Fréttablaðið - 30.08.2008, Síða 58

34 30. ágúst 2008 LAUGARDAGUR
Hvenær varstu hamingjusamast-
ur? 15. maí 2008. Skjöldur Þóris-
son fæddist.
Ef þú værir ekki leikari hvað
myndirðu þá vera? Líffræðingur
eða auglýsingadólgur.
Hvað er það dýrasta sem þú hefur
nokkurn tímann keypt þér? Holts-
gata 25. 15,7 kúlur. Má segja kúlur
þegar það er kreppa?
Hvað er það versta sem nokkur
hefur sagt við þig? „Ég hata þig!“
og „Þú ættir ekki að vera að
leika“.
Ef þú byggir ekki í Reykjavík hvar
myndirðu vilja búa? Baja Californ-
ía í Mexíkó. Bara sörf og sólsetur
og kaldur bjór.
Draumahelgin þín í einni setn-
ingu? Góður matur, partí og slök-
un.
Hlutverkið sem þú verður að leika
áður en þú deyrð? Osvald í Aft-
urgöngum eftir Ibsen.
Hvert er versta starf sem þú hefur
nokkurn tímann gegnt? Statisti í
sjónvarpsþætti. Það var dauði
hins hugsandi listamanns.
Uppáhaldsstaðurinn þinn á jörð-
inni? Lazy boy-stóllinn heima hjá
mér.
Hvers konar tónlist hefur mest
áhrif á þig og hvaða lag ertu að
hlusta á mest í dag? Er alger
alæta, en er búinn að kryfja In
Rainbows með Radiohead í hálft
ár. Þeir eru bestir í heimi og málið
er dautt.
Ef þú ættir tímavél, hvert myndir
þú fara og af hverju? Ísland í
kringum árið 1000. Hljóta að hafa
verið spennandi tímar. Þar fyrir
utan voru allir þessir gaurar pínu-
litlir. Maður gæti kannski klofið
þá í herðar niður væru þeir með
einhvern kjaft.
Er eitthvað sem heldur fyrir þér
vöku á nóttunni? Það er þá blund-
urinn um kvöldmatarleytið.
Ef þú gætir breytt einhverju í for-
tíð þinni, hvað myndi það vera?
Hefði lagt mig fram við að læra á
eitthvert hljóðfæri.
Hvenær fékkstu síðast hláturs-
kast? Í gær þegar kötturinn minn
reyndi að drepa á sér skottið.
Áttu þér einhverja leynda nautn?
Kókómjólk og kleinur.
Uppáhaldsbókin þessa stundina?
Ævisaga Jökuls Jakobssonar.
Hvaða núlifandi manneskju lítur
þú mest upp til? Ólafs Stefáns-
sonar. Hann á að verða næsti for-
seti Íslands.
En hvaða núlifandi manneskju
þolirðu ekki? Þarf að segja það?
Hann er að hætta í vinnunni sinni
eftir átta ömurleg ár.
Uppáhaldsorðið þitt? Fortíðar-
hyggja.
Hvaða eitt atriði myndi fullkomna
lífsgæði þín? Hófsemi.
Hvað er næst á dagskrá? Hart í
bak í Þjóðleikhúsinu, Ástríður á
Stöð 2, og pabbahlutverkið.
VILL LEIKA OSVALD IBSENS Þórir Sæmundsson leikara finnst að Ólafur Stefánsson eigi að vera næsti forseti Íslands. FRÉTTABLAÐIÐ/GVA
Langar í sörf, sólsetur og
kaldan bjór í Kaliforníu
Þórir Sæmundsson hefur vakið mikla athygli í hlutverki sínu sem Nonni rokk í söngleiknum Ástin er
diskó, lífið er pönk. Hann hefur einnig birst á sjónvarpsskjáum allra landsmanna í SPRON-auglýsingunni
undanfarna mánuði og tekur næst að sér eitt aðalhlutverkanna í uppfærslu Þjóðleikhússins á Hart í bak
eftir Jökul Jakobsson. Anna Margrét Björnsson tók Þóri í þriðju gráðu yfirheyrslu.
ÞRIÐJA GRÁÐAN
STARFSFERILL Í HNOTSKURN:
Búinn að vera að leika síðan ég
útskrifaðist úr norska leik-
listarháskólanum 2002. Fyrst
fimm ár úti og síðan flutti ég
heim 2007. Bíó og sjónvarp og
leikhús.
FÆÐINGARÁR OG HVAÐ GERÐ-
IST MARKVERÐAST Á ÞVÍ ÁRI:
1980. John Lennon var skotinn
til bana. Yoko Ono stóð við
hliðina á honum. Bandaríkin
fóru inn í Afganistan ...
■ Á uppleið
Medister-pylsur
og kjötfars.
Almúginn neyðist
til að borða unnar
kjötvörur á þeim
síðustu
og verstu.
Vísindamenn í
Kaliforníu. Búnir að
semja mikla fræðirit-
gerð um hvernig á að
drepa flugur rétt með
dagblaði. Enda bráð-
nauðsynleg vitneskja.
Vaðstígvél. Eini
praktíski fótbún-
aður íslendinga.
Mælum með þeim
háglansandi og í
sixtís- geimstíl.
Megrunarkúrar.
Nýjasti kúrinn í
Bretlandi er kúrinn þar
sem maður borðar
aðeins annan hvern
dag. Hljómar vel á
krepputímum.
The Ting Tings. Þessi hljómsveit á
eftir að hertaka eyru okkar í vetur.
■ Á niðurleið
Möndlumjólk og lífrænn matur.
Hver hefur efni á því að vera með
óþol í kreppunni?
Mannfagnaðir í miðbæ. Gay-pride,
menningarnótt og hátíð heilags Ólafs
Stefs er yfirstaðin. Nú þarf enginn að
fara niður í bæ fyrr en á Þorlák. Sem
betur fer.
Fatnaður í reiðfatastíl. Á hverju
hausti er þetta myndað í Marie Claire
konur að halla sér upp að rauðum
gæðingi í leðurbættum tweed-jökk-
um. Virkar ekki í Reykjavík.
Tækifærissinnaðir ráðamenn.
Hvað voru heilbrigðis- og umhverfis-
ráðherra að gera upp á svið til að
hossa sér þegar fólk vildi bara klappa
fyrir Strákunum okkar?
Steggjanir og gæsanir. Ekki hægt
að þverfóta fyrir fullu fólki að gera sig
að algjörum fíflum á Laugaveginum.
Þetta fyrirbæri þarf að stöðva strax.
MÆLISTIKAN