Fréttablaðið - 29.06.2008, Blaðsíða 2

2 29. júní 2008 SUNNUDAGUR
SAMGÖNGUMÁL Olíuflutningaskip-
ið Keilir, sem var eina slíka skipið
í eigu Íslendinga, var í sinni síð-
ustu ferð umhverfis landið í lið-
inni viku og er komið til Dan-
merkur þar sem nýir eigendur
hafa tekið við því.
„Þar með lauk þeim hluta í
íslenskri skipasögu,“ segir Hörð-
ur Gunnarsson, framkvæmda-
stjóri Olíudreifingar sem átti
skipið, sem var selt fyrir um mán-
uði.
„Það er mjög erfitt að vera að
gera út eitt skip og þurfa að reyna
að afla vinnu fyrir það 200 daga á
ári þar sem verkefnin hérlendis
taka ekki nema 110 til 120 daga á
ári,“ segir hann. „Einnig hefur
dregið úr verkefnum síðan olíu-
verð fór að hækka og hafa sífellt
fleiri útgerðarfyrirtæki byrjað
að nota svartolíu en við fluttum
lítið af svartolíu með Keili.“
Keilir hefur bæði flutt olíu til
fjölmargra staða á landsbyggð-
inni en einnig flutt olíu hingað til
lands frá Noregi og Svíþjóð. Þau
erlendu skip sem flytja olíu hing-
að eru of stór til að koma til hafn-
ar á fjölda þessara staða á lands-
byggðinni svo ekkert skip fer
með olíu þangað eins og staðan er
nú. „Við munum hugsanlega
leigja skip í staðinn fyrir Keili.
Við munum taka ákvörðun um
það á næstu tíu dögum,“ segir
Hörður.
„Þetta er dapurlegt,“ segir
Kristján Möller samgönguráð-
herra. Hann lýsti því yfir fyrir
nokkrum árum að honum væri
umhugað um að koma strand-
flutningum á þar sem þeir séu
þjóðhagslega hagkvæmir. „Ég er
ennþá áhugamaður um strand-
siglingar en helst hefði ég viljað
að þær gengju á markaðslegum
forsendum en ef svo er ekki verð-
ur að skoða aðrar leiðir,“ segir
hann.
Kristján segir að ekki sé að
vænta útboðs á ríkisstyrktum
strandflutningum.
„Það var gerð tilraun í fyrra til
að koma hér á alþjóðlegri skipa-
skrá og að koma til móts við skipa-
félög með skattaafslætti og slíku
en það var ekki hljómgrunnur
fyrir því hjá fyrirtækjunum þar
sem þetta gengi of skammt og
kæmi of seint.
Mér er hins vegar spurn hvort
vandi strandsiglinga hérlendis sé
sá að sömu aðilarnir skuli flytja
vöruna til og frá landinu og eiga
jafnframt tvö stærstu landsflutn-
ingafyrirtækin.“ Þar á hann við
Samskip og Eimskip.
jse@frettabladid.is
Ég er ennþá áhugamað-
ur um strandsiglingar
en helst hefði ég viljað að þær
gengju á markaðslegum forsend-
um en ef svo er ekki verður að
skoða aðrar leiðir.“
KRISTJÁN MÖLLER
SAMGÖNGURÁÐHERRA
Fjörið heldur áfram!
Tvær glænýjar bækur um krakkana í East High-skólanum sem
tilvaldar eru fyrir sumarfríið. Skólasöngleikurinn 2 byggir á
sjónvarpsmyndinni vinsælu og tómstundabókin Klappað og
klárt er stútfull af fróðleik, persónuleikaprófum og þrautum
tengdum East High-stjörnunum.
Síðumúla 28 • 108 Reykjavík • Sími 522 2000
Glænýjar
kiljur!
H
V
ÍT
A
H
Ú
S
IÐ
/
S
ÍA

LÍKNARMÁL „Skemmtu þér vel í kóngsins Köben. Við
biðjum að heilsa drottningunni,“ sagði Kristinn Krist-
insson, forseti Kiwanisklúbbsins Höfða í Grafarvogi,
þegar hann afhenti Rakel Árnadóttur 100.000 króna
styrk í Danmerkursjóð hennar. Eins og kom fram í
Fréttablaðinu í síðustu viku stendur Rakel, sem er
fötluð vegna heilalömunar (cerebral palsy), fyrir fjár-
söfnun til að komast í ferðalag til Danmerkur í
sumar.
Rakel var þeim Höfða-mönnum afar þakklát fyrir
þessa rausnarlegu aðstoð. Hún sagðist vera farin að
hlakka mikið til ferðarinnar, enda ein mesta áhuga-
manneskja um Danmörku á landinu.
