Fréttablaðið - 09.10.2008, Blaðsíða 55

FIMMTUDAGUR 9. október 2008 35
Hljómsveitin Motion Boys vakti
töluverða athygli í fyrra fyrir lögin
Waiting to Happen, Hold Me Clos-
er to Your Heart og Steal Your
Love og á þessu ári er hún búin að
bæta tveimur lögum til viðbótar í
spilun, Queen of Hearts og Five 2
Love. Nú er fyrsta platan komin,
en hún inniheldur tólf lög, þar á
meðal smáskífulögin fimm.
Tónlist Motion Boys er undir
miklum og greinilegum áhrifum
frá nýrómantík og syntapoppi
níunda áratugarins. Eins og helstu
stjörnur þeirrar tónlistar þá notar
hún hljóðgervla mikið og tónlistin
er melódískt og oft dansvænt popp.
Söngurinn er líka oft 80’s-legur (til
dæmis falsetturnar í Queen of
Hearts!), en áhrifin koma víðar að
– 70’s nöfn eins og 10cc og Roxy
Music koma til dæmis stundum
upp í hugann.
Þar með er ég ekki að segja að
Motion Boys sé einhver retró
hermisveit. Það væri nær að lýsa
henni sem metnaðarfullri popp-
sveit sem hefur sérstaka hæfileika
til að semja melódísk og grípandi
lög og kann góð skil á poppsög-
unni. Aðal lagasmiður sveitarinn-
ar og söngvari, Birgir Ísleifur
Gunnarsson, hefur greinilega
mjög ákveðnar hugmyndir um
hvernig eigi að búa til plötu. Það er
fullt af útvarpsvænum smellum á
Hang On, en svo eru líka nokkur
breiðskífulög sem henta síður í
síspilun, en styrkja plötuna sem
heild og breikka svið sveitarinnar.
Þar á meðal má nefna Lost in the
City, Break, titillagið Hang On og
Beat of a Gun. Útsetningar og
hljóðvinna á plötunni eru sérstak-
lega vel heppnuð, hvort sem við
erum að tala um taktana, hljóð-
heiminn eða söngútsetningarnar.
Áhrif frá helsta átrúnaðargoði
Birgis Ísleifs, Bryan Ferry, eru
líka augljós. Eins og hjá Ferry er
glæsileikinn og fágunin í fyrir-
rúmi á Hold On, en áhrifin frá
þessum forsprakka Roxy Music
koma meðal annars fram í laga-
smíðum, útsetningum, söng og
hljóðvinnu auk þess sem glamúr-
gínan á forsíðu umslagsins er auð-
vitað bein tilvísun í plötuumslög
Roxy Music.
Á heildina litið er Hold On frá-
bær poppplata. Firnasterk frum-
smíð og ein af skemmtilegri plöt-
um ársins. Trausti Júlíusson
Fágun og glæsileiki
TÓNLIST
Hang on
Motion Boys
★★★★
Fágunin og glæsileikinn einkenna
þessa fyrstu plötu Motion Boys. Hún
er frábærlega unnin og full af grípandi
og melódískum popplögum.
JAMES HOLDEN Þeytir skífum á Nasa á
laugardagskvöld ásamt Nathan Fake.
Bresku plötusnúðarnir James
Holden og Nathan Fake troða upp
á Nasa á laugardagskvöld. Þrjú ár
eru liðin síðan Techno.is reyndi
fyrst að fá Holden hingað til
lands. Hingað til hefur hann verið
yfirbókaður á tónleikahátíðum
víðs vegar um heiminn en núna sá
hann sér loksins fært að mæta.
„Ég er búinn að flytja inn
marga plötusnúða og þeir hafa
ekki allir verið í uppáhaldi hjá
mér þótt þeir hafi verið vinsælir.
En þarna náði ég í uppáhalds-
plötusnúðinn minn og það var
rosalega erfitt að ná í hann,“
segir Addi Exos um Holden. „Árið
2004 náði hann að samhæfa ólíkar
stefnur í einn bræðing með því að
gera klúbbatónlist dálítið
elegant,“ bætir hann við.
Bæði Holden og Fake hafa sent
frá sér þekkt lög innan dans- og
raftónlistarinnar, þar á meðal The
Sky Was Pink, Horizons og
Nothing. Holden hefur á ferli
sínum endurhljóðblandað fyrir
þekkta flytjendur á borð við
Madonnu, Britney Spears og
Timo Maas. Lög Fake hafa meðal
annars verið notuð í auglýsingum
fyrir símarisann Motorola og í
sjónvarpsþáttunum CSI Miami.
Miðasala á tónleikana fer fram
í All Saints í Kringlunni. - fb
Holden loks-
ins til Íslands
Mick Jagger og Dave Stewart úr
Eurhythmics vinna nú saman að
nýrri plötu í Los Angeles. Þessir
kappar hafa ekki starfað saman
áður, en talið er að hér sé um að
ræða nýja sólóplötu frá Rollingn-
um. Þetta yrði þá fimmta
sólóplata Micks Jagger. Þessar
plötur hafa staðið nokkuð í
skugganum af verkum Rolling
Stones. Síðasta sólóplata Micks
kom út árið 2001 svo þann gamla
hlýtur að vera farið að klæja í
puttana.
Gamli enn að
JAGGERINN
síungi.
Ath. Gjöfin fæst aðeins í Lyfju Lágmúla og Lyfju Smáratorgi
Ef þú verslar vörur frá Estée Lauder fyrir 3.900 eða meira
í Lyfju Lágmúla og Lyfju Smáratorgi dagana 9. – 15. október færðu þessa fallegu gjöf*
· HydraComplete rakakrem
· Projectionist mascara – svartur
· Signature kinnalit – Rosette
· Pure Color varalit – Crystal Sun
· Pleasures - ilmvatn
· Allt þetta fyrir þig ásamt fallegri snyrtitösku.
*meðan birgðir endast
Verðgildi gjafarinnar er um kr. 8.900
Gjöfin þín í Lyfju
Lyftu hverju og einu augnhári og gefðu þeim dirfskufulla en þó lauflétta þykkt
Nýtt: Sumptuous Bold Volume ™ Lifting Mascara
Farðu lengra með augnhárin en þau hafa áður komist, alla leið að flottri, ófeiminni fegurð.
Þetta er byrjunin.
FORMÚLAN
Bold Volume™ Formula hefur að geyma einstakar örtrefjar sem gefa jafnvel gisnustu
augnhárum djarflega lyftingu og fyllingu, léttleika og daðurslega sveigju.
BURSTINN
Sérhönnuð burstagreiðan BrushComber™ færir þér þykkinguna sem fæst með burstanum
ásamt skýrri línu greiðunnar. Hvert einstakt augnhár