Fréttablaðið - 26.08.2008, Blaðsíða 42

26 26. ágúst 2008 ÞRIÐJUDAGUR
sport@frettabladid.is
Topplið Keflavíkur var talsvert frá sínu besta þegar
það gerði jafntefli, 2-2, gegn KR en hefði með smá
heppni getað tekið öll stigin.
FH náði ekki að nýta sér mistök Keflavíkur og
var í raun heppið að ná 3-3 jafntefli gegn Fjölni
eftir að Fjölnir hafði leitt leikinn 3-0.
Íslandsmeistarar Vals náðu hins vegar að setja
meiri pressu á toppliðin með 0-2 sigri gegn Blikum
sem höfðu ekki tapað leik í rúma tvo mánuði.
Fram hélt áfram að vinna sig upp stigatöfluna
með því að leggja Grindavík að velli 0-2 og er
sem fyrr með besta varnarlið deildarinnar
en liðið hefur aðeins fengið á sig fjórtán
mörk í sautján leikjum.
Það var fátt um fína drætti hjá
Þrótti og Fylki sem skildu jöfn,
0-0, en bæði lið geta svo sem
verið sátt með mikilvægt
stig í botnbaráttunni.
Það var sannkallaður fallslagur þegar ÍA og HK
mættust upp á Skaga þar sem gestirnir hirtu öll
stigin með 1-2 sigri. HK-ingar unnu þar með sinn
annan leik í röð og eygja enn von um að halda sér
í deildinni. Staðan hjá ÍA er hins vegar orðin svört
og fátt sem virðist geta komið í veg fyrir fallið.
17. UMFERÐ LANDSBANKADEILDAR KARLA: SKAGAMENN SVO GOTT SEM FALLNIR
Valsmenn ekki sagt sitt síðasta
TÖLURNAR TALA
Flest skot: 20, KR
Flest skot á mark: 10, KR
Fæst skot: 8, Breiðablik
Hæsta með.ein.: 6,5 Fjölnir
Lægsta meðaleink.: 4,7 Grindav.
Grófasta liðið: 19 brot, ÍA
Prúðasta liðið: 7 brot, Fram
Flestir áhorf.: KR-Keflavík, 1.873
Fæstir áhorf.: Grindav.-Fram, 560
Áhorfendur alls: 5.717
> Besti dómarinn: Kristinn
Jakobsson fékk hæstu einkun
Fréttablaðsins fyrir 17. umferð
Landsbankadeildarinnar eða 8.
Kristinn dæmdi leik Breiðabliks
og Vals á Kópavogsvelli og leysti
verkefnið með sóma.
>Atvik umferðarinnar
Jöfnunarmörkin tvö í uppbótartíma sem settu svip sinn
á toppbaráttuna. Davíð Þór Viðarsson tryggði FH eitt stig
gegn Fjölni og Keflvíkingar misstu unninn leik niður í jafn-
tefli með sjálfsmarki Kenneths Gustafssonar.
>Ummæli umferðarinnar
„Fyrst við töpum þessum leik á heimavelli
gegn HK þá eigum við einfaldlega ekki
skilið að vera í þessarri deild. Við þurfum
á kraftaverki að halda,“ sagði von-
svikinn Arnar Gunnlaugsson, spilandi
þjálfari botnliðs ÍA, eftir slæmt tap
gegn HK á Skaganum.
Auðun Helgason (6)
Ólafur Páll
Snorrason (2)
Rene
Carlsen
Finnur Ólafsson
Iddi Alkhag
(2)
Aaron
Palomares (3)
Guðmundur
Sævarsson
Atli Guðnason
Halldór H.
Jónsson
Sigurbjörn
Hreiðarsson
Ómar Jóhannsson (3)
FÓTBOLTI Íslandsmeistarar Vals
settu enn meiri spennu í topp-
baráttuna með útisigri sínum gegn
Breiðabliki á meðan Keflavík og
FH töpuðu stigum gegn KR og
Fjölni. Allt virðist því stefna í
gríðarlega spennandi þriggja
hesta kapphlaup um Íslandsmeist-
aratitilinn þegar aðeins fimm
umferðir eru til stefnu.
„Leikurinn gegn Breiðabliki
var með þeim betri hjá okkur í
sumar og það var í raun og
veru ekkert um annað að ræða
en að mæta tilbúnir í þann
leik eftir vonbrigðin á
móti HK í leiknum þar
á undan. Tapið á móti
HK var því ekkert
rothögg heldur bara
hægri stunga sem
sló okkur ekki út
af laginu og fékk
okkur ekki til
þess að missa
sjónar á mark-
miðum okkar í
sumar,“ segir
Sigurbjörn.