Kristinn las umfjöllun Fréttablaðsins um söfnun
Rakelar. Klúbburinn ákvað í framhaldinu að veita
henni aðstoð. „Við sáum að þarna var á ferð Grafar-
vogsbúi sem þurfti á hjálp að halda. Það er okkur ljúft
og skylt að veita hana og gaman að Rakel komist í
draumaferðalagið sitt,“ segir Kristinn.
Höfði hefur starfað í átján ár og styrkir margvísleg
málefni í Grafarvogi og víðar. Klúbburinn er meðal
annars styrktaraðili sérnámsbrautar í Borgarholts-
skóla og umsjónaraðili barnaklúbbs í Engjaskóla, auk
þess að styðja dyggilega við langveik börn, sambýli
fatlaðra og ýmis félagasamtök. Meðlimir eru 32 tals-
ins og Kristinn hvetur alla sem hafa áhuga á starfi
klúbbsins að hafa samband og kynna sér málið. - kg
Kiwanisklúbburinn Höfði í Grafarvogi styrkir Rakel Árnadóttur til Danmerkur:
Biðja að heilsa drottningunni
STYRKUR Fulltrúar Kiwanisklúbbsins Höfða, þeir Jakob Marin-
ósson, Sigurður Pálsson, Kristinn Kristinsson forseti og Hjörleif-
ur Jónsson, afhenda Rakel styrk upp á 100.000 krónur.
fréttablaðið Valli
Ekkert olíuskip lengur
í eigu þjóðarinnar
Ekkert íslenskt olíuskip er lengur í eigu Íslendinga. „Dapurlegt“ segir sam-
gönguráðherra sem hefur löngum verið áhugamaður um strandsiglingar. Kafla
í íslenskri skipasögu er lokið segir framkvæmdastjóri Olíudreifingar.
OLÍUFLUTNINGASKIPIÐ KEILIR Síðasta olíuflutningaskip Íslendinga er nú komið til
Dana. Ekkert olíuflutningaskip kemst því til fjölmargra dreifingaraðila á landsbyggð-
inni eins og staðan er í dag.
Margrét, skorarðu á alla?
„Já, ég skora á alla sem mark er
á takandi að setja mark sitt á leik
landsliðsins og mæta á völlinn.“
Margrét Lára Viðarsdóttir knattspyrnu-
kona hefur skorað í öllum sjö leikjum
íslenska landsliðsins í undankeppni EM
og þrettán mörk í þeim átta landsleikjum
sem hún hefur spilað á árinu.
LÖGREGLUMÁL „Hér hafa greinilega
verið sjúkir menn að verki,“ segir
Einar Friðþjófsson, framkvæmda-
stjóri Shell-mótsins í knattspyrnu.
Tjald með aðstöðu fyrir keppnislið
ÍBV á mótinu, fjölskyldur og
þjálfara var lagt í rúst við
Týsheimilið inn við Hásteinsvöll
snemma í gærmorgun. Ekki var
snert á tjaldi KR-inga, sem stóð
við hliðina á ÍBV-tjaldinu.
Í fyrrinótt var slegið upp
dansleik fyrir fararstjóra og
foreldra keppenda á mótinu.
Tjaldið umrædda stóð enn þegar
ballinu lauk um þrjúleytið. Einar
segir ekki vitað hverjir voru að
verki. - kg
Skemmdarverk á Shell-móti:
Tjald lagt í rúst
í skjóli nætur
SKEMMDARVERK Tjald ÍBV liggur niðri.
KR-tjaldið stendur enn.
MYND/ÓSKAR PÉTUR FRIÐRIKSSON
LÖGREGLUMÁL Lögreglumenn höfðu
í nógu að snúast á svokölluðum
Hamingjudögum í Hólmavík
aðfaranótt laugardags. Mikið var
um ölvun, bæði meðal unglinga og
fullorðinna. Nokkuð bar á slags-
málum og sérstaklega sló í brýnu
milli heimamanna á svæðinu og
aðkomumanna.
„Lögreglumenn voru töluverð-
an tíma að stilla til friðar á milli
hópanna og þurfti að keyra fjóra
menn til síns heima“ segir lög-
reglumaður á svæðinu. Engin
alvarleg mál komu þó til kasta lög-
reglu. - ges
Óhamingja á hamingjudögum:
Ölvun og átök
VIÐSKIPTI Baugur mun á næstunni
flytja einhver íslenskra félaga
sinna úr landi. Þetta staðfesti Jón
Ásgeir Jóhannesson, starfandi
stjórnarformaður Baugs, í viðtali
í sunnudagsblaði Morgunblaðsins.
