Fréttablaðið - 04.10.2008, Blaðsíða 74

50 4. október 2008 LAUGARDAGUR
sport@frettabladid.is
Fjölnismenn eru að leika til úrslita í VISA-
bikarnum annað árið í röð en þjálfarinn
Ásmundur Arnarsson telur nú lið sitt
betur í stakk búið til þess að fara
með sigur af hólmi heldur en í fyrra.
„Við erum reynslunni ríkari, bæði
af því að spila nákvæmlega svona
leik og eins eftir að hafa spilað
sumarið í efstu deild, þannig
að við erum tilbúnari til þess
að klára verkefni sem þetta.
Við komum því í leikinn með
það að markmiði og ekkert
annað,“ segir Ásmundur
ákveðinn.
„Þessi úrslitaleikur sem
framundan er hjálpaði okkur
líka til þess að klára deildina
með sæmd því hver og einn
leikmaður innan hópsins vill náttúrulega
vera í byrjunarliðinu í þeim leik og því verða
menn að halda sér á tánum. Það er því
jákvætt vandamál hjá mér að velja úr út
af mikilli samkeppni um stöður,“ segir
Ásmundur.
„KR er stórveldi og
er sigurstranglegra
liðið, það liggur
fyrir. Ég lít dálítið á
þetta eins og gamla
stórveldið sé að mæta
einu yngsta og efnileg-
asta félagi landsins og það
er skemmtilegur viðburður.
Þetta er að sama skapi próf
fyrir okkur að sýna það að
við séum tilbúnir að stíga
upp úr því að vera ungir og
efnilegir í að verða góðir, með titil í höndun-
um,“ segir Ásmundur.
Logi Ólafsson, þjálfari KR, er fullur til-
hlökkunar fyrir leikinn þó svo að hann geri
sér grein fyrir því að KR-inga bíði erfitt
verkefni.
„Við erum að fara að mæta spræku liði
sem hefur verið að spila vel í sumar og
hefur það kannski fram yfir okkur að vera
með reynsluna af því að leika úrslita-
leikinn í fyrra. Það er aftur á móti fínt
sjálfstraust í okkar liði og við förum inn
í úrslitaleikinn af fítonskrafti og ætlum
auðvitað að vinna hann,“ segir Logi.
„Við nálgumst þetta verkefni eins og
hvern annan leik sem við höfum spil-
að í sumar, með því að hafa gaman af
því sem við erum að gera og standa
okkur vel,“ segir Logi.
ÞJÁLFARARNIR ÁSMUNDUR ARNARSSON OG LOGI ÓLAFSSON: ALLT TIL STAÐAR FYRIR FRÁBÆRAN ÚRSLITALEIK
Unga og efnilega félagið gegn gamla stórveldinu
FÓTBOLTI Bæði Fjölnir og KR hafa
verið á miklu skriði síðustu vikur
fyrir úrslitaleikinn en Fjölnis-
menn unnu síðustu þrjá leiki sína í
Landsbankadeildinni með saman-
lagðri markatölu 9-1 og KR-ingar
hafa leikið átta leiki í röð án taps,
sjö í Landsbankadeildinni og einn
í bikar.
„Við erum búnir að bíða eftir
þessum leik í þó nokkurn tíma og
eftirvæntingin er vissulega mikil.
Við ákváðum engu að síður að
klára deildina með sæmd og gerð-
um það og við héldum okkur
þannig á tánum og unnum í sjálfs-
traustinu til þess að mæta tilbúnir
í þennan leik,“ segir Jónas Guðni
Sævarsson, fyrirliði KR.
Jónas Guðni á von á erfiðum
leik en vill ekki meina að sumarið
sé eintóm vonbrigði fyrir KR, fari
svo að félagið landi ekki bikarn-
um.
„Við vitum að þetta verður erf-
iður leikur því Fjölnir er með
hörkulið sem hefur gert fína hluti
með því að enda í sjötta sæti á sínu
fyrsta ári í efstu deild. Við enduð-
um í fjórða sæti, stigi á eftir Fram,
sem er ef til vill ekki ásættanlegur
árangur.
