Fréttablaðið - 26.08.2008, Blaðsíða 22

● lh hestar 26. ÁGÚST 2008 ÞRIÐJUDAGUR2
Málgagn Landssambands hestamannafélaga
Útgefandi: Landssamband hestamannafélaga
Heimilisfang: Íþróttamiðstöðin, Engjavegi 6, 104 Reykjavík
Netfang: lh@isisport.is Sími: 514-4030
Ritstjóri og ábyrgðarmaður: Jens Einarsson
Netfang: jenseinars@simnet.is Sími: 862-7898
Auglýsingar: Fréttablaðið/Bjarni Þór Sigurðsson
Sími: 512-5471, gsm: 822-5062
HELSTU SAMSTARFSAÐILAR LH ERU:
lh hestar
ÍÞRÓTT • MENNING • LÍFSSTÍLL
A
ð loknu Norðurlandamóti í hestaíþróttum í Noregi er við hæfi
að óska liðsmönnum til hamingju með árangurinn: sjö gull, sjö
silfur og fimm brons. Liðsstjóranum, Einari Öder Magnússyni,
og Hinriki Bragasyni aðstoðarliðsstjóra, vil ég einnig óska til ham-
ingju. Það er meira en að segja það að fara með átján manna keppnis-
lið á mót sem þetta. Þar af átta unglinga og ungmenni sem þurftu að fá
lánaða keppnishesta hjá frændum okkar í Skandinavíu.
Norðurlandamótin skipa ákveðinn sess meðal eigenda íslenskra hesta
á Norðurlöndum. Þau eru meðal annars, og ekki síst, vettvangur ungl-
inga og ungmenna til að kynnast og etja kappi hvert við annað. Það var
aðdáunarvert að sjá unga fólkið okkar ná svo góðum árangri, hafandi
aðeins nokkra daga til að kynnast hestunum sem þau fengu að láni. Það
er margt sem liðsstjórarnir þurfa að púsla saman við slíkar aðstæður.
Það er ekki lítils virði að eiga í okkar röðum bestu þjálfara sem völ er á,
fólk sem er tilbúið að fórna tíma sínum og orku í æskufólkið okkar. Allir
gerðu sitt besta. Smá ábending hér, vingjarnleg aðfinnsla þar. Uppörv-
andi bros! Það er list að byggja upp góðan liðsanda. Hann var góður hjá
íslenska liðinu á NM2008.
Norðulandamótin eru kjörinn vettvangur til að efla stoðir landsliðs-
ins í hestaíþróttum og auka samskipti milli Norðurlandaþjóðanna. Ís-
land nýtur virðingar á þeim vettvangi. Og þannig þarf það að vera. Það
er mikilvægt fyrir okkur Íslendinga að halda þeirri stöðu sem við höfum
á keppnisvellinum. Þær þjóðir sem við keppum við eru sífellt að eflast,
bæði hvað varðar reiðmennsku og hestakost. Norður-
landaþjóðirnar eru þar framarlega í flokki.
Að lokum vil ég þakka öllum þeim sem lögðu
okkur lið, bæði styrktaraðilum og þeim sem lán-
uðu okkur hesta. Án þeirrar hjálpar hefði þetta ekki
verið framkvæmanlegt.
GÓÐ UPPSKERA Á
NORÐURLANDAMÓTI
Bjarnleifur Bjarnleifsson,
formaður landsliðsnefndar.
Samningur Landssambands
hestamannafélaga og Þingvalla-
nefndar um afnot hestamanna
af Skógarhólum rann út á síð-
astliðnu ári. Skógarhólar hafa
um árabil verið einn vinsæl-
asti áfangastaður hestamanna á
reiðleiðum um Þingvelli.
Góð gistiaðstaða er fyrir
fólk og hross á svæðinu. Að-
staðan, sem var byggð á vegum
LH, hefur verið opin frá byrj-
un maí og fram í september ár
hvert. Margir eru nú uggandi
um framtíð svæðisins. Harald-
ur Þórarinsson, formaður LH,
segir að bæði Þingvallanefnd og
stjórn LH séu sammála um að
áningarstaðurinn á Skógarhól-
um eigi rétt á sér. Það sé aðeins
spurning um hver reki hann og í
hvaða formi.
„Landssamband hestamanna-
félaga hefur rekið aðstöðuna
í Skógarhólum um langt ára-
bil. Sá rekstur hefur sjaldnast
staðið undir sér. Það gengur að
sjálfsögðu ekki upp að gengið
sé í sjóði LH til að greiða niður
tap af þeim rekstri. Það liggur
fyrir að hús og girðingar þarfn-
ast nú verulegra endurbóta,
sem kosta munu drjúgan skild-
ing. Við höfum verið í viðræðum
við Þingvallanefnd um framtíð
Skógarhóla. Það er vilji beggja
að aðstaðan þar verði rekin
áfram í líkri mynd og verið
hefur. Vonandi fáum við skýrar
línur í þetta mál í haust,“ segir
Haraldur.
