Fréttablaðið - 08.08.2008, Blaðsíða 74
38 8. ágúst 2008 FÖSTUDAGUR
BADMINTON Ragna Ingólfsdóttir hefur verið
litin hornauga í veislum í mörg ár. „Ég borða
aldrei sykur og ekkert rugl. Með árunum er
fólk farið að skilja þetta og segir: Jæja, hún er
nú einu sinni að fara á Ólympíuleikana,“ sagði
Ragna brosandi en hún hefur alltaf tekið
mataræði sitt alvarlega.
Eitt af tilhlökkunarefnum hennar á Ólymp-
íuleikunum verður að upplifa menninguna,
fjölþjóðleikann, Ólympíuþorpið og ekki síst
matartjaldið þar sem er hægt að fá allt sem
hugurinn girnist. Eitt af því eru hamborgarar
frá McDonalds sem er einn af aðalstyrktarað-
ilum Ólympíuleikanna.
„Stelpan sem vann í einliðaleik kvenna í
Aþenu fékk sér víst McDonalds fyrir leikinn,“
sagði Ragna sem ætlar þó ekki að leika þann
leik eftir. „Ég borða ekki svona rusl,“ sagði
Ragna glottandi. Hún hefur þess í stað nærst á
kjöti, grænmeti og ávöxtum auk próteins,
vítamíns og steinefna.
Gæti verið gaman á ÓL
Við Ragna tylltum okkur niður í TBR-húsinu
þar sem hún hefur eytt óteljandi klukkutímum
við æfingar um ævina. „Ég byrjaði að æfa átta
ára og fylgdist með Elsu Nielsen, Brodda
Kristjánssyni og Árna Þór Hallgrímssyni,“
segir Ragna en þau kepptu öll á Ólympíuleik-
unum í Barcelona árið 1992. „Þegar ég var 10
ára datt mér í hug að það gæti verið gaman að
fara á Ólympíuleika,“ sagði Ragna sem
upplifir þetta „gaman“ nú en það var árið
1993.
„Ég hef alltaf tekið badmintonið fram yfir
allt, eða nánast. Ég sleppti árshátíðum fyrir
æfingar og ég hef varla sleppt æfingu frá því
ég var tíu ára. Ég drekk ekki og djamma lítið.
Þetta er algjörlega þess virði, Ólympíuleikar
eru hápunktur lífs míns til þessa,“ segir
afrekskonan ákveðin.
Nálægt Aþenu
Ragna var nálægt því að komast á leikana
2004 í Aþenu með Söru Jónsdóttur í tvíliða-
leik. „Við vorum númer 24 á heimslistanum og
parið sem komst síðast inn var númer 22. Það
var grátlegt,“ sagði Ragna sem hafði þá æft í
tvö ár fyrir leikana. Nú má segja að hún hafi
æft í sex ár fyrir Peking.
„Ég æfi öðruvísi núna en áður. Ég æfði
mikið badminton fyrir síðustu leika, alltaf
tvisvar á dag. Núna er ég eldri og reyndari og
þarf kannski ekki að æfa nema einu sinni á
dag. Ég geri þess í stað alls kyns styrktaræf-
ingar, jafnvægisæfingar, hjóla, lyfti eða hleyp.
Það er gott að brjóta þetta aðeins upp til að fá
ekki leiða,“ sagði Ragna sem hefur raunar átt
í erfiðleikum með að finna nógu krefjandi
andstæðinga á Íslandi. Því hefur hún leitað til
stráka.
„Það hefur verið skortur á því að spila við
bestu stelpurnar. Við fáum alltaf einhvern til
að koma og æfa með mér. Stundum eru það
strákar, ég vinn ekki þá bestu en næ að spila
ágætlega á móti þeim. Hnéð er aðeins að
trufla mig, ég er að passa að vera ekkert að
meiðast í einhverju kæruleysi rétt fyrir
Ólympíuleikana. Ég er aðeins að hlífa því
núna. Það væri ekkert spes að meiðast rétt
fyrir leikana,“ sagði Ragna og brosti.
Spila upp á meiðslin
Þrátt fyrir stífar æfingar ítrekar hún að
badminton sé henni ekki allt. „Ég verð að gera
eitthvað annað líka og kúpla mig út úr þessu.