Miklar hræringar
Valsmenn misstu tvo lykil-
menn á miðju sumri þegar
Pálmi Rafn Pálmason og Birk-
ir Már Sævarsson voru seldir
til Noregs og það varð vissulega
skarð fyrir skildi en aðrir leik-
menn eru búnir að standa upp í
staðinn og Val hefur varla fatast
flugið síðan þá.
„Við vissum það
svo sem fyrir tíma-
bilið að leikmanna-
hópurinn væri gríð-
arlega sterkur og að
við ættum í raun
tvo álíka góða leik-
menn í hverri
stöðu. Það má því
kannski segja að
þrátt fyrir að við
misstum Pálma og
Birki, sem eru báðir
landsliðsmenn,
vorum við vel búnir undir það
vegna sterkrar breiddar á leik-
mannahópnum og vorum líklega
eitt af fáum liðum í deildinni sem
myndu þola svona hræringar. Við
höfum svo verið að undirstrika
þessa breidd á undanförnum
vikum og mánuðum,“ segir Sigur-
björn.
Lítið í umræðunni
Valsmenn byrjuðu tímabilið illa
og töpuðu fjórum af fyrstu átta
leikjum sínum í deildinni en töp-
uðu svo ekki leik í deildinni í tæpa
tvo mánuði og unnu sig hægt og
rólega upp stigatöfluna.
„Það hefur lítið verið talað um
okkur í sumar og menn voru í raun
búnir að afskrifa Val eftir slaka
byrjun liðsins í upphafi móts. En
við gáfumst aldrei upp og náðum
svona hljóðlátu skriði og staðan í
deildinni í dag sýnir bara að það
hefur enginn efni á að afskrifa
Val, né önnur lið í deildinni ef því
er að skipta,“ segir Sigurbjörn.
Mikið eftir af mótinu
„Það er fullt eftir af mótinu og
mikið af innbyrðisviðureignum í
topphluta deildarinnar sem geta
farið á alla vegu og þetta verður
ekki búið fyrr en eftir loka-
umferðina. Ég er sannfærður um
að við Valsmenn getum enn náð
markmiðum okkar fyrir sumarið
en það eru gríðarlega spennandi
og erfiðir leikir fram undan,“
segir Sigurbjörn.
Valsmenn eiga botnlið ÍA í
næsta leik en Hlíðarendapiltum
hefur gengið illa gegn liðunum í
fallsætunum í sumar og tapað
báðum leikjum sínum gegn HK og
einungis náð jafntefli gegn ÍA.
„Við þurfum auðvitað að vera
tilbúnir í alla þá leiki sem við
förum í því annars tapar maður,
svo einfalt er það. Tapleikirnir á
móti HK voru bara þannig að þeir
voru að spila frábæran fótbolta og
náðu toppleikjum á móti okkur,
sama þótt staða þeirra í deildinni
væri ekki góð. Þetta sýnir auðvit-
að hversu jöfn deildin er orðin; þó
svo að það vanti stöðugleika hjá
sumum liðum geta allir unnið
alla.“
omar@frettabladid.is
Enginn hefur efni á að afskrifa Val
Valsarinn Sigurbjörn Hreiðarsson fór fyrir sínum mönnum í 0-2 sigri gegn Breiðabliki á Kópavogsvelli þar
sem hann lagði upp fyrra markið og skoraði sjálfur það seinna og er fyrir vikið leikmaður 17. umferðar
Landsbankadeildarinnar hjá Fréttablaðinu. Sigurbjörn telur Val enn geta náð markmiðum sínum í sumar.
ENN ER VON Sigurbjörn segir að ómögu-
legt sé að segja til um hverjir verði
Íslandsmeistarar en Valur sé þar vissu-
lega með í baráttunni. FRÉTTABLAÐIÐ/STEFÁN
HÖRÐ BARÁTTA FRAM UNDAN Sigurbjörn og félagar í Val hafa ekki
sagt sitt síðasta í toppbaráttu Landsbankadeildarinnar. Hér er Sigur-
björn í leik gegn toppliði Keflavíkur fyrr í sumar. FRÉTTABLAÐIÐ/AUÐUNN
KÖRFUBOLTI A-landslið kvenna í körfubolta
hefur leik í B-deild Evrópukeppninnar á morg-
un þegar liðið mætir Sviss að Ásvöllum. Und-
irbúningur íslenska liðsins hefur sjaldan eða
aldrei verið betri og því er mikil tilhlökkun
innan hópsins að takast á við komandi verk-
efni.
„Landsliðshópurinn er búinn að vera að æfa
vel í allt sumar fyrir Evrópukeppnina. Stjórn
KKÍ, kvennalandsliðsnefnd, stelpurnar sjálf-
ar og þjálfararnir hafa lagt mikið á sig og
sameinast um að gera hlutina eins og best
verður á kosið í undirbúningi liðsins og það
skilar sér vonandi inni á vellinum,“ segir
Ágúst Björgvinsson, þjálfari liðsins.
