Fréttablaðið - 04.10.2008, Blaðsíða 6

6 4. október 2008 LAUGARDAGUR
DÓMSMÁL Embætti ríkissaksókn-
ara hefur borist krafa um opin-
bera rannsókn á Hafskipsmálinu.
Hæstaréttarlögmennirnir Ragn-
ar Aðalsteinsson og Sigríður Rut
Júlíusdóttir sendu inn erindið
fyrir hönd Hafskipsmanna; þeirra
Björgólfs Guðmundssonar, Páls
Braga Kristjónssonar, Þórðar H.
Hilmarssonar og Helga Magnús-
sonar.
Krafan beinist að meintum
brotum þeirra Ragnars H. Hall og
Markúsar Sigurbjörnssonar, fyrr-
verandi dómurum við skiptarétt
Reykjavíkur, Gunnlaugs Claessen,
fyrrverandi ríkislögmanns, Jón-
atans Þórmundssonar, fyrrver-
andi ríkissaksóknara og Hallvarð-
ar Einvarðssonar, fyrrverandi
rannsóknarlögreglustjóra ríkis-
ins, auk starfsmanna embætta
ríkissaksóknara og rannsóknar-
lögreglu ríkisins.
Valtýr Sigurðsson ríkissak-
sóknari staðfestir að krafan hafi
borist embættinu á fimmtudag.
„Það verður tekin afstaða til þess-
arar beiðni fljótlega. Hún er
reyndar mjög viðamikil, en þegar
farið hefur verið yfir hana verður
ákveðið hvort orðið verður við
henni.“ Að sögn Valtýs er beiðnin
„á annað hundrað síður“, þar sem
það er tíundað hvað hæstaréttar-
lögmennirnir telja að hafi farið
úrskeiðis við meðferð Hafskips-
málsins. „Þetta eru um tuttugu
atriði sem óskað er eftir að verði
skoðuð,“ segir Valtýr.
Ragnar Aðalsteinsson vill ekki
tjá sig um málið að öðru leyti en
því að hann staðfesti að erindið
hafi verið sent inn. Hann segir
ekki tímabært að greina frá ein-
stökum efnisþáttum kröfunnar né
hverju kærendur vilja ná fram
með rannsókninni.
Beiðnin er sett fram á grund-
velli fjórðu málsgreinar 66. grein-
ar laga um meðferð opinberra
mála: „Þegar sérstaklega stendur
á er ríkissaksóknara heimilt að
mæla fyrir um rannsókn þótt ætla
megi að refsingu verði ekki við
komið, svo sem vegna þess að sök
er fyrnd, ef ríkir almanna- og
einkahagsmunir mæla með því.“
Þessi heimild var sett í lög vegna
máls Magnúsar Leópoldssonar
sem var á sínum tíma grunaður
um aðild að hvarfi Geirfinns Ein-
arssonar í Keflavík og látinn sæta
gæsluvarðhaldi vegna þess á
fyrri hluta árs 1976.
svavar@frettabladid.is
Rannsóknar krafist
á Hafskipsmálinu
Embætti ríkissaksóknara hefur borist krafa um opinbera rannsókn á Hafskips-
málinu. Tveir hæstaréttarlögmenn sendu inn erindið fyrir hönd fjögurra Haf-
skipsmanna og er það rúmlega 100 síður og tekur til 20 atriða í málsmeðferðinni.
Hafskipsmálið var umfangs-
mikið gjaldþrotamál skipafé-
lagsins Hafskips hf. á árunum
1885 til 1991. Málið teygði
anga sína víða sem kom ekki
síst fram í ítarlegri umfjöllun
fjölmiðla, en málið rataði
einnig inn í sali Alþingis.
Stjórnendur Hafskips og
Útvegsbankans, sem var við-
skiptabanki fyrirtækisins, voru
kærðir, alls 17 einstaklingar.
Dómsmáli lauk í júní 1991,
fimm árum eftir gjaldþrotið,
með því að fjórir æðstu menn
Hafskips voru dæmdir sekir
um brot á lögum.
HAFSKIPSMÁLIÐ Í NOKKRUM ORÐUM
HELGI
MAGNÚSSON
VALTÝR
SIGURÐSSON
BJÖRGÓLFUR
GUÐMUNDS-
SON
ÞÓRÐUR H.
HILMARSSON
PÁLL BRAGI
KRISTJÓNSSON
FORSÍÐA HELGARPÓSTSINS Hafskipsmálið er
löngum rakið til umfjöllunar Helgarpóstsins.
VERSLUN Framkvæmdastjóri
vörustýringasviðs Olís tekur ekki
undir með Hermanni Guðmunds-
syni, forstjóra N1, sem sagði í
fjölmiðlum í gær að hætta væri á
eldsneytisskorti hérlendis vegna
stöðunnar í gjaldeyrismálunum
„Við fáum gjaldeyri til að
greiða fyrir okkar innkaup og
erum í góðu samstarfi við
viðskiptabanka okkar og teljum
að þannig verði það áfram,“ segir
Samúel Guðmundsson sem ítrekar
að staðan hjá Olís sé góð. „Við
borgum okkar reikninga á
gjalddaga eins og við höfum alltaf
gert og reynum að sinna okkar
rekstri vel.“ - gar
Olís býst ekki við olíuskorti:
Hafa gjaldeyri
fyrir bensíninu
Er kominn tími á þjóðstjórn?
Já 36,5%
Nei 63,5%
SPURNING DAGSINS Í DAG
Ætlar þú að sækja opnunar-
hátíðina á Korputorgi um
helgina?