Ég er ekki að skoða mótherja á myndböndum
allan daginn eða æfa grip. Ég er ekkert
badmintonnörd,“ sagði Ragna.
Hún fór út síðasta dag júlímánaðar og
keppir hinn 9. ágúst við japanska stúlku sem
er ofarlega á heimslistanum. Ragna veit sem
er að andstæðingurinn mun spila upp á hnéð
þar sem hún sleit krossbönd á síðasta ári. „Það
er auðvitað ekkert spes fyrir mig,“ sagði
Ragna sem breytti algjörlega um leikstíl eftir
að hún byrjaði aftur.
„Ég spila miklu hægar og reyni að staðsetja
boltann miklu nákvæmar en áður. Ég er ekki
jafn góð og ég var fyrir meiðslin,“ sagði
Ragna sem ætlar í aðgerð eftir leikana til að
vinna endanlega bug á meiðslunum. Hún mun
taka sér gott frí frá badmintoniðkun eftir
leikana.
„Ég held að það sé nauðsynlegt,“ segir
Ragna sem er að læra heimspeki og sálfræði í
Háskóla Íslands. Hún tók sér ársfrí þar sem
hún hafði einfaldlega ekki tíma í námið en
mun hella sér í lesturinn eftir aðgerðina. Auk
þess hefur hún lokið einkaþjálfaraprófi.
Stefnir á London 2012
Ragna segir að allt snúist þetta um að toppa á
réttum tímapunkti. Hún lítur á leikana í
Peking ekki síst sem gott tækifæri til að
öðlast dýrmæta reynslu. „Árni vann einn leik
á Ólympíuleikunum 1992 og ég stefni á að
gera betur. Ég stefni líka á næstu leika og
ætla að ná einhverju góðu sæti. Annars verður
þetta bara svakaleg upplifun, það er svo
margt að upplifa. Ég kemst í þvílíkan fíling
þegar ég hugsa um þetta og ég get ekki
beðið,“ sagði Ragna.
hjalti@frettabladid.is
FR
ÉT
TA
B
LA
Ð
IÐ
/A
U
Ð
U
N
N
Ég er ekkert badmintonnörd
Rögnu Ingólfsdóttur datt fyrst í hug að það gæti verið gaman að keppa á Ólympíuleikum þegar hún var tíu
ára. Fimmtán árum síðar er hún að upplifa drauminn eftir að hafa tekið ástríðu sína fram yfir flest eins og
hún lýsir í viðtali við Hjalta Þór Hreinsson. Hún keppir fyrst íslensku keppendanna í Peking á laugardag.
PEKING 2008 Ólíkt Grikkjum, sem
voru á allra síðustu stundu að und-
irbúa Ólympíuleikana fyrir fjór-
um árum síðan, er allt löngu tilbú-
ið hér í Peking. Kínverjar eru
búnir að reisa gríðarlega glæsileg
mannvirki og leggja allt undir til
þess að gera Ólympíuleikana 2008
að glæsilegustu íþróttahátíð frá
upphafi.
Það eru margir mánuðir síðan
nánast allt var klárt í Peking og á
mörgum keppnisstöðum þarf lítið
annað að gera en þurrka af áður
en íþróttafólkið gengur í salinn.
Kínverjar lærðu margt af því sem
gekk vel í Grikklandi, gera það
sama og bæta um betur. Þó svo
Grikkir hafi vissulega haldið frá-
bæra leika, þrátt fyrir seinagang,
lítur út fyrir að þessir leikar verði
enn glæsilegri.
Hér er allt skipulag í hæsta
gæðaflokki, sama á hvaða stað
maður kemur. Um 400 þúsund
sjálfboðaliðar setja síðan heldur
betur svip sinn á leikana en vart
er þverfótandi fyrir fólki sem er
tilbúið að aðstoða mann á allan
mögulegan hátt. Í raun má segja
að það sé offramboð af sjálfboða-
liðum því fjölmargir hafa ekkert
betra að gera í aðdraganda keppn-
innar en að fá sér dúr á bekkjum.
Það breytist er leikarnir fara á
fullt.
