Fréttablaðið - 15.08.2008, Qupperneq 55

FÖSTUDAGUR 15. ágúst 2008
PEKING 2008 Spjótkastarinn Ásdís
Hjálmsdóttir varð fyrir því óláni
að meiðast á olnboga skömmu
áður en hún fór í æfingabúðir í
Japan fyrir Ólympíuleikana. Hún
mun því tæplega geta kallað fram
sitt besta í spjótkastskeppninni á
sunnudag.
„Ég fékk í olnbogann en ekki á
sama stað og áður. Það er verið að
vinna í því að ná meiðslunum úr
mér og ég hef meðal annars verið
að fá bólgueyðandi sprautur. Það
er mikill sársauki þegar ég kasta
og meiðslin eru á versta stað
fyrir spjótkastara,“ sagði Ásdís
og vonbrigðin að hafa meiðst
þetta skömmu fyrir leika leyndu
sér ekki.
„Það verður bara að koma í ljós
hvernig ég verð síðan á keppnis-
dag. Það hefur eðlilega skemmt
talsvert undirbúninginn að geta
ekki kastað og ég veit ekkert hvar
ég stend í dag. Ég var í góðu
formi fyrir mótið og væntingarn-
ar miklar, ég ætlaði svo sannar-
lega að bæta mig. Þetta er mjög
svekkjandi,“ sagði Ásdís. - hbg
Ásdís Hjálmsdóttir:
Meidd á olnboga
SAMRÝND Bergur Ingi Pétursson og
Ásdís Hjálmsdóttir í Ólympíuþorpinu.
FRÉTTABLAÐIÐ/VILHELM
PEKING 2008 Matartjaldið í
ólympíuþorpinu vekur ávallt
lukku hjá keppendum enda hægt
að borða lúxusmat frá öllum
heimshornum og tæki eflaust
margar vikur að komast yfir allt
sem þar er í boði. Ekki skemmir
síðan fyrir að opið er þar allan
sólarhringinn.
„Beggi [Bergur Ingi sleggju-
kastari] ljómaði allur þegar hann
frétti af opnunartímanum. Ætlar
að fara að fá sér að borða klukkan
tvö um nóttina,“ sagði spjótkast-
arinn Ásdís Hjálmsdóttir í stríðni-
stóni.
„Því er ekki að neita að ég
gladdist yfir þeim tíðindum. Hef
reyndar ekkert nýtt mér það að
borða á nóttinni enn sem komið er
en það mun gerast. Maður verður
að prófa það að minnsta kosti
einu sinni,“ sagði Bergur og
brosti blítt. – hbg
Bergur Ingi Pétursson:
Ánægður með
matartjaldið
Lögmál 4: Bikarinn er fullur og froðutoppurinn
rís upp yfir brúnina. Þá er froðusveðjan tekin.
Henni er beint frá líkamanum og strokið lárétt með
45 gráðu halla, hársbreidd yfir brúninni. Stærstu
loftbólurnar hafa leitað efst í froðuna og mistakist
þetta skref munu þær springa þeim afleiðingum að
froðan fellur hratt. Án froðunnar er ölið varnar-
laust og verður flatt á skammri stundu.
Lögmál 5: Að lokum verður að tryggja að froðu-
toppurinn sé af nákvæmlega réttri þykkt.
Fullkomnunin felst í smáatriðunum: Í 33 cl
bikar skal froðan vera nákvæmlega 3 cm. Hvorki
meira né minna. Þetta samsvarar samanlagðri
breidd vísifingurs og löngutangar þess sem
njóta skal.