Fréttablaðið - 04.10.2008, Blaðsíða 13
LAUGARDAGUR 4. október 2008
„Þetta er fyrsta skrefið af mörg-
um,“ sagði Össur Skarphéðins-
son iðnaðarráðherra áður en
hann skrifaði undir stofnun um
samstarfsvettvang fyrir upp-
byggingu hátækniiðnaðs og
sprotafyrirtækja á Sprotaþingi
Íslands í gærmorgun. Vettvang-
urinn mun starfa í þrjú ár til að
byrja með.
Að vettvanginum koma fjár-
mála,- iðnaðar-, menntamála- og
utanríkisráðuneyti auk Samtaka
sprotafyrirtækja, Samtaka
íslenskra líftæknifyrirtækja,
upplýsingatæknifyrirtækja og
Samtök iðnaðarins.
Stjórnvöld og Samtök iðnaðar-
ins leggja hvort um sig 3,5 millj-
ónir króna á ári til verkefnisins.
Dr. Jón Ágúst Þorsteinsson,
forstjóri Marorku, sagði vett-
vanginn mikilvægan fyrir sprota-
og nýsköpunarfyrirtæki og lagði
áherslu á að slíkt væri aðeins
mögulegt með samstilltu átaki
allra aðila. Benti hann á að
nýsköpunarfyrirtæki þurfi lang-
an tíma til að koma vöru sinni á
markað, eða um fimmtán ár. - jab
Samstilltur stuðn-
ingur við sprotana
ÖSSUR Í PONTU Sprotafyrirtæki þurfa allt að fimmtán ár til að koma vöru sinni á
markað. FRÉTTABLAÐIÐ/GVA
Ríkisstjóri Kalíforníu, Arnold
Schwarzenegger, tilkynnti fjár-
málaráðherra Bandaríkjanna á
fimmtudag að Kalíforníuríki kynni
að þurfa sjö milljarða dollara neyð-
arlán frá alríkinu. Ástæðan er bág
lausafjárstaða Kalíforníuríkis, en
ríkið hefur ekki getað fengið lán á
alþjóðlegum fjármálamörkuðum
sökum fjármálakreppunnar.
Nokkur önnur ríki Bandaríkj-
anna hafa lent í vandræðum með
lántökur undanfarið. Ríki hafa
þurft að fresta framkvæmdum
vegna þessa, en Schwarzenegger
varar við því að Kalífornía muni
ekki geta greitt kennurum og
öðrum ríkisstarfsmönnum laun ef
ekki rætist úr fyrir 28 október.
- msh
Kalífornía vill neyðarlán
TORTÍMANDINN Arnold Schwarzenegg-
er, ríkisstjóri Kalíforníu, hefur sent Henry
Paulson bréf þar sem beðið er um
neyðarlán. MARKAÐURINN/AP
*Innifalið er allt að 6.000 kr í GSM og 6.000 kr til 30 helstu viðskiptalanda Íslands. Símtöl í 118 og 900 númer eru gjaldfærð.
Komdu með allt í Gull
Lifðu núna
Þú færð Ofurheimasímann. Allt innifalið, símtöl í alla aðra síma,
óháð kerfi – líka í GSM og til útlanda fyrir 3.490 kr.*
Þú færð lægsta mínútuverð í GSM, óháð kerfi
Þú færð mesta hraðann á Netinu
Þú færð okkar bestu kjör og sparnað sem er gulls ígildi
Vertu með allt á einum stað og skráðu þig strax
í nýja vildarþjónustu í 1414 eða á vodafone.is.
Vodafone Gull – það besta sem við bjóðum