Fréttablaðið - 19.09.2008, Qupperneq 49

hafskipsmálið
upp úr kafinu
hafskipsmálið var á sínum tíma einhver mestu tíðindin í íslenskri
viðskiptasögu. En þegar skiptastjórar í þrotabúi skipafélagsins luku
störfum kom í ljós það sem margir höfðu lengi talið: Félagið hefði
varla orðið gjaldþrota ef eðlilega hefði verið að málum staðið.
Að baki var ævintýraleg umfjöllun fjölmiðla með Helgarpóstinn
í broddi fylkingar, harður atgangur í sölum Alþingis og dæmalaus
framganga embættismanna. Stjórnendur félagsins voru hnepptir
í gæsluvarðhald í margar vikur og réttur þeirra virðist hafa verið
fótum troðinn í krafti hins opinbera valds.
Hvernig horfir Hafskipsmálið við nú?
www.forlagid.is
Höfundur bókarinnar er STEFÁN GUNNAR
SVEINSSON sagnfræðingur. Hann er
fæddur í Reykjavík árið 1981, útskrifaðist
með B.A.-próf í sagnfræði frá Háskóla
Íslands árið 2004 og M.A.-gráðu frá
London School of Economics árið 2006.
Afdrif Hafskips –
í boði hins opinbera
er glögg samantekt um málið
frá því hamagangurinn hófst
árið 1985 og allt þar til síðustu
dómarnir féllu í Hæstarétti
sex árum síðar. Höfundur rekur
með skýrum og aðgengilegum
hætti gang Hafskipsmálsins og
setur söguna í samhengi sem
vafalítið á eftir að vekja lesendur
til umhugsunar um vinnubrögð-
in sem viðhöfð voru.