Framtíð Skógarhóla
Áning í Skaftholtsréttum í Gnúpverja-
hreppi. MYND/JENS EINARSSON
Annað hvert ár stendur æsku-
lýðsnefnd FEIF fyrir bikarmóti
yngri flokka – FEIF Youth Cup.
Aðildarlönd FEIF skiptast á að
halda mótið og að þessu sinni
fór það fram í Brunnadern í
Sviss vikuna 12.–20. júlí.
FEIF Youth Cup er eins konar
heimsmeistaramót unglinga. Þátt-
takendur á mótinu voru sjötíu og
tveir frá tólf aðildarlöndum. Níu
íslenskir unglingar tóku þátt.
Mótið er öðrum þræði leik-
ur, en einnig er keppt í nokkrum
greinum hestaíþrótta, bæði hefð-
bundnum og óhefðbundnum. Má
þar nefna liðakeppni þar sem
þjóðum er blandað saman. Er sú
keppni blanda af víðavangshlaupi
og þrautareið. Íslensku krakkarn-
ir fengu lánaða hesta, enda of mik-
ill kostnaður og fyrirhöfn að flytja
út hesta frá Íslandi.
Fyrstu daga mótsins fengu þau
reiðkennslu og þjálfun hjá frá-
bærum reiðkennurum og síðan
tók við þriggja daga keppni. Ís-
lensku keppendurnir náðu góðum
árangri. Hanna Rún Ingibergs-
dóttir, Sörla, vann hið eftirsótta
Tölthorn eftir bráðabana við
löndu sína, Ástríði Magnúsdóttur
úr Stíganda. Þetta er annað skipt-
ið í röð sem Tölthornið fer til Ís-
lands. Rúna Helgadóttir vann það
í Austur ríki 2006.
AUKA TENGSL MILLI ÞJÓÐA
Tilgangurinn með FEIF Youth Cup
er meðal annars sá að efla tengsl
milli FEIF-þjóðanna. Enginn vafi
leikur á að það markmið hefur
náðst. Mótið hefur verið haldið
síðan 1995, og á tveggja ára fresti
frá því 1996. Mótið var haldið á
Íslandi árið 1998.
Annað æskulýðsmót á vegum
FEIF er haldið á oddaári. Það kall-
ast FEIF Youth Camp og var fyrst
haldið í Hollandi árið 1986 en var
haldið á Íslandi árið 2005. Tilgang-
urinn með Youth Camp er sá sami,
að auka vinatengsl milli þjóða.
Formið er dálítið annað. Meira
er um leiki, fræðslu og kennslu,
meðal annars í þjóðlegu hand-
verki þeirrar þjóðar sem heldur
mótið hverju sinni. Það er því ekki
hægt að segja annað en að æsku-
lýðsmál séu í góðum farvegi innan
FEIF.
Æskulýðsmót FEIF í Sviss
Youth Cup-farar 2008. MYND/HELGA B. HELGADÓTTIR
Hópur Austfirðinga fór um
Suðurland á dögunum í þeim
tilgangi að skoða reiðhallir.
Komu þeir meðal annars við
á Skeiðvöllum, Auðsholts-
hjáleigu, Hvolsvelli, Vesturkoti
og Árbæjarhjáleigu.
Í hópnum voru stjórnarmenn Iða-
valla ehf., sem stofnað var um
byggingu reiðhallar á Iðavöllum
á Völlum, og fulltrúar frá sveitar-
félaginu Fljótsdalshéraði, Fljóts-
dalshreppi og Hrossaræktarsam-
tökum Austurlands.
Bergur Már Hallgrímsson,
stjórnarformaður Iðavalla ehf. og
formaður hestamannafélagsins
Freyfaxa, segir að nú sé loks farið
að hilla undir að framkvæmdir
hefjist.
„Við fengum úthlutað 20 millj-
ónum úr reiðhallarsjóði Guðna
Ágústssonar á sínum tíma. Fljóts-
dalshérað samþykkti þá að leggja
til 20 milljónir á móti og hefur nú
ákveðið að leggja til 18 milljónir
til viðbótar í tengibyggingu milli
reiðhallarinnar og félagsheimil-
isins á Iðavöllum. Félagsheimil-
ið verður því hluti af aðstöðunni.
Samt sem áður þá duga þessir
peningar ekki til. Okkur vantar
fleiri aðila inn í félagið og meira
hlutafé til að loka dæminu. Ég hef
fulla trú á að það takist á næstu
vikum og mánuðum og að hægt
verði að auglýsa eftir tilboðum í
verkið á þessu ári,“ segir Bergur.
Hillir undir reiðhöll
Frá verðlaunaafhendingu. Hanna Rún í 1. sæti, Ástríður Magnúsdóttir 2. sæti, Erla
Katrín Jónsdóttir í 4. sæti og Stefanía Árnadóttir í 5. sæti.
Frá Fjórðungsmóti Austurlands á Iðavöllum 2007. MYND/JENS EINARSSON