Fréttablaðið - 26.09.2008, Blaðsíða 64
GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is EF BLAÐIÐ BERST EKKI: 512 5060
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Þórgunnar
Oddsdóttur
Vitanlega brá mér svolítið í gær þegar ég kíkti inn á fréttavef
Vísis og sá þar stórfrétt undir fyrir-
sögninni „Hrukkótt Terminator-
stjarna vekur athygli – myndir“.
Hugsið ykkur, hin 51 árs gamla
Linda Hamilton er komin með eina
eða tvær hrukkur, það er svakalegt.
Ég sem var nýbúin að jafna mig
eftir fréttirnar af bakspiki Jennifer
Lopez og slæmu útliti Courtney
Love, sem þykir óvenju sjúskuð
þessa dagana. Með hverri frétt
fylgdu óhugnanlegar myndir en
fæstar þó jafn viðbjóðslegar og
myndirnar af þeim Celine Dion, Evu
Longoriu og Gwyneth Paltrow sem
allar höfðu asnast til þess að láta sjá
sig ófarðaðar á almannafæri.
FRÉTTIR af útlitsskandölum
þekktra kvenna eru vinsælt lesefni.
Ef ekki væri fyrir fréttina af ofvirk-
um svitakirtlum Toms Cruise gæti
maður slysast til að álíta að þessi
fréttaflokkur væri birtingarmynd
kynjamisréttis, sprottinn fram af
þeim óraunhæfu kröfum sem við
gerum til útlits kvenna. En málið er
varla svo einfalt. Þetta er náttúr-
lega stórmerkilegur fréttaflutning-
ur og nauðsynlegur. Ég veit hrein-
lega ekki hvar ég væri stödd í lífinu
ef ég vissi ekki að Elle Macpherson
er með krumpuð hné og Jerry Hall
komin með appelsínuhúð.
ÞAÐ er erfitt að vera kona og nær
óhugsandi að vera falleg kona. Í
gegnum aldirnar hafa skáldin reynt
að blekkja okkur með hugljúfum
kveðskap um fegurð og þokka kven-
kynsins en það liggur auðvitað í
augum uppi að konur eru almennt
ófríðari frá náttúrunnar hendi en
karlar. Karlmönnum nægir að
bursta tennurnar ætli þeir að líta
vel út en við konurnar getum vart
látið sjá okkur án þess að vera vel
smurðar af kremum og málningu í
framan, hárlausar með öllu og með
uppáskrift frá lækni um að við
eigum pantaðan tíma í brjósta-
stækkun innan skamms. Ég las það
í vikunni að lýtaaðgerðir á kyn-
færum kvenna yrðu sífellt vinsælli
og það bara meðal venjulegra hús-
mæðra í Bretlandi. Ég er ekki hissa,
hver vill vera með of síða skapa-
barma á þessum síðustu og verstu
tímum?
FRÉTTIRNAR af útlitsvandamál-
um átrúnaðargoðanna í Hollywood,
sem eru víst með svitaholur og
lærapoka eftir allt saman, hljóta að
hafa göfugan tilgang. Þær eru
eflaust settar fram til að láta okkur,
sem tilheyrum ljótara kyninu, líða
örlítið betur. Að sjá Pamelu Ander-
son án andlitsfarða og fá þannig
staðfestingu á að hún er alveg jafn
ljót og við hinar gerir miklu meira
fyrir sjálfstraustið en innihaldslaus
huggunarorð um að fegurðin komi
að innan.
Ljótara kynið
Tveggja manna herbergi
á kr. 5.000 nóttin
Svefnpokapláss
kr. 1.500 nóttin
Gesthús Dúna
Gesthús Dúna - Suðurhlíð 35 - 105 Reykjavík
Pantanir: 588-2100 / duna@islandia.is
Í dag er föstudagurinn
26. september, 270. dagur ársins.
7.23 13.19 19.13
7.08 13.04 18.57