Fréttablaðið - 26.08.2008, Blaðsíða 19

„Það er orðin aukin vitund í
samfélaginu um að við Íslendingar
getum gert ýmislegt til að hjálpa til
við aðlögun innflytjenda og til að
minnka árekstra,“ segir Sólveig
Jónasdóttir, verkefnastjóri
fræðsludeildar Alþjóðahússins.
Fræðsludeildin býður upp á ýmis
námskeið og fyrirlestra tengda
innflytjendum, menningarfærni og
fjölmenningarlegu samfélagi.
„Við erum að bjóða upp á bæði
lengri og styttri námskeið fyrir
ýmsa aðila. Í fyrsta lagi erum við
með námskeið fyrir fyrirtæki,
stofnanir og félagasamtök. Við
höfum til að mynda mikið farið í
banka, tryggingafélög, hitaveitur,
símafyrirtæki og fleiri vinnustaði
þar sem þátttakendur eru
meirihlutinn Íslendingar. Þar erum
við að ræða um samskipti á
fjölmenningarlegum vinnustöðum
svo sem samskiptavandamál og
smærri hindranir; um þjónustu í
fjölmenningarlegu umhverfi, til
dæmis hvað skiptir máli í þjónustu
við innflytjendur og hvernig hægt
er að komast til móts við þennan
nýja viðskiptamannahóp; og síðan
menningarfærni fyrir stjórnendur
svo sem hvernig hægt er að skapa
jákvætt andrúmsloft.“
Alþjóðahúsið býður einnig upp á
fræðslu fyrir börn og unglinga.
Krakkarnir eru þá fræddir um
ólíka menningu og siðfræði
fjölmenningar. Viðfangsefni eru
meðal annars fordómar,
mannréttindi og orsakir og
afleiðingar fólksflutninga. „Síðan
erum við með fræðslu fyrir kennara
og starfsfólk skóla, félagsmiðstöðva,
frístundaheimila og fleira,“ segir
Sólveig en megináhersla þeirra
námskeiða er að vekja þá sem
starfa með börnum og unglingum
til meðvitundar um eðli og tilkomu
fordóma. „Fjórða tegund námskeiða
er samfélagsfræðsla til
útlendingsins sjálfs. Þá erum við að
fjalla um þessa daglegu hluti svo
sem réttindi og skyldur á
vinnumarkaði, heilsugæslu,
skólamál, íslenskunám, banka og
svo framvegis.“
Sólveig segir eftirspurn eftir
námskeiðum hjá Alþjóðahúsinu
hafa aukist mikið síðustu ár.
„Atvinnurekendur vilja gera þessa
hluti vel og kalla okkur því til áður
en upp koma erfið mál. Ég held að
mesta gagnið sem við gerum sé að
vekja fólk til umhugsunar. Það er
mjög þarft í íslensku samfélagi í
dag enda snerta þessi mál okkur
öll, við eigum öll nágranna,
samstarfsfélaga eða vini sem koma
erlendis frá.“
mariathora@frettabladid.is
Þarft í íslensku samfélagi
Fræðsludeild Alþjóðahússins býður upp á ýmiss konar námskeið varðandi innflytjendur, bæði fyrir
Íslendinga sem og erlent fólk, en Íslendingar geta gert ýmislegt til að hjálpa innflytjendum að aðlagast.
Sólveig Jónasdóttir er verkefnastjóri fræðsludeildar Alþjóðahússins. FRÉTTABLAÐIÐ/STEFÁN
DANS er skemmtileg og góð hreyfing fyrir fólk á öllum
aldri. Nú er innritunartími dansskólanna í fullum gangi og
um að gera að athuga hvað er spennandi í boði.
Dansráð Íslands | Faglærðir danskennarar Borgartún 6 | 105 Reykjavík | sími 553 6645 | fax 568 3545 | dans@danskoli.is | www.dansskoli.is
VIÐ BJÓÐUM
UPP Í DANS
Innritun og
upplýsingar á
í síma 553 6645
Mambó
Tjútt
Freestyle
Break
Salsa
Brúðarvals
Barnadansar
Samkvæmisdansar
Sérnámskeið fyrir hópa
Hiphop
Börn – Unglingar – Fullorðnir
dansskoli.is eða
Jazz
Dansfélag Reykjavíkur
Tónskóli Guðmundar
Hagaseli 15 • 109 Reykjavík.