Fréttablaðið - 08.08.2008, Blaðsíða 25
[ ]
Linda Friðriksdóttir afgreiðir tilbúna rétti í Asian. FRÉTTABLAÐIÐ/GVA
Augu alheims beinast að Kína
þessa dagana vegna Ólymp-
íuleikanna en við þurfum ekki
þangað austur til að upplifa
kínverskan matarkeim. Asian
á Suðurlandsbraut 32 hefur til
dæmis opnað matsölustað með
asískum réttum til að taka
með sér. Allir kosta þeir undir
þúsund krónum.
„Það er mikil eftirspurn eftir
ódýrum en góðum mat sem hægt
er að taka með sér. Við erum með
rétti frá mörgum þjóðum, til
dæmis taílenska, kínverska og
indverska og kappkostum við að
bjóða upp á vel útilátna skammta
á góðu verði.“ Þetta segir Kristinn
Vagnsson sem rekur matvöru-
markaðinn Asian á Suðurlands-
braut 32 og hefur nú opnað „take
away“ veitingasölu á sama stað.
„Þetta er gert að erlendri fyrir-
mynd og við reynum að stíla upp á
gæði, gómsætt bragð og mikinn
mat,“ heldur Kristinn áfram. Hér
eru alltaf sex réttir í hádeginu, sá
ódýrasti er eggjanúðlur með
grænmeti á 600 krónur, aðrir eru á
980 krónur en hægt er líka að fá
hálfa skammta á 640,“ segir hann
og tekur fram að rétti mánaðarins
fylgi súperkókdós og grænmetis-
rétti fylgi ávaxtakristall.
Asian er þekkt verslun með mat-
vöru frá fjölmörgum Asíulöndum.
„Við notum samt íslenskt græn-
meti í réttina að hluta og íslenskt
kjöt en flytjum inn grænmetisteg-
undir sem ekki fást hér,“ segir
Kristinn. „Við gerum allar sósur
sjálf og leggjum upp úr því að nota
lífrænt ræktað grænmeti þegar
við getum komið því við. Sömu-
leiðis einungis hrásykur ef um
sætuefni er að ræða.“
gun@frettabladid.is
Gæði og gómsætt bragð
Pitsa er tilvalinn matur fyrir fólk sem nennir ekki að
elda það kvöldið og vill panta mat heim.
Eggjabaka
6-10 egg (fer eftir fjölda gesta)
1 dl mjólk
1-2 tómatar, skornir
skinka, skorin
1 rauð eða gul paprika
1 rauðlaukur
½ kúrbítur
½ haus spergilkál
handfylli af spínati
1-2 gulrætur
ostur, t.d. 1 piparostur
Hrærið eggin vel ásamt mjólk og
kryddið eftir smekk. Setjið rifið
grænmetið ásamt eggjablöndunni í
skál og hrærið því saman. Notið
olíuúða eða olíu innan á pönnuna og
hellið öllu á hana kalda. Stillið á
meðalhita en lækkið niður á lægsta
hita eftir smá stund og hafið lokið á.
Gott er að þurrka innan úr lokinu
öðru hverju til að losna við rakann.
Tilbúið á 20–30 mín.
uppskrift hilmars }
Nautakjöt „stir-fry“
að kínverskum hætti
500 g nautakjöt, þunnir strimlar
1 stór laukur, skorinn í strimla
2 stórar gulrætur, skornar í strimla
2 msk. lífrænn hrásykur
2 stönglar sellerí, skorið í mjóa
strimla
paprikur, rauð/græn/gul, ½ af
hverjum lit, skornar í strimla
1½ msk. ostrusósa
1 msk. sojabauna-mauk
1 msk. grænmetisolía, lífræn
kóríander til skrauts
Aðferð:
Steikið nautakjötið á pönnu upp úr
lífrænu olíunni og takið það af pönn-
unni. Setjið ostrusósu, sojabauna-
mauk ásamt hrásykri á pönnuna og
látið sjóða upp. Grænmetið sett allt í
vökvann og látið steikjast á wok-
pönnu í nokkrar mínútur. Kjötið sett í
og hrært saman á vel heitri pönnunni.
Gott er að bera réttinn fram með
jasmin-hrísgrjónum.
Matreiðslumaðurinn Bok skellir
kóríanderlaufi á toppinn til að kóróna
réttinn.
FRÉTTABLAÐIÐ/GVA
F
A
B
R
I
K
A
N
Risaklattar að hætti Jóa Fel
Súkkulaðiklattar, kókósklattar og hafrafittness
Vörur úr lífrænni
ræktun er ávísun á betri
heilsu og bragð!
Heilsa býður upp á fjölbreytt úrval af lífrænt ræktaðri matvöru frá BIONA,
einum virtasta framleiðanda á sínu sviði. BIONA er fyrir kröfuharða
neytendur sem vilja hágæða vottaðar matvörur sem fullnægja
ströngustu kröfum um umhverfisvæna- og lífræna ræktun án
skordýraeiturs, tilbúins áburðar og erfðabreyttra matvæla.
BIONA hentar öllum sem kjósa hollustu og heilnæmt fæði.
BIONA vörurnar fást í Heilsuhúsinu, Heilsuhorninu Akureyri, Fjarðarkaupum, Nóatúni, Krónunni,
Samkaup/Úrval, Blómaval, Maður Lifandi, og Melabúðinni.