Fréttablaðið - 29.06.2008, Blaðsíða 70
30 29. júní 2008 SUNNUDAGUR
HVAÐ SEGIR MAMMA
„Ég er mjög stolt af henni. Hún
er baráttukona. Hún er mjög
tapsár og það er ekki hægt að
ræða leikinn við hana, hún vill
helst bara loka sig af. En hún
fer af fullum krafti í hvern leik.
Númer eitt, tvö og þrjú er að
vinna leikinn.“
Guðrún Valdís Arnardóttir, móðir Söru
Bjarkar Gunnarsdóttur, landsliðskonu, en
Sara skoraði fyrsta mark Íslendinga gegn
Grikkjum á fimmtudag.
Hvað er að frétta?
Allt gott að frétta, mikið að gera, mikil sól
og lautarferð í aðsigi.
Augnlitur: blár.
Starf: Myndlistarmaður og rek einnig Gall-
erí Íbíza Bunker með Sigríði T. Tulinius.
Fjölskylduhagir: Er í sambandi.
Hvaðan ertu?
Ég er fædd og uppalin í Reykjavík og hef
búið í sama húsi í miðbænum alla ævi
fyrir utan þann tíma sem ég hef búið
erlendis.
Ertu hjátrúarfull?
Nei, alls ekki, að einu undanskildu: ég
naglalakka mig aldrei áður en ég fer út að
skemmta mér því ég er sannfærð um að
þá verði kvöldið leiðinlegt.
Uppáhaldssjónvarpsþátturinn: Í augna-
blikinu er það Desperate Housewifes og
Secret Rulers, sem fjallar um samsæris-
kenningar.
Uppáhaldsmatur: Mexikóskur og taílensk-
ur matur. Ég varð háð grænmetis burrito
eftir að hafa búið í San Fransisco og núna
fæ ég ekki nóg af chili í taílenskum mat.
Fallegasti staðurinn: Hrísey.
iPod eða geislaspilari: iPod.
Hvað er skemmtilegast?
Í sumar er skemmtilegast að fara í lautar-
ferð með gott nesti og góðan félagsskap.
Hvað er leiðinlegast?
Að vaska upp.
Helsti veikleiki: Þrjóska.
Helsti kostur: Ég er mjög ákveðin.
Helsta afrek: Að opna Gallerí Íbíza
Bunker.
Mestu vonbrigðin: Að eiga ekki hund.
Hver er draumurinn?
Að geta lifað á listinni.
Hver er fyndnastur/fyndnust?
Jóhanna vinkona mín. Hún er
stórskemmtileg og kann að
hafa það gaman.
Hvað fer mest í taugarnar
á þér?
Hvað allt er ótrúlega dýrt á
Íslandi og þá sérstaklega
matur.
Hvað er mikilvægast?
Að standa með sjálfri sér og
njóta dagsins í dag.
HIN HLIÐIN RAGNHEIÐUR KÁRADÓTTIR MYNDLISTARKONA OG GALLERÍREKANDI
Sumarið er tími fyrir lautarferðir
18.04.1984
Stuttmyndin Dog, eftir Íslendinginn Her-
mann Karlsson, er nú sýnd á kvikmynda-
hátíðinni í Los Angeles. Önnur stuttmynd,
sem hann gerði ásamt meðeiganda sínum í
fyrirtækinu Igloo Animations, var sýnd á
kvikmyndahátíðinni í Edinborg í gær. Her-
mann hefur verið búsettur ytra undanfar-
in ár, en hann lauk mastersnámi í animat-
ion frá Edinburgh College of Art í desember
2006. „Ég stofnaði svo Igloo í febrúar með
skólabróður mínum, Trevor Courtney,“
útskýrir Hermann.
