Fréttablaðið - 30.09.2008, Page 8
8 30. september 2008 ÞRIÐJUDAGUR
Samtök iðnaðarins - www.si.is
Ísland – ESB – Evra
Starfsgreinasamband Íslands og Samtök iðnaðarins bjóða til
ráðstefnu um mögulega aðild Íslands að ESB og upptöku evru
2. október kl. 13.30-16.00 Sal H, Hilton Reykjavík Nordica
Dagskrá:
Ávarp
Kristján Gunnarsson, formaður Starfsgreinasambands Íslands
Áhrif aðildar Finnlands að ESB og EMU á finnskan iðnað
Daníel Vartikari, Industri anställda i Norden
Umræður og fyrirspurnir
Kaffihlé
Hvað breytist raunverulega við aðild að Evrópusambandinu?
Aðalsteinn Leifsson, lektor og forstöðumaður MBA í Háskólanum í Reykjavík
Áhrif upptöku evru á íslenskan vinnumarkað
Ólafur Darri Andrason, hagfræðingur ASÍ
Umræður og fyrirspurnir
Fundarstjóri er Jón Steindór Valdimarsson, framkvæmdastjóri SI
Fundurinn er öllum opinn og ókeypis, skráning fer fram á netfangið
mottaka@.si.is.
Ríkið lagði um 84 milljarða króna
inn í Glitni með samkomulagi sem
kynnt var í gær til að bjarga bank-
anum frá gjaldþroti. Ríkið eignað-
ist með þessu 75 prósenta hlut í
bankanum, en markmiðið er að
tryggja stöðugleika í fjármálakerf-
inu.
Hefði ekki verið gripið til þess-
ara aðgerða hefði Glitnir komist í
þrot innan skamms, sagði Davíð
Oddsson seðlabankastjóri á fundi
með fjölmiðlafólki í Seðlabankan-
um í gær. Með aðgerðunum sagði
hann tryggt að rekstur bankans
yrði með eðlilegum hætti áfram.
Gengið var frá samkomulagi
milli ríkisstjórnar Íslands og eig-
enda Glitnis um björgunaraðgerð-
irnar á fundum um helgina, að
höfðu samráði við Seðlabanka
Íslands og fjármálaeftirlitið.
Geir H. Haarde forsætisráð-
herra sagði hádeginu í gær að
stjórnendur Glitnis hefðu óskað
eftir því að ríkið legði 600 milljónir
evra, um 84 milljarða króna, til
bankans. Ríkið hefði orðið við
þeirri beiðni, en fengið í staðinn
hlutafé í bankanum.
„Við höfum litið þannig til að
Glitnir banki sé traustur, vel rek-
inn og ábyrgur banki,“ sagði Davíð.
Nauðsynlegt hafi verið að koma til
móts við bankann til að tryggja
stöðugleika hér á landi.
Bæði Geir og Davíð lögðu áherslu
á að ríkið ætlaði sér ekki að eiga
hlut í Glitni lengi. Þeir sögðu báðir
að rekstur bankans stæði nú traust-
um fótum, og að þeir væntu þess að
hlutur ríkisins yrði síðar seldur,
líklega með hagnaði.
Seðlabankinn lagði 600 milljónir
evra úr gjaldeyrisvarasjóði bank-
ans til Glitnis, en Davíð sagðist
reikna með því að Alþingi myndi
ákveða að bæta bankanum það upp
með framlagi úr ríkissjóði.
Hluthafafundur í Glitni þarf að
samþykkja aðgerðir ríkisins. Davíð
sagði alla stærstu hluthafa bank-
ans hafa lýst því yfir skriflega að
þeir styddu aðgerðirnar.
Lárus Welding mun áfram gegna
starfi forstjóra bankans. Fjármála-
ráðherra, fyrir hönd ríkisins, mun
skipa stjórnarmenn í krafti 75 pró-
senta hlutar ríkisins.
„Þessi innkoma ríkisins styrkir
eiginfjárstöðu bankans mjög, og
tekur af allan vafa um fjárhags-
lega stöðu Glitnis,“ sagði Lárus á
fundi í Seðlabankanum í gær. Hann
segir að gripið hafi verið til svip-
aðra aðgerða í nágrannalöndunum,
sem endurspegli erfiðar aðstæður
á fjármálamörkuðum. Hann sagði
að viðskiptavinir myndu ekki finna
fyrir þessum breytingum.
brjann@frettabladid.is
Bjargar Glitni
frá gjaldþroti
Tilkynnt var um 84 milljarða króna hlutafjárkaup
ríkisins í Glitni í gær. Ríkið eignast 75 prósenta hlut
í bankanum. Lárus Welding verður áfram forstjóri.
BJÖRGUNARAÐGERÐIR Davíð Oddsson,
formaður bankastjórnar Seðlabankans,
kynnti björgunaraðgerðir ríkisins ásamt
Lárusi Welding, forstjóra Glitnis, á fundi í
Seðlabankanum í gærmorgun.
FRÉTTABLAÐIÐ/GVA
„Ég taldi þessa aðgerð ekki nauð-
synlega og að mögulegt hefði
verið að fara aðrar leiðir ef gefist
hefði lengri tími,“ segir Þorsteinn
M. Baldvinsson, stjórnarformað-
ur Glitnis. „Ég er fyrir hönd hlut-
hafa mjög ósáttur, en ánægður
fyrir hönd starfsfólks og við-
skiptavina bankans.“ Forstjóri
Glitnis segir að fyrirsjáanlegur
vandi í rekstri bankans hafi ekki
gefið eigendum aðra kosti en að
samþykkja hugmynd ríkisvalds-
ins og Seðlabankans um kaup rík-
isins á 75 prósentum hlutafjár í
bankanum fyrir 84 milljarða
króna.
Þorsteinn M. Baldvinsson segir
að hann hafi talið fram á síðustu
stundu að fært væri að fara aðra
leið en þá sem niðurstaða varð
um. „Orðrómurinn um bankann í
morgun [gærmorgun] breytti
síðan þeirri skoðun minni.“ Hann
segir að hugmyndin um þjóðnýt-
ingu bankans hafi komið frá ríkis-
valdinu og að það hafi verið „nið-
urstaða hluthafanna að þetta væri
betra en að samþykkja þetta ekki.
En fyrir mér er þessi niðurstaða
óásættanleg fyrir hluthafana“.
Lárus Welding, forstjóri Glitn-
is, segir að staða bankans sé trygg
eftir aðkomu ríkisvaldsins og
ástæðan fyrir kaupunum sé lausa-
fjárskortur á alþjóðlegum mörk-
uðum.
„Við lifum á sérstökum tímum
og við erum að sjá hamfaratíma
sem við höfum ekki séð áður.“
Hann segir að nokkrar leiðir hafi
verið ræddar til að koma bankan-
um til bjargar en vill ekki tíunda
þær sérstaklega. „Þetta var lausn
sem ríkisstjórn og Seðlabanki
komu mjög fljótt inn á.
Hún var rædd hjá stjórn og
stærstu hluthöfum og á endanum
fallist á að þetta væri skynsamleg
niðurstaða.“ Hann segir að hug-
myndin hafi komið upp með stutt-
um fyrirvara. Það var á ábyrgð
stærstu hluthafa Glitnis að sam-
þykkja hana með fyrirvara um
niðurstöðu hluthafafundar sem
haldinn verður í næstu viku.
Spurður um hvort frekari áföll
séu fyrirsjáanleg í rekstri bank-
ans segir Lárus að viðsjárverðir
tímar séu framundan. „Við höfum
ekki séð fyrir önnur stór áföll hjá
fyrirtækinu en það er ljóst að ef
vaxtastigið verður hátt áfram
verður þetta erfitt.“
Lárus segir að engar uppsagnir
muni fylgja í kjölfar þeirra breyt-
inga sem orðið hafa á rekstri
bankans. „Og viðskiptavinir hafa
ekkert að óttast. Það var fyrirsjá-
anlegur vandi og því var gripið til
þessara aðgerða.“ Lárus segir að
með ríkið sem eiganda verði bank-
inn vel í stakk búinn til að fjár-
magna sig í framtíðinni. Lárus og
Þorsteinn starfa áfram í yfir-
stjórn bankans og ekki er gert ráð
fyrir að aðrir stjórnendur hætti
störfum. svavar@frettabladid.is
Þjóðnýting var óþörf
Þorsteinn M. Baldvinsson, stjórnarformaður Glitnis, telur að þjóðnýting bank-
ans hafi ekki verið nauðsynleg aðgerð. Hann og forstjóri Glitnis gleðjast fyrir
hönd viðskiptavina og starfsfólks en segja niðurstöðuna áfall fyrir hluthafa.
KOMIÐ TIL FUNDAR Lárus Welding kom í höfuðstöðvar Glitnis eftir blaðamannafund
í Seðlabankanum á ellefta tímanum í gær. Framundan var fundur með starfsfólki þar
sem hann greindi frá þróun mála. FRÉTTABLAÐIÐ/VALLI
„Ég held að ríkis-
stjórnin hafi tekið
þann kost sem var
nauðsynlegur og
að þetta hafi verið
skárra en að lána
fé til að viðhalda
stöðu bankans,“
segir Guðjón
Arnar Kristjánsson,
formaður Frjálslynda flokksins. Með
aðgerðunum sé reynt að tryggja eðli-
lega bankastarfsemi og að viðskipta-
menn Glitnis verði ekki fyrir skaða.
Guðjón efast um að við breyttar
aðstæður sé rétt að sömu menn verði
áfram við stjórnvölinn í Glitni. „Það
hefði verið rétt að skipta um fólk,“
segir hann. - bþs
Guðjón Arnar Kristjánsson:
Ætti að skipta um
stjórnendur
„Eins og þetta var
lagt upp fyrir okkur
var þetta óumflýj-
anlegt,“ segir Guðni
Ágústsson, formaður
Framsóknarflokks-
ins. Ráðstöfunin
sýni að menn vilji
standa með spari-
fjáreigendum.
Guðni telur
ríkisstjórnina bera mikla ábyrgð á
því hvernig komið sé þótt ljóst sé
að stjórnendur Glitnis og annarra
fyrirtækja hafi farið offari á margan
hátt. „Ef stjórnvöld hefðu tekið mark
á því fyrir ári að fjármálakreppa væri
að skella á hefði verið hægt að vinna
markvissar með bönkunum.“ - bþs
Guðni Ágústsson:
Stjórnvöld bera
mikla ábyrgð
„Mér er efst í huga
núna hvað þeir
hugsa sem mest
mærðu einkavæð-
ingu bankanna og
þessa útrásar- og
nýfrjálshyggjuvæð-
ingu sem Ísland
gekk í gegnum,“
segir Steingrímur J.
Sigfússon, formað-
ur VG.
Hann telur að ef einhver inngrip
ríkisins hafi verið óumflýjanleg hafi
verið illskásti kosturinn að fara þá
leið sem valin var. „Mér finnst þetta
hreinlegri leið og líklegri til að gæta
hagsmuna almennings þar sem
þessi aðstoð ríkisins er þó eign í
banka sem getur átt eftir að verða
verðmætur síðar. En það að ríkið
færi út í stórfellda fyrirgreiðslu út
á óljósar eða kannski nánast engar
tryggingar það er björgunarleiðangur
þar sem reynt er að bjarga eigend-
unum án þess að þeir tækju neitt af
skellinum.“
Steingrímur segir mikilvægt að
allir hafi í huga að ríkið grípi ekki til
þessara aðgerða svo allt geti haldið
áfram óbreytt.
Endurskoða þurfi launakjör og
fríðindi starfsfólks Glitnis þó þegar
hafi ýmislegt verið gert í þeim efnum
undir forystu Þorsteins Más Baldvins-
sonar stjórnarformanns.
Þá telur Steingrímur þetta til
marks um skipbrot þeirrar hug-
myndafræði sem rekið hafi menn
áfram í viðskiptum að undanförnu.
„Græðgiskapítalisminn er einfaldlega
búinn að éta sig upp innan frá,“
segir hann og kallar eftir siðvæðingu
fjármálageirans. - bþs
Steingrímur J. Sigfússon
Hugmyndafræði-
legt skipbrot
HAMFARIR Á FJÁRMÁLAMARKAÐI