Fréttablaðið - 08.08.2008, Blaðsíða 36

8. ÁGÚST 2008 FÖSTUDAGUR2 ● fréttablaðið ● skólar og námskeið
Kennsla í meistaranámi í tón-
smíðum hefst við Listaháskóla
Íslands í haust. Verður það í
fyrsta sinn sem meistaranám í
listum er kennt á Íslandi.
„Þessi meistaragráða saman-
stendur annars vegar af rann-
sóknum og hins vegar af tónsköp-
un. Þetta er svokallað rannsókn-
arbundið meistaranám þar sem
nemendur leggja fram ákveðna
hugmynd um hvað þeir vilja
taka til rannsókna og nýta til tón-
sköpunar eða listrænnar vinnu,“
segir Kjartan Ólafsson, prófess-
or í tónsmíðum og tónfræði við
Listaháskóla Íslands, um nýtt
meistaranám í tónsmíðum sem
hefst við skólann í haust. Verður
það í fyrsta sinn sem meistara-
nám í listum er kennt á Íslandi.
Hann bætir við að hægt sé að
rannsaka allt sem tengist tón-
sköpun. Til dæmis íslensk þjóð-
lög og ýmis fyrirbrigði sem
tengjast tónlist og eru oft for-
sendur tónsköpunar. „Hugmynd-
in er sú að með þessu sé í raun-
inni verið að opna fyrir fleiri
möguleika til tónsköpunar. Lista-
háskólinn nýtir sér þá aðstöðu
sem hann er í til að geta boðið
upp á rannsóknartengt meist-
aranám, meðal annars í sam-
vinnu við aðrar deildir skólans
sem skapar honum aftur algjöra
sérstöðu í alþjóðaháskólasamfé-
lagi.“
Aðspurður segir Kjartan mikla
þörf hafa verið fyrir meistara-
nám í tónsmíðum á Íslandi. „Við
ætlum samt ekki að byrja með of
stóran hóp, því við teljum að það
sé betra að hlutfallið sé í sam-
ræmi við þann fjölda sem stund-
ar bachelor-námið.“
Hann bendir á að stefnt sé að
því að meistaranámið verði snar
þáttur í starfsemi skólans því
þannig muni alþjóðasamstarf
aukast. „Mikil áhersla er lögð á
alþjóðasamstarf af hálfu Lista-
háskólans. Með tilkomu skól-
ans opnuðust tækifæri til að
staðla námið og samræma það
evrópsku menntakerfi og öðlast
þannig viðurkenningu bæði hér á
landi og alþjóðlega. Nú er hægt
að stunda nám að hluta til í sam-
vinnu við aðra listaháskóla sem
gefur náminu hér aukið vægi
og meira alþjóðlegt gildi,“ segir
Kjartan en margir tónlistarnem-
ar hafa þar til nú farið utan því
námsframboðið hefur verið tak-
markað.
- mmf
Nýjung í listnámi á Íslandi
Kjartan Ólafsson segir Listaháskóla Íslands skapa sér algjöra sérstöðu í alþjóða-
háskólasamfélaginu því með nýtilkomnu meistaranámi í tónsmíðum sé hægt að
vinna með öðrum deildum að rannsóknum. Alþjóðasamstarf muni einnig eflast með
tilkomu námsins. FRÉTTABLAÐIÐ/ARNÞÓR
Hver vill ekki læra að skrifa
skemmtilegan texta? Skapandi
skrif er heiti á námskeiði hjá Rope
joga-setrinu í Listhúsinu í Laugar-
dal og leiðbeinandi er rithöfund-
urinn Þorvaldur Þorsteinsson.
Skapandi skrif er sextán stunda
námskeið sem skiptist á fjög-
ur kvöld. Það fyrsta er 18. ágúst
og síðasta 29. sama mánaðar. Þar
miðlar Þorvaldur af reynslu sinni
og leggur sérstaka áherslu á mikil-
vægi sögunnar í daglegu lífi okkar
allra, að því er fram kemur í nám-
skeiðslýsingu.
Þar stendur líka: „Á námskeið-
inu kynni ég til sögunnar einföld
en notadrjúg verkfæri fyrir þátt-
takendur að nýta til eigin skrán-
ingar og sköpunar, þar sem til-
gangurinn er fremur að skerpa
eigin meðvitund og upplifanir
fremur en skapa stórvirki á bók-
menntamarkaði – þó slíkt sé vissu-
lega velkomið í leiðinni.“ - gun
Með ríkri áherslu á
mikilvægi sögunnar
Listamaðurinn Þorvaldur Þorsteinsson
leiðir fólk inn í heim skapandi skrifa.
FRÉTTABLAÐIÐ/VALLI
Pálmi Guðmundsson ljósmynd-
ari heldur alls kyns ljósmynda-
námskeið fyrir byrjendur jafnt
sem lengra komna.
„Næsta námskeið hefst 18.
ágúst næstkomandi og svo byrja
námskeiðin á fullu í haust, í sept-
ember,“ segir Pálmi.
„Vinsælasta námskeiðið hjá
okkur er þriggja daga ljós-
myndanámskeið. Þar er farið
ítarlega yfir allar helstu still-
ingar á myndavélinni, tekin
eru fyrir helstu atriði varðandi
linsur og filtera, nemendur fá til-
sögn í hvernig á að búa til einfalt
og ódýrt heimastúdíó og margt
fleira.“
Að sögn Pálma fara námskeið-
in fram í Mosfellsbæ, nánar til-
tekið við Völuteig 8. „Ég hef bent
nemendum á hversu góð stað-
setningin er, því það er svo mikil
kyrrð á þessum stað; engin um-
ferð.“
Allar nánari upplýsingar um
námskeiðin, skráningu og um-
sagnir nemenda er hægt að finna
á heimasíðunni www.ljosmynd-
ari.is.
- stp
Einfalt og ódýrt heimastúdíó
Á þriggja daga námskeiði eru gefin góð ráð um hvernig ná megi betri myndum við
ýmsar aðstæður. MYND/PÁLMI GUÐMUNDSSON
Pálmi býður upp á alls konar áhugaverð námskeið. MYND/PÁLMI GUÐMUNDSSON
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
FYRRVERANDI NEMENDA NTV
SÖGÐUST MYNDU MÆLA MEÐ
NÁMINU VIÐ AÐRA*
Upplýsingar og skráning:
544 4500 / www.ntv.is
*Samkvæmt markaðsrannsókn meðal 1000 fyrrverandi nemenda apríl 2008
Venjulegt fólk
í óvenjulegum aðstæðum
Kannt þú skyndihjálp?
Rauði kross Íslands býður upp á vönduð og gagnleg námskeið í skyndihjálp
sem eru sniðin að þörfum einstaklinga, hópa eða fyrirtækja. Námskeiðin eru
fjölbreytt, allt frá 4 og upp í 16 kennslustundir. Hvort sem þú vilt fá þjálfun
fyrir starfsfólk þitt, betrumbæta öryggismál á vinnustað eða þig einfaldlega
langar til að geta komið öðrum til bjargar, þá höfum við námskeið handa þér.