En ef mið er tekið af gengi okkar
síðasta sumar og þeim manna-
breytingum sem urðu í liðinu fyrir
þetta sumar þá er vel hægt að una
við þessa niðurstöðu, sér í lagi ef
við vinnum bikarinn,“ segir Jónas
Guðni.
Jónas Guðni hefur jákvæða
reynslu af því að leika til úrslita í
bikarnum og leikurinn í dag verð-
ur hans þriðji en hann vann hina
tvo með Keflavík árin 2004 og
2006.
„Það er engu líkt að vinna bikar-
inn í stærsta leik sumarsins og
þetta er klárlega upplifun sem
maður vill endurtaka aftur og
aftur,“ segir Jónas Guðni.
Magnús Ingi Einarsson, fyrir-
liði Fjölnis, rétt missti af því að
hampa bikarnum í fyrrasumar
þegar Fjölnir, sem lék þá í 1. deild,
tapaði gegn FH í framlengdum
úrslitaleik. Hann telur að Fjölnir
eigi ef til vill raunhæfari mögu-
leika á að vinna bikarinn núna.
„Þó svo að bikarleikir séu dálít-
ið frábrugðnir öðrum leikjum þar
sem allt virðist geta gerst þá má
segja að við séum í annarri stöðu
núna en í fyrra og eigum ef til vill
raunhæfari möguleika á því að
vinna leikinn,“ segir Magnús Ingi.
Fjölnir hefur verið kallað „bik-
arlið“ vegna góðs árangurs síð-
ustu ár og Magnús Ingi er sáttur
við þá nafngift en á von á erfiðum
leik gegn KR.
„Bikarlið eru væntanlega þau
lið sem standa sig vel í bikarnum
og það á vissulega við um okkur.
Við erum að leika til úrslita í bik-
arnum annað árið í röð og höfum
einhvern veginn alltaf náð að gíra
okkur sérstaklega vel upp í þessa
bikarleiki.
KR er stærsta lið Íslands og það
er alveg sama hvaða tölfræði er
skoðuð, þá er hefðin alltaf þeirra.
Það er bara frábært fyrir okkur að
mæta svoleiðis liði og ég hef trú á
því að leikurinn verði hin besta
skemmtun. Það er líka góð stemn-
ing í kringum bæði liðin og ég á
von á góðri mætingu í stúkunni.
Ég veit allavega af því að Kára-
menn eru búnir að undirbúa sig
undir þennan leik í þó nokkurn
tíma og koma grimmari og fjöl-
mennari en nokkru sinni fyrr,“
segir Magnús Ingi.
Miðjan mætir Káramönnum
Stuðningsmenn beggja félaga taka
daginn snemma og skipulagðar
fjölskylduhátíðir verða í Íþrótta-
húsinu Dalhúsum fyrir Fjölnis-
menn og í DHL-höllinni fyrir KR-
inga og hefjast á slaginu 10.
omar@frettabladid.is
Stærsti leikur sumarsins í dag
Það verður allt lagt í sölurnar þegar Fjölnir og KR mætast í úrslitaleik VISA-bikars karla á Laugardalsvelli
kl. 14 í dag. Auk bikarsins er þátttökuréttur í Evrópukeppni félagsliða í boði fyrir sigurvegarana.
ALLT LAGT UNDIR Það má búast við spennandi og skemmtilegum leik þegar Fjölnir og KR mætast í úrslitum VISA-bikars karla á
Laugardalsvelli í dag. Baráttan verður væntanlega gríðarleg bæði innan vallar og utan þar sem harðakjarnastuðningsmenn félag-
anna, Káramenn og Miðjan, eigast við. FRÉTTABLAÐIÐ/ANTON
FÓTBOLTI Laugardalsvöllurinn
verður tilbúinn fyrir bikarúr-
slitaleikinn í dag þrátt fyrir að í
gærmorgun hafi 10 sm snjólag
verið yfir vellinum. Jóhann Krist-
insson, vallarstjóri, kallaði til
gott fólk og talið er að mokað hafi
verið um 800 rúmmetrum af snjó
af vellinum í gær.
