Fréttablaðið - 04.10.2008, Blaðsíða 44

● heimili&hönnun
Stál og gler einkennir byggingarlist tuttugustu aldarinnar, en
nú á upphafsárum nýrrar aldar sjáum við áherslubreytingu
og gras og gróður er efniviður sem mun njóta vinsælda.
Græn þök, ekki grænmáluð heldur þakin gróðri, eru sett
á nýjar byggingar, sérstaklega í stórborgum þar sem gróð-
urmikil svæði eru af skornum skammti. Ítalski arkitekt-
inn Renzo Piano fékk náttúruna til liðs við sig þegar hann
hannaði grænt þak á byggingu Vísindaakademíu Kaliforníu í
Golden Gate-garðinum í San Francisco. Um einni komma sjö
milljónum plantna verður komið fyrir á þakinu, af níu ólík-
um tegundum. Auk þess sem þakið mun verða heimili ým-
issa dýrategunda, þar á meðal er San Bruno-fiðrildið sem er
í útrýmingarhættu. Þakið hvílir á fjórum hæðum þar sem til
stendur að skapa regnskóg.
Í París hannaði Dominique Perrault bókasafn í kringum
skóg og í sömu borg hafa menn gert tilraunir með að gróður-
setja utan á byggingar. Í Singapúr reis nýverið listaskóli sem
þakinn er grasi.
Við Íslendingar ættum að þekkja vel til grasigróinna þaka,
enda prýddu þau gömlu torfkofana okkar og hver veit nema
nútímaleg útfærsla á þeim slái í gegn á komandi árum. - keþ
Græn þök og vegggróður
● Líklega munu grasi grónar byggingar einkenna byggingarlist tuttugustu og fyrstu aldarinnar eftir
að stál og gler hafa verið einkennandi fyrir byggingarlist tuttugustu aldar. Náttúran er færð í borgina.
Í París hannaði Dominique Perrault bókasafn í kringum skóg og í
sömu borg hafa menn gert tilraunir með að gróðursetja utan á bygg-
ingar þannig að gróðurinn vaxi út úr veggnum.
Á þaki vísindaakademíunnar í San Francisco verða um ein komma sjö
milljónir plantna.
Á þessu þaki munu villtar dýrategundir eiga heimili, meðal annars
San Bruno-fiðrildið sem er í útrýmingarhættu.
Þakið á ráðhúsinu í Chicago.
Listaháskóli í Singapúr sem fellur inn í umhverfið með þessu sérstaka
þaki sem er alsett grasi.
Blómaakur á þaki í borginni Toronto í Kanada.
4. OKTÓBER 2008 LAUGARDAGUR10