Fréttablaðið - 13.06.2008, Blaðsíða 73
FÖSTUDAGUR 13. júní 2008 33
Sumardjass á Jómfrúnni hefur
göngu sína á morgun tólfta árið í
röð. Á fyrstu tónleikum sumarins
kemur söngkonan Andrea Gylfa-
dóttir fram með tríói Björns Thor-
oddsen. Auk Björns, sem leikur á
gítar, skipa tríóið þeir Jón Rafns-
son á kontrabassa og Jóhann Hjör-
leifsson á trommur. Eins og fyrri
ár er aðgangur á tónleikana ókeyp-
is, en þeir fara fram utandyra, á
Jómfrúartorginu, ef veður leyfir
en annars innanhúss. Tónleikarnir
hefjast klukkan 15 og lýkur klukk-
an 17.
Djassáhugafólk hefur til mikils
að hlakka í sumar. Í júní eru vænt-
anleg á Jómfrúartorgið Kvartett
Kristjönu Stefánsdóttur, sem mun
flytja blús af væntanlegri plötu
Kristjönu, og Kvartett Tómasar R.
Einarssonar sem flytur latín-jazz
úr smiðju bassaleikarans. Í júlí
munu hins vegar Sigurður Flosa-
son, sem jafnframt er umsjónar-
maður sumardjassins á Jóm-
frúnni, Tríó Ómars Guðjónssonar,
Kvartett Maríu Magnúsdóttur og
brasilíski söngvarinn Paulo Mala-
guti skemmta gestum Jómfrúar-
innar ásamt góðum hópi tónlistar-
fólks. - sun
Sumardjass hefst
tólfta árið í röð
DJASS Á JÓMFRÚNNI Veitingamaðurinn Jakob Jakobsson og tónlistarmaðurinn Sig-
urður Flosason, skipuleggjandi sumardjassins á Jómfrúnni, bjóða gestum upp á fría
djasstónleika á laugardögum í sumar, tólfta árið í röð. FRÉTTABLAÐIÐ/STEFÁN
Sonja Bent er ungur hönn-
uður sem útskrifaðist úr
fatahönnunardeild Listahá-
skóla Íslands í vor og hefur
vakið þó nokkra athygli
fyrir prjónaflíkur sínar.
„Tæknilega séð útskrifaðist ég í vor,
en ég kláraði lokaverkið mitt og
lokaritgerð í fyrra,“ segir Sonja
Bent, ungur hönnuður sem er nýlega
útskrifuð. Hún hefur aðeins hannað
kvenmannsflíkur hingað til en upp á
síðkastið hefur hún einnig verið að
prófa sig áfram með prjónaskyrtur
og bindi á karlmenn.
„Ég vil ekki takmarka mig á neinn
hátt í hönnun minni heldur geri ég
það sem mér dettur í hug hverju
sinni, í þetta skiptið voru það herra-
föt,“ segir Sonja um hönnun sína. Í
herralínu sinni blandar Sonja saman
garni og skyrtuefni en yfirleitt vinn-
ur hún aðeins með garn. „Ástæða
þess að ég notast við garn er sú að
garnið býður upp á svo marga mögu-
leika, maður er í raun að búa til sitt
eigið efni. Ég get sjálf ákveðið litina
og áferðina á efninu, ólíkt því þegar
maður vinnur með hefðbundna
vefnaðarvöru. Þar að auki finnst
mér prjónaflíkur vera mjög klæði-
legar,“ segir Sonja.
Síðasta sumar tók Sonja þátt í
Copenhagen fashion week og eftir
það hefur hún setið sveitt við að
prjóna. „Það eru margir sem hafa
sýnt hönnun minni áhuga, bæði hér
heima og erlendis. Ég hef þó ekki
getað sinnt öllum pöntunum hingað
til þar sem það eru aðeins ég og
mamma sem sitjum við prjónaskap-
inn. Ég kýs að prjóna sjálf því hönn-
unin er frekar flókin og er því mjög
dýr í framleiðslu,“ segir Sonja. Í
sumar vonast hún til að geta afgreitt
eitthvað af þeim fjölda pantanna
sem henni hafa borist og einnig að
koma frá sér nýjum vörum. „Ég tek
mér langt sumarfrí og ætti því að
geta einbeitt mér alfarið að hönnun
og framleiðslu,“ segir þessi ungi
hönnuður. Prjónaflíkur Sonju er
hægt að kaupa í Kirsuberjatrénu á
Vesturgötu 4 og Sirku á Akureyri,
áhugasamir geta einnig skoðað
heimasíðu hennar, www.sonjabent.
com. sara@frettabladid.is
Prjónar skyrtur og bindi
SONJA BENT Hefur vakið athygli fyrir prjónaflíkur sínar. FRÉTTABLAÐIÐ/STEFÁN
LÍFLEG Prjónabindin frá Sonju eru lífleg.
FÖTIN FRÁ SONJU ERU KLÆÐILEG OG
FALLEG Fallegur bolur og peysa frá
Sonju. FRÉTTABLAÐIÐ/PJETUR
Brynhildur er mikill meistari og einn auvirðulegur krítiker getur aðeins gert eitt frammi fyrir
henni; tekið hatt sinn ofan.
Jón Viðar Jónsson DV *****
Ég vil hvetja alla áhugamenn um íslenska menningu, íslenskar fornsögur og íslenska leiklist
að láta ekki undir höfuð leggjast að sjá þessa sýningu. Hún er listaverk hvar sem á hana er
litið.
Silja Aðalsteinsdóttir TMM
Mr. Skallagrímsson sýningaskrá:
lau. 14. júní kl. 15 uppselt
lau.. 21. júní kl. 15 uppselt
lau. 21. júní kl. 20 uppselt
fö. 27. júní kl. 20 aukasýning
su. 29. júní kl. 16 aukasýning
fö. 11. júlí kl. 20
lau. 12. júlí kl. 20
su. 13. júlí kl. 16
fi . 17. júlí kl. 20
fö. 18. júlí kl. 20
Brák sýningaskrá
lau. 14. júní kl. 20 60. sýning uppselt
lau. 28. júní kl. 15 Örfá sæti laus
lau. 28. júní kl. 20 uppselt
lau. 23. ágúst kl 15 og kl. 20
sun. 24 ágúst kl 16
fös. 29. ágúst kl 20
lau. 30. ágúst kl 15 og kl 20
lau. 6. sept kl 15 og kl 20 uppselt
sun. 7. sept kl 16
fi m. 11. sept kl 20
Tvenn Grímuverðlaun 2007:
Besti leikari í aðalhlutverki, besta íslenska handritið.
Þrjár Grímutilnefningar 2008:
Besta leikkona í aðalhlutverki, besta íslenska handritið,
besta leiksýning ársins
Þrjár Grímutilnefningar 2007:
Besti leikari í aðalhlutverki, besta íslenska handritið,
besta leiksýning ársins
Egilssýning og Landnámssýning Landnámsseturs eru opnar alla daga frá kl. 10 - 19. Veitingahúsið er opið alla daga frá 10 - 21
Miðapantanir og upplýsingar: Sími 437 1600 www.landnamssetur.is - landnamssetur@landnam.is