„Það er gott að eiga marga vini.
Það hafa allir sameinast um að
gera völlinn tilbúinn. Völlurinn
er nánast auður,“ sagði Jóhann
þegar Fréttablaðið náði í hann í
gær. Jóhann fékk góða hjálp í
gær því starfsmenn golfklúbb-
anna á höfuðborgarsvæðinu, vall-
arstarfsmenn og skrifstofufólkið
hjá KSÍ hjálpuðu honum við að
gera völlinn kláran.
„Völlurinn er aumur eftir að
við erum búin að hnoðast á honum
í allan dag. Við erum kannski að
fara illa með grasið en leikurinn
á morgun mun ekkert skemma
meira en ef leikið væri á blautum
velli,“ sagði Jóhann en engin vél
nýttist við moksturinn.
„Það er vandamálið að um leið
og vél spólar einu sinni þá er hún
búin að búa til gat sem erfitt er
að laga,“ sagði Jóhann að lokum.
- óój
Laugardalsvöllur var með 10 cm snjólag í gær en verður klár fyrir bikarúrslitin:
Margar hendur vinna létt verk
Á FULLRI FERÐ Jóhann Kristinsson vallar-
stjóri að moka í gær.
FRÉTTABLAÐIÐ/PJETUR
FÓTBOLTI Það eru tvö Reykjavíkur-
lið sem mætast í bikaúrslitaleik
karla í dag og er þetta í þrettánda
sinn sem úrslitaleikurinn er
slagur milli tveggja borgarliða.
Fjölnismenn, sem eru að spila
sinn annan úrslitaleik, eru að
spila sinn fyrsta Reykjavíkurslag
í bikarúrslitum en KR-ingar eru
aftur á móti að mæta nágranna-
liði úr Reykjavík í áttunda sinn í
bikarúrslitaleik.
KR hefur gengið vel gegn
Reykjavíkurliðum í bikarúrslitum
því liðið hefur unnið fimm af
þessum sjö leikjum. Síðasti
Reykjavíkurslagur félagsins var
árið 1995 þegar KR vann 2-1 sigur
á Fram. KR tapaði hins vegar
borgarslögum sínum 1990 (Valur)
og 1989 (Fram). - óój
Bikarúrslit karla í fótbolta:
Þrettándi borg-
arslagurinn
VISA-BIKARINN Það verður keppt um
þennan bikar í dag. FRÉTTABLAÐIÐ/STEFÁN
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d
. K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
1
99
k
r/
sk
ey
ti
ð
.
9.FIFA 09
· 250 breytingar frá síðustu útgáfu
· Grafíkin aldrei betri
· Fleiri spilunarmöguleikar
· Mun meiri hraði
· Aukinn viðbragðshraði leikmanna
· Besti FIFA til þessa
Ú T G Á F U D A G U R 3 . O K T Ó B E R
> Atli í stað Ragnars
Atli Hilmarsson var í gær ráðinn þjálfari kvennaliðs Stjörn-
unnar í handknattleik í stað Ragnars Hermannssonar sem
lét óvænt af störfum sem þjálfari. Ragnar þjálfaði Stjörn-
una ásamt Aðalsteini Reyni Eyjólfssyni á síðustu leiktíð
þegar liðið vann bæði Íslandsmeistaratitilinn og Eimskips-
bikarinn. Eins og fram kemur á heimasíðu
Stjörnunnar þá reyndi stjórn handknatt-
leiksdeildar félagsins að telja Ragnari
hughvarf, en þær tilraunir gengu ekki
upp en komið er á framfæri þakklæti
til Ragnars fyrir frábær störf í þágu
félagsins. Stjarnan hefur unnið
báða leiki sína í N1-deild kvenna
til þessa, gegn Haukum og Val.