Íslenska liðið leikur í riðli með Sviss, Hol-
landi, Slóveníu, Írlandi og Svartfjallalandi og
segja má að fyrri umferð fari fram nú í haust
og seinni umferð haustið 2009. Ágúst hefur
ákveðin markmið í huga upp á framhaldið að
gera.
„Ég skrifaði undir fjögurra ára samning við
KKÍ á sínum tíma og setti mér þau markmið
að ná að byggja upp lið á þessum fjórum árum
og ég hef því reynt að hafa leikmannahópinn
stóran til þess að auka samkeppni innan
liðsins. Liðið er frekar reynslulítið en lék fyrir
skömmu á Norðurlandamóti og fékk þá kjörið
tækifæri til þess að slípa sig saman og ég var
í raun og veru mjög ánægður með allt í sam-
bandi við það mót, að úrslitunum undanskild-
um. Það er alls ekki auðvelt að fara í gegnum
mót án þess að vinna en ég sá það að andinn í
hópnum er sterkur og stelpurnar gáfust ekk-
ert upp og horfa bara fram á veginn. Evrópu-
keppnin er náttúrulega tveggja ára dæmi og
okkar markmið fyrir fyrra árið er í raun að
koma okkur í þá stöðu að við eigum möguleika
á því að vinna okkur upp um deild haustið
2009,“ segir Ágúst.
Signý Hermannsdóttir, fyrirliði liðsins, er
spennt fyrir leikinn gegn Sviss.
„Það er mikil samstaða og góður mórall
innan hópsins og við erum allar búnar að
leggja mikið á okkur í sumar og vonandi skil-
ar það sér. Ég hef aldrei spilað við Svisslend-
inga og við vitum í raun og veru ekki mikið
um þær, en það verður spennandi að sjá hvern-
ig þær mæta til leiks. Við stefnum alla vega á
sigur og ekkert annað,“ segir Signý ákveðin.
Stuðningur áhorfenda er mikilvægur og
fólk er því hvatt til þess að fjölmenna á leik-
inn og styðja stelpurnar, en leikurinn fer sem
segir fram að Ásvöllum og hefst kl. 19.15 á
morgun miðvikudag. - óþ
Mikill hugur er í kvennalandsliði Íslands í körfubolta fyrir B-deild Evrópukeppninnar sem hefst á morgun:
Hópurinn búinn að æfa vel í allt sumar
HRESS Það var létt yfir þjálfaranum Ágústi Björgvinssyni
og fyrirliðanum Signýju Hermannsdóttir á kynningar-
fundi kvennalandsliðsins í gær. FRÉTTABLAÐIÐ/RÓSA
FÓTBOLTI Heil umferð fer fram í
Landsbankadeild kvenna í kvöld
kl. 18.00 þar sem leikur Íslands-
meistara Vals og Breiðabliks á
Vodafone-vellinum ber hæst.
Topplið Vals tapaði sínum
fyrsta deildarleik í rúm tvö ár í
síðustu umferð gegn KR en
Breiðablik hefur nú unnið átta
leiki í röð í deildinni eða síðan
liðið tapaði 1-2 gegn Val á
Kópavogsvelli um miðjan júní.
KR, sem er þremur stigum á
eftir Val, heimsækir HK/Víking,
Fjölnir mætir Keflavík, Stjarnan
mætir Fylki og Afturelding
ferðast til Akureyrar og mætir
Þór/KA. - óÞ
Landsbankadeild kvenna:
Umferð í kvöld
FÓTBOLTI Mark Darrens Fletcher
nægði Englandsmeisturum
Manchester United til sigurs
gegn Portsmouth á Fratton Park í
gærkvöld.
Jafnræði var með liðunum
framan af leik. United var þó
mun meira með boltann og
verðskuldaði forystuna sem liðið
náði eftir rúmlega hálftíma leik.
Fletcher skoraði þá af stuttu færi
eftir góðan undirbúning þeirra
Carlosar Tevez og Patrice Evra.
United tók svo öll völd á
vellinum í síðari hálfleik og þrátt
fyrir að liðinu tækist ekki að
bæta við marki þá var
Ports mouth aldrei líklegt til þess
að jafna og niðurstaðan því 0-1.
Hermann Hreiðarsson var í
leikmannahópi Portsmouth en
kom ekki við sögu í leiknum. - óþ
Enska úrvalsdeildin:
Man. Utd lagði
Portsmouth
MARKAHRÓKUR Fletcher fagnar hér
marki sínu gegn Portsmouth í gærkvöld
en hann hefur skorað bæði mörk United
á tímabilinu. NORDIC PHOTOS/GETTY