Jón Ásgeir segist einnig muni
segja sig úr stjórnum allra félaga
Baugs sem verða áfram innan-
lands innan fjögurra mánaða.
Þá segist Jón Ásgeir vera að
íhuga að fara í skaðabótamál
gegn ríkinu. Hann segir Jóhannes
föður sinn harðákveðinn í að fara
í skaðabótamál, enda hafi hann
þurft að ganga í gegnum Baugs-
málið í fimm ár. - kg
Jón Ásgeir Jóhannesson:
Baugur flytur
félög úr landi
VERSLUN Verslunarkeðjan Ilva í
Bretlandi hefur verið lýst
gjaldþrota og hefur þremur
verslunum keðjunnar þar verið
lokað. Ómar Scheving, fram-
kvæmdastjóri Ilva á Íslandi, segir
að gjaldþrotið hafi engin áhrif á
starfsemina á Norðurlöndum.
Fyrirhugað er að opna útibú
Ilva á Korputorgi í haust. „Þetta
eru tvö fyrirtæki rekin í Bretlandi
og Skandinavíu og það er verið að
loka verslununum í Bretlandi,“
segir Ómar.
Ilva er upprunalega dönsk
húsgagnakeðja sem hefur starfað
í áratugi á Norðurlöndum en
aðeins í rúm tvö ár í Bretlandi.
- ghs
Verslunarkeðjan Ilva:
Opnar hér þrátt
fyrir gjaldþrot
Pylsuþjófnaður mistókst
Unglingspiltar voru gripnir glóðvolgir
við að brjótast inn í pylsuvagn á
Akureyri aðfaranótt laugardags. Þeir
höfðu ekkert upp úr krafsinu og þykir
málið upplýst.
LÖGREGLUFRÉTTIR
TYRKLAND Tyrkneskur fjárglæfra-
maður á flótta undan réttvísinni í
Þýskalandi var handtekinn eftir
að lögregla þekkti andlit hans á
ljósmynd í dagblaði. Á myndinni,
sem var tekin á bar í München,
sást maðurinn skemmta sér yfir
knattspyrnuleik með landsliði
Tyrkja.
Lögreglumenn sem rannsökuðu
fjársvikamál mannsins þekktu
andlit hans umsvifalaust á
myndinni. Ljósmyndarinn sagði
þeim hvar umræddan bar væri að
finna. Er maðurinn var handtek-
inn sagðist hann hreinlega ekki
hafa getað staðist að kíkja á
barinn og horfa á leikinn. - kg
Knattspyrnuóður glæpon:
Náðist vegna
fótboltaáhuga
ORKUMÁL Reykjavík Energy
Invest, REI, hefur samið við
Alþjóðabankann um koma að fjár-
mögnun hagkvæmniathugunar í
Djibútí með fjögurra milljóna
Bandaríkjadala framlagi. Könnuð
verður hagkvæmni þess að virkja
jarðhita í Djibútí.
Kjartan Magnússon, stjórnar-
formaður Orkuveitu Reykjavíkur
og REI, segir að verið sé að skoða
frekari fjármögnunarmöguleika,
fyrirtækið sé í viðræðum við ýmsa
sjóði og alþjóðastofnanir. Hann
nefnir sem dæmi Evrópska fjár-
festingabankann.
Hagkvæmniathugunin er þegar
hafin en stefnt er
að því að fara í
útboð í haust og þá
á fjármögnunin að
liggja fyrir fyrir.
„Ef verkefnið
tekst ekki þá fell-
ur þetta framlag
niður en ef verk-
efnið tekst vel þá
hefur Alþjóða-
bankinn rétt til að
breyta þessu framlagi í hlutafé,“
segir hann.
Ekki er vitað til fulls hvað hag-
kvæmnisathugunin kemur til með
að kosta. Segja má að hún sé að
hluta til hafin en aðalkostnaðurinn
liggur í borunum og borunarútboð
á sér stað um þessar mundir.
Kjartan segir að kostnaðurinn við
athugunina komi í ljós.
„Alþjóðabankinn er fyrsti aðil-
inn í þessum geira sem er tilbúinn
til að koma með okkur í þetta verk-
efni og það er ánægjulegur árang-
ur út af fyrir sig,“ segir hann.
„Markmið okkar er að vera ekki
með mikla áhættu í verkefnum.“
Gísli Marteinn Baldursson borg-
arfulltrúi segir að fyrri yfirlýs-
ingar standi, Orkuveitan eigi að
draga sig út úr þessum verkefn-
um. - ghs
KJARTAN
MAGNÚSSON
REI semur við Alþjóðabankann um fjármögnun hagkvæmnisathugunar í Djibútí:
Fær fjórar milljónir dollara
SPURNING DAGSINS