Mengun er enn talsverð í borg-
inni en ómögulegt er að segja á
þessari stundu hversu mikil áhrif
hún mun hafa á leikana. Það birti
upp á dögunum er það rigndi í
Peking en nú hefur ekki rignt í
nokkra daga og mengunarskýið
virkar stærra hvern morgun. Þó
svo maður sjái mengunina finnur
maður ekki mikið fyrir henni í
raun og veru. Hvort maraþon-
hlauparar séu á sama máli er allt
annað mál.
Einstaka aðilar sem maður
hefur rætt við eru þó nokkuð
ánægðir með smá mengunarský
því það dregur úr hita í borginni
sem er um og yfir 30 gráður þessa
dagana.
Hvernig sem því líður er ekki
annað að sjá en hér sé allt eins og
best verður kosið og Peking aug-
ljóslega tilbúin fyrir Ólympíuleik-
ana.
Ólympíuleikarnir verða settir í Fuglshreiðrinu í kvöld:
Peking er tilbúin fyrir Ólympíuleikana
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 Sundmaðurinn Örn
Arnarson verður fánaberi Íslands
á opnunarhátíð Ólympíuleikanna í
dag.
Fer vel á því enda Örn í
áraraðir verið einn fremsti
íþróttamaður þjóðarinnar. Þetta
eru hans þriðju leikar en hann tók
einnig þátt í Sydney árið 2000 og í
Aþenu árið 2004.
Örn náði fjórða sæti í 200
metra baksundi í Sydney og er til
alls líklegur á leikunum að þessu
sinni. – hbg
Fánaberi Íslands:
Örn fer fyrir
hópnum
FREMSTUR Í FLOKKI Örn var kátur að sjá
á æfingu í Peking í gær þar sem hann
skartaði myndarlegu yfirvaraskeggi.
FRÉTTABLAÐIÐ/VILHELM
PEKING 2008 Þó svo gríðarlega vel
sé búið að öllu hér í Peking eru
eðlilega vankantar hér og þar. Það
fékk Einar Þorvarðarson,
framkvæmdastjóri HSÍ, að reyna
á herbergi sínu um daginn.
Vatnið í sturtu herbergis Einars
rann ekki rétta leið heldur út um
allt gólf og varð Einar því nánast
að fara í froskalöppum á salernið
sökum vatnselgs.
Er kvörtun var komið á
framfæri brugðust Kínverjarnir
afar fljótt við og var baðherberg-
ið komið í gott stand nokkrum
tímum síðar. – hbg
Einar Þorvarðarson:
Sundstemning
á salerninu
ÆVINTÝRI Einar lenti í kröppum dansi á
hótelherberginu. Hér er handboltalands-
liðið á æfingu í gær en það slapp við
ævintýrin sem framkvæmdastjórinn lenti
í. FRÉTTABLAÐIÐ/VILHELM
PEKING 2008 Það varð uppi fótur og
fit í Ólympíuþorpinu á miðviku-
dag þegar NBA-stjörnurnar í
körfuboltaliði Bandaríkjanna
mættu í matartjaldið í Ólympíu-
þorpinu. Voru þar á ferðinni
menn eins og Kobe Bryant,
LeBron James og Jason Kidd.
Þó svo eingöngu aðrir íþrótta-
menn og fararstjórar hafi aðgang
að því svæði fengu NBA-
stjörnurnar ekki að nærast í friði
og höfðu vart tíma til þess að
snæða vegna áreitis annarra
íþróttamanna sem vildu ólmir fá
mynd af sér með hinum heims-
þekktu stjörnum.
Mörgum íslensku keppendun-
um brá síðan í brún þegar LeBron
og Kidd mættu í heimsókn í
íslenska húsið síðar um kvöldið
og heilsuðu þar upp á Íslending-
ana. Segir sagan að stjörnurnar
hafi komið til þess að kíkja á hina
glæsilegu kvenkyns keppendur
frá Íslandi. – hbg
Stjörnufans á ÓL:
NBA-stjörnur í
íslenska húsinu
ALLT KLÁRT Þessi geðþekka stúlka er ein
af um 400 þúsund sjálfboðaliðum sem
sjá um að allt gangi upp í Peking.
FRÉTTABLAÐIÐ/VILHELM