Fréttablaðið - 15.06.2008, Blaðsíða 11

SUNNUDAGUR 15. júní 2008 11
UMRÆÐAN
Jón Gunnarsson
skrifar um atvinnu-
mál
Á undanförnum ára-tugum hefur öfl-
ugur sjávarútvegur
fært okkur þær
útflutningstekjur og
þau tækifæri sem við
höfum notað til að
byggja hér upp öflugt samfélag.
Á sama tíma og við glímum við
tímabundinn aflasamdrátt hefur
tekist ótrúlega vel að auka verð-
mæti afurða og hagræða í rekstri
sjávarútvegsfyrirtækja. Það er
óhætt að fullyrða að sá árangur
setur okkur í fremstu röð meðal
sjávarútvegsþjóða. Það verður
að vera forgangsverkefni að
hlúa að sjávarauðlindum okkar
með auknum rannsóknum og
nýtingu samkvæmt ráðlegging-
um okkar vísindamanna.
Sóknarfæri okkar liggja í
orkuiðnaðinum, nýtingu á þeim
gríðarlegu náttúruauðlindum
sem liggja í landinu okkar og
jafna má við olíulindir annarra.
Þegar Jóhann Hafstein þáver-
andi iðnaðarráðherra sá að
draumsýnin um stórvirkjun í
Þjórsá og stóriðju í Straumsvík
varð að veruleika, flutti hann
þjóðinni þessi skilaboð:
„Og eigi er heldur virkjunar-
afl Þjórsár þorrið. Haldið verður
áfram fyrri áformum til þess að
skapa meiri orku. Glíman við
þessi vandamál er glíman við
framtíðina... En í raun og veru
erum við að glíma við vort eigið
land... Oss er ljóst að við megum
ekki ganga of nærri náttúru
landsins.“
Þetta er sú stefna sem sjálf-
stæðismenn fylgja vegna nýt-
ingar orkuauðlinda okkar, að
halda áfram að skapa atvinnu-
tækifæri að teknu tilliti til nátt-
úrunnar.
Störfum kastað á glæ
Við höfum nýverið náð þeim
merka áfanga að opna stærsta
þjóðgarð Evrópu, Vatnajökuls-
þjóðgarð. Hann ásamt öðrum
þjóðgörðum landsins nær yfir
um 20% af flatarmáli þess. Ef
við virkjum helstu jökulár og
háhitasvæði landsins fara um
2% þess undir orkumannvirki.
Einhversstaðar þarf að ná þeirri
sátt um þá nýtingu sem Jóhann
vitnaði til.
Það er sorglegt að fylgjast
með ráðamönnum og öðrum sem
kenna sig við náttúruvernd berj-
ast um á hæl og hnakka við að
stöðva framkvæmdir og drepa
niður hugmyndir að fram-
kvæmdum um uppbyggilega
atvinnustarfsemi út um landið.
Það hefur borið á þessu um nokk-
urn tíma í hvalveiðimálinu þar
sem rökstuðningurinn gegn veið-
um er tækifærissinnaður og
hefur ekkert með náttúruvernd
að gera. Nú er þetta að endur-
taka sig í orkugeiranum. Að
mestu leyti sama fólkið og sömu
vinnubrögðin. Það er sorglegt að
sjá menn fagna því þegar virkj-
anahugmynd sem búið er að eyða
milljarði í undirbúningsvinnu
við er slegin af. Hver er ábyrgð
þess fólks sem með vinnubrögð-
um sínum kastaði á glæ á fjórða
hundrað störfum í Straumsvík
og nú um þrjú hundruð hátækni-
störfum í Ölfusi? Helst finnst
manni sem þessi hópur hafi verið
í mjög vernduðu umhverfi og sé
hreinlega búinn að gleyma
uppruna okkar. Það
kann ekki góðri lukku
að stýra.
Röng skilaboð
Svokallað landsskipu-
lag hefur verið til
umræðu á Alþingi í
vetur. Ég hef miklar
efasemdir um réttmæti
þess að færa aukið vald
í skipulagsmálum frá
sveitarfélögum til
ráðuneyta. Heimafólk
er næmara fyrir aðstæðum sínum
og möguleikum. Í eldhúsdagsum-
ræðum á Alþingi lýsti ráðherra
ríkisstjórnarinnar því verkfæri
sem landsskipulag yrði fyrir
stjórnvöld til þess að halda óspilltri
náttúru áfram óspilltri. Þau orð
hræðist ég þannig að það verkfæri
verði notað enn frekar til þess að
draga úr möguleikum til fram-
kvæmda við virkjanir á auðlindum
okkar. Þessi sami ráðherra hafði
nokkrum dögum fyrr sagt í fjöl-
miðlum, eftir að Bitruvirkjun var
slegin af, að það þyrfti að hafa
áhyggjur af orkuskorti og að slegið
gæti í bakseglin hjá stórfyrirtækj-
um sem hygðu á starfsemi á
Íslandi.
Það eru ekki nema nokkur ár
síðan við leituðum logandi ljósi um
heimsbyggðina að fyrirtækjum
sem tilbúin væru að skoða Ísland
sem valkost fyrir starfsemi sína.
Alcoa kom á Reyðarfjörð og mörg
önnur spennandi tækifæri eru í
farvatninu. Hvaða skilaboð erum
við að senda þessum fyrirtækjum í
dag? Við erum að senda þau skila-
boð að best sé að koma ekki nálægt
Íslandi því hér sé svo mikil óvissa
og óeining þegar kemur að fram-
tíðarsýn í orku- og virkjanamál-
um. Það er verið að leggja margra
ára undirbúningsvinnu og mikil-
vægan árangur í stórhættu.
Skýr stefna
Stefna okkar sjálfstæðismanna
er og hefur verið skýr þegar að
þessum málaflokki kemur. Ef við
eigum að halda hér þeim góðu
lífskjörum sem tekist hefur að
byggja upp verðum við að auka
útflutning okkar. Sjávarútvegur
og orkuiðnaður eru þær greinar
sem byggja á innlendum auðlind-
um og munu áfram leggja grunn-
inn að útflutningi þjóðarinnar til
lengri tíma. Við verðum að
tryggja nýtingu náttúruauðlinda
okkar með þeim hætti að stór og
smá fyrirtæki fái traust rekstr-
arumhverfi og útflutningur auk-
ist jafnt og þétt.

Höfundur er þingmaður
Sjálfstæðisflokksins.
JÓN GUNNARSSON
Nýting auðlinda = atvinna
Við erum að senda þau skila-
boð að best sé að koma ekki
nálægt Íslandi því hér sé svo
mikil óvissa og óeining þegar
kemur að framtíðarsýn í orku-
og virkjanamálum.
SEND IÐ OKK UR LÍNU
Við hvetj um les end ur til að senda
okk ur línu og leggja orð í belg um
mál efni líð andi stund ar. Grein ar
og bréf skulu vera stutt og gagn-
orð. Ein göngu er tek ið á móti efni
sem sent er frá Skoð ana síð unni
á vis ir.is. Þar eru nán ari leið bein-
ing ar. Rit stjórn ákveð ur hvort efni
birt ist í Frétta blað inu eða Vísi eða
í báð um miðl un um að hluta eða
í heild. Áskil inn er rétt ur til leið-
rétt inga og til að stytta efni.