Stuttmyndin Dog, sem fjallar um dauða
hunds, var hluti af mastersnámi Her-
manns, en hún hefur farið ansi víða að und-
anförnu. Dog var sýnd á kvikmyndahátíð-
inni í Reykjavík í fyrra, fór á Sundance
hátíðina, á Annecy, helstu animation-hátíð í
heimi, og er nú í Los Angeles, svo eitthvað
sé nefnt. Í gær sýndu Hermann og Trevor
svo stuttmynd sína The Right to Privacy á
kvikmyndahátíðinni í Edinborg, og er hún
hluti af heimildarmyndaseríunni The New
Ten Commandments, sem Alice Nelson
leikstýrir. „Það er tíu mynda sería, þar sem
við teiknum einn hluta. Það tók alveg um
tvo og hálfan mánuð að vinna hana. Ég hef
ekki enn séð endanlega útgáfu af mynd-
inni, svo það verður spennandi,“ segir Her-
mann.
Igloo Animations tekur að sér ýmiss
konar verkefni, bæði við „animation“, gerð
svokallaðra „story-board“ og fleira, auk
þess sem Hermann og Trevor gera sínar
eigin myndir. „Það er margt í bígerð, sem
ég get varla sagt frá núna. Við erum til
dæmis í hugmyndavinnu fyrir teiknaða
senu í amerískri bíómynd,“ segir Hermann
leyndardómsfullur. - sun
Stuttmynd Hermanns fer víða
ANIMATION-MEISTARI
Hermann Karlsson fór í
mastersnám í animation
til Edinborgar, þar sem
hann rekur nú fyrirtækið
Igloo Animations.
MYND/HERMANN KARLSSON
Veturinn 2004 sá Villi Naglbítur
um bingóþátt á Skjá einum. Auk
þess að spila bingó í beinni bauð
Villi upp á þann möguleika að
fólk gæti valið sér dót og fengið
það ef það húðflúraði mynd af
því á sig. Mörg hundruð manns
sóttu um en aðeins fáir komust að
í þáttunum sem voru gerðir.
„Þetta var fyrsta tattúið mitt
og kom eiginlega af stað hálf-
gerðri fíkn hjá mér,“ segir Ingi
Einar Jóhannesson. „Ég hef feng-
ið mér tattú árlega í afmælisgjöf
síðan.“
Ingi lét flúra forláta Guild Blu-
esbird gítar á úlnliðinn á sér.
„Síðan hef ég fengið mér tvo gít-
ara í viðbót og látið flúra myndir
af þeim báðum megin við fyrsta
gítarinn. Ég vildi ekki skilja hina
gítarana útundan, enda eru þeir
miklar tilfinningaverur þessir
gítarar. Á hinum úlnliðum eru
svo komnir upphafsstafir fjöl-
skyldumeðlima svo ég gleymi
ekki hvað þeir heita.“
Sambýlingarnir Þórður Sig-
mundsson og Birna Baldursdótt-
ir sem búa á Akureyri mættu
hvort í sinn þáttinn og fengu tattú
á ökklann. Þórður fékk sófa en
Birna sjónvarp. „Þetta er ótrú-
lega fínn sófi og það er alls engin
eftirsjá. Þetta er besta tímakaup
sem ég hef haft,“ segir Þórður.
„Sjónvarpið er reyndar farið að
láta á sjá og við erum alltaf á leið-
inni með að láta fjarlægja tattúið
af Birnu. Ég er alltaf í sokkum
svo þetta böggar okkur ekkert en
svona lagað gengur ekki á kven-
fólki. Við vorum búin að panta
tíma í Domus Medica til að láta
fjarlægja sjónvarpið með leysi-
meðferð en komumst svo ekki
suður.“
Umsjónarmaðurinn Villi segir
að eitt fallegasta augnablikið í
sögu þáttanna hafi verið þegar
Guðni Hjörvar Jónsson, þá leik-
maður hjá Snerti á Kópaskeri, lét
húðflúra á sig fótboltamark til að
fá mörk á völlinn norður á Kópa-
skeri.
„Ég fékk eitt mark á hægri
kálfann en fékk sem betur fer tvö
alvöru mörk norður enda hefðum
við lítið haft að gera með bara
eitt mark,“ segir Guðni. „Mörkin
eru ennþá á vellinum eftir því
sem ég best veit en sjálfur er ég
fluttur suður. Snörtur er ekki að
spila í neinni deild, en menn eru
eitthvað að leika sér samt. Mark-
ið minnir mig á góða tíma á Kópa-
skeri og það er gott til þess að
vita að mörkin séu til staðar fyrir
krakkana.“
„Hugmyndin kom nú upp úr
algjörum misskilningi af því að
ég er svo lélegur í dönsku,“ segir
Villi. Hann fékk þessa framúr-
stefnulegu hugmynd eftir að hafa
horft á danskan bingóþátt. „Þar
var einhver sem vann sófa og var
að fá sér tattú á sama tíma, en ég
tengdi þetta svona saman. Það
hristu allir hausinn yfir hug-
myndinni fyrst en svo var hún
bara samþykkt. Mér skilst að það
þyki töff í dag að vera með svona
skrítin tattú í staðinn fyrir eitt-
hvað træbal-rugl. Sjálfur er ég
ekki með neitt tattú.“
gunnarh@frettabladid.is
VILLI NAGLBÍTUR: FRAMÚRSTEFNULEG HUGMYND VAR SAMÞYKKT
Tattúfólk úr bingóþætti Villa nagl-
bíts ber húðflúr sitt enn með stolti
OG ÞAÐ VAR MARK! Guðni Hjörvar Jónsson reddaði Kópaskeri mörkum.
FRÉTTABLAÐIÐ/ARNÞÓR
ÞRÍR GÍTARAR Inga Einari Jóhannessyni
þykir vænt um fjalirnar sínar.
FRÉTTABLAÐIÐ/VILHELM
MISSKILDI DANSKAN BINGÓÞÁTT
Villi Naglbítur fékk tattú-hugmyndina
samþykkta.
Hafdís Vigfúsdóttir flautuleikari
býður vinnustöðum upp á ókeypis
tónleika í júní og júlí í samstarfi
við Hitt húsið. Hafdís vann líka
við skapandi sumarstörf í
fyrrasumar með píanóleikaranum
Kristjáni Karli Bragasyni. „Í
fyrra buðumst við til að spila í
heimahúsum en núna langaði mig
að prófa vinnustaði í Reykjavík.
Ég er reyndar bara búin að fara á
einn vinnustað en fer á tvo í dag.
Ég hef fengið mjög góð við-
brögð.“
Hún segir tónleikana tilbreyt-
ingu. „Það var almenn ánægja
meðal fólksins að fá smá uppbrot
í vinnudaginn. Seinast spilaði ég í
matartímanum, en í dag held ég
bara litla tónleika. Ég vil frekar
gera það. Þá getur fólk hvílt sig
og hlustað betur.“ Hún spilar alls
konar sólótónlist; barokk, klassík,
tuttugustu aldar tónlist, argentísk
og japönsk verk.
Hafdís segir klassíska tónlist í
sókn, sem sést á fjölda tónleika-
raða og ungs hæfileikaríks fólks
sem menntar sig í klassík, heima
og heiman. Sjálf lærir hún í
Frakklandi. Hún telur áhuga á
klassískri tónlist þar útbreiddari
en hér. „En Íslendingar eru að
sækja í sig veðrið.“
Meðfram vinnustaðatónleikun-
um er Hafdís að spila í kirkjum
og listasöfnum, en stefnir út á
landsbyggðina þegar skapandi
sumarstarfinu lýkur í ágúst.
Hægt er að bóka tónleika með
tölvupósti á hafdisvaff@hotmail.
com. -kbs
Flautuleikur
í vinnunni
SPILAR FYRIR VINNANDI STÉTTIR Hafdís
Vigfúsdóttir flautuleikari sækir vinnu-
staði heim. FRÉTTABLAÐIÐ/VILHELM
Opið í dag
frá 12 - 18