING DAGSINS Í DAG:
Stundar þú verðsamanburð?
Segðu þína skoðun á visir.is
TRYGGINGASTOFNUN Konan nýtti sér aðstöðu sína til að skrá tilhæfulausar end-
urgreiðslubeiðnir til fjölda fólks upp á fleiri milljónir. FRÉTTABLAÐIÐ/VILHELM
Rannveig Rafnsdóttir Þriggja ára
fangelsi og rúmlega 75 milljóna
greiðsla til TR
25 ára sonur Rannveigar Árs
fangelsi
23 ára karlmaður Árs fangelsi, þar
af 9 mánaða skilorð
25 ára kona Níu mánaða fangelsi,
þar af sex skilorðsbundnir
27 ára kona Sjö mánaða fangelsi
24 ára kona Sex mánaða fangelsi
28 ára karlmaður Sex mánaða
fangelsi
24 ára kona Sex mánaða fangelsi
23 ára karlmaður Sex mánaða
fangelsi
29 ára karlmaður Þriggja mánaða
fangelsi
25 ára karlmaður Tveggja mánaða
skilorð
24 ára kona Ákvörðun um refsingu
frestað
25 ára karlmaður Sekur en ekki
gerð refsing
Tveir voru sýknaðir
Fimm höfðu áður hlotið skilorðs-
bundna dóma.
SAKBORNINGARNIR
KJÖRKASSINN