Fréttablaðið - 26.08.2008, Blaðsíða 11

ÞRIÐJUDAGUR 26. ágúst 2008 11
BRETLAND Breskur veitingastaður
sætir nú talsverðri gagnrýni fyrir
þá ákvörðun að rukka börn eftir
þyngd – eitt pund á hvern „stein“
sem barnið vegur. Mælieiningin
steinn er jafngildi 6,35 kílóa.
Fulltrúi breska offituráðsins
segir í samtali við BBC að með
þessu grafi veitingastaðurinn
undan sjálfsáliti þungra barna. Á
vigtinni séu þau til sýnis fyrir
aðra gesti, sem sé óforsvaranlegt
þótt foreldrarnir spari
hugsanlega nokkrar krónur.
Framkvæmdastjóri staðarins
segir tilraunina saklausa og til
gamans gerða. Þó verði hætt við
hljóðni óánægjuraddirnar ekki. - sh
Tilraun leggst illa í Breta:
Dýrari matur
fyrir þung börn
ÍRAN, AP Ali Khameini,
erkiklerkur og æðsti
stjórnmálaleiðtogi Írans, hvatti í
gær Mahmoud Ahmadinejad
forseta til að gefa kost á sér eitt
kjörtímabil enn.
Khameini bar mikið lof á
Ahmadinejad og hrósaði honum
fyrir að standa uppi í hárinu á
Vesturlöndum.
Þetta er í fyrsta sinn sem
Khameini hefur lýst yfir svo
eindregnum stuðningi við
nokkurn annan íranskan
stjórnmálamann.
Ahmadinejad vann sigur í
forsetakosningum árið 2005 og
hefur jafnan neitað að láta
undan kröfum Vesturlanda um
að hætta auðgun úrans. - gb
Khameini erkiklerkur:
Eys lofi yfir
Ahmadinejad
MAHMOUD AHMADINEJAD Fær
stuðning frá yfirboðara sínum.
FERÐAÞJÓNUSTA Nesbúð, sem rekið
hefur veitingastað og hótel á
Nesjavöllum, vill breyta
fyrrverandi starfsmannahúsi
Nesjavallavirkjunar í hótel. Að
auki er gert ráð fyrir nýrri
viðbyggingu með allt að 32
hótelherbergjum.
Til þess að áform Nesbúðar
gangi eftir þarf að breyta
skilgreindri landnotkun svæðis-
ins í aðalskipulagi í verslunar- og
þjónustusvæði. Nú þegar eru 60
hótelherbergi í Nesbúð. Sveitar-
stjórn Grímsnes- og Grafnings-
hrepps hefur vísað erindi
fyrirtækisins til vinnu við
endurskoðun aðalskipulags
sveitarfélagsins. - gar
Gistirekstur á Nesjavöllum:
Bæta við fjölda
hótelherbergja
NESJAVELLIR Hótel í starfsmannahúsi og
nýrri viðbyggingu.
VIÐSKIPTI Vanskil á undirmálslánum jukust
óvænt í Bandaríkjunum í júní. Þeim sem eru
meira en tvo mánuði í vanskilum með lán
sem tekin voru 2006 fjölgaði um sjö prósent
frá mánuðinum áður og vanskilum lána frá
2007 fjölgaði um ellefu prósent. Þá hafa
veðköll á töpuð undirmálslán gefið minna af
sér. Þetta kom fram í tölum sem birtar voru
á föstudag.
Þá virðast tilraunir stjórnvalda og
fjármálastofnana til að bjarga lántakendum
með undirmálslán á breytilegum vöxtum frá
greiðsluþroti ekki hafa borið tilætlaðan
árangur. Samkvæmt samantekt Moody‘s
hefur um helmingur þeirra sem fengu aðstoð
endað í veðköllum.
Sérfræðingar hafa til þessa talið að hið
versta væri afstaðið í undirmálslána-
kreppunni, en þessar tölur benda til þess að
svo sé ekki. Þá hafa greiningardeildir í
Bandaríkjunum vaxandi áhyggjur af
svokölluðum „Alt-A“-fasteignalánum,
jaðarlánum, flokki fasteignalána sem hefur
verið talinn öruggari en undirmálslán.
Vanskil á þriggja ára gömlum lánum í þeim
flokki jukust um 29 prósent í júní.
Samkvæmt tölum sem Seðlabanki
Bandaríkjanna birti fyrir helgi hafa vanskil
á öllum tegundum lána aukist á öðrum
ársfjórðungi. - msh
Björgunaraðgerðir stjórnvalda og fjármálafyrirtækja vestra hafa ekki tekist:
Vanskil undirmálslána aukast í Bandaríkjunum
HÚSEIGNIR TIL SÖLU Um leið og vanskil
í öðrum flokkum fasteignalána aukast
virðist enn líf í undirmálslánakreppunni.
MARKAÐURINN/AFP