Segðu þína skoðun á visir.is
RÚIN TRAUSTI Fylgi ríkisstjórnarinnar
mældist um áttatíu prósent í upphafi
kjörtímabilsins í fyrra.
KÖNNUN Stuðningur við ríkis-
stjórnina hefur hrunið og fólk
virðist hafa misst tiltrú á stjórn-
málamönnum, hvort sem þeir
tilheyra stjórn eða stjórnarand-
stöðu. Þetta kom fram í skoðana-
könnun sem unnin var fyrir Stöð 2
og greint var frá í gær.
Ríkisstjórnin nýtur stuðnings
35 prósenta þeirra sem spurð
voru hvort þau styddu ríkisstjórn-
ina en 65 prósent svöruðu
spurningunni neitandi.
Einn af hverjum tíu var
óákveðinn og fjögur prósent
aðspurðra vildi ekki svara. Ef
tillit er tekið til þeirra við
útreikning sagðist 30 prósent
aðspurðra styðja ríkisstjórnina en
56 prósent svöruðu því neitandi.
Fylgi ríkisstjórnarinnar
mældist tæplega 80 pósent í
könnun Gallup í upphafi kjörtíma-
bilsins. - kdk
Skoðanakönnun Stöðvar 2:
Innan við þriðj-
ungur styður
ríkisstjónina
FÓLK Plata undir nýtt íbúðarhús á
Finnbogastöðum í Trékyllisvík
var steypt á miðvikudag að því
er segir á trekyllisvik.blog.is.
Gamla húsið á Finnbogastöð-
um brann ofan af Guðmundi
Þorsteinssyni bónda um miðjan
júní. Söfnun til styrktar Guð-
mundi var strax sett í gang. Á
miðvikudag færði Kristmundur
Kristmundsson, formaður Félags
Árneshreppsbúa, Guðmundi sex
og hálfa milljón króna sem
safnast hafa. Söfnuninni er þó
ekki lokið. Húseiningarnar frá
Kanada eru væntanlegar til
landsins á næstu dögum. „Allt
stefnir í að takmarkið náist: Að
Mundi og fjölskylda geti haldið
jólin í nýju húsi,“ segir á
heimasíðunni. - gar
Botnplata á Finnbogastöðum:
Söfnun komin í
6,5 milljónir
Harper í vörn
John Harper, forsætisráðherra Kanada,
sætti hörðum árásum af hálfu pólit-
ískra mótherja sinna í sjónvarpskapp-
ræðum í fyrrakvöld. Harper hraktist út
í að viðurkenna að ákvörðun sín um
að styðja innrásina í Írak árið 2003
hefði verið mistök. Kosið verður 14.
október.
KANADA
HONG KONG, AP Breski súkkulaði-
framleiðandinn Cadbury hefur
innkallað vörur sem framleiddar
hafa verið fyrir fyrirtækið í Kína
vegna gruns um melamínmengun.
Um er að ræða ellefu súkkulaði-
tegundir sem dreift var til sölu í
Ástralíu, Taívan og Kong Kong.
Þá hafa tveir banda-
rískir matvæla-
framleiðend-
ur, Kraft
Foods
og Mars,
innkallað
súkkulaði
sem
framleitt
var í Kína
til sölu í Indónesíu. Fundist hefur
hátt hlutfall af melamíni í þessum
vörum en talsmenn fyrirtækjanna
segjast vilja gangast fyrir eigin
rannsóknum með óháðum
sérfræðingum til að ganga úr
skugga um málið. - gar
Mjólkurmengunin í Kína:
Grunur beinist
að súkkulaði
SNICKERS
Fyrirtækið Mars
Inc. innkallar meðal
annars Snickers og M&M í
Indónesíu.
KJÖRKASSINN
STJÓRNMÁL Þingflokkur Framsókn-
arflokksins stendur allur að frum-
varpi sem miðar að því að faglega
sé staðið að ráðningu Seðlabanka-
stjóra. Höskuldur Þór Þórhallsson,
þingmaður flokksins, sagðist í
Fréttablaðinu í vikunni vonast til
að einhver stjórnarliði yrði í hópi
flutningsmanna en svo er ekki.
Samkvæmt frumvarpinu ber að
auglýsa stöður seðlabankastjóra
og verður gerð krafa um reynslu
og þekkingu á sviði peninga- og
efnahagsmála. Einnig verður við-
komandi að hafa háskólapróf á
þessum sviðum.
Í gildandi lögum eru ekki gerðar
kröfur um menntun eða þekkingu.
Í greinargerð frumvarpsins
segir að Seðlabankinn hafi haft
forystu um þjóðnýtingu Glitnis og
engum megi dyljast að slík ákvörð-
un sé tekin út frá faglegum for-
sendum en ekki pólitískum.
Í frumvarpinu er einnig lagt til
að fundargerðir vaxtaákvarðana-
funda bankastjórnar Seðlabankans
verði birtar. Í þeim skuli gerð
grein fyrir forsendum ákvörðun-
arinnar og þeim markmiðum sem
eigi að nást með henni.
Er þetta lagt til í þeim tilgangi
að auka tiltrú á Seðlabankanum og
auka gagnsæi á stýrivaxtaákvörð-
un bankans sem um leið fengi
nauðsynlegt aðhald og málefnaleg
umræða myndi aukast.
- bþs
Framsóknarflokkurinn vill faglega Seðlabankastjóra:
Fundagerðir Seðlabanka verði birtar
FRAMSÓKNARMENN vilja breytt lög um
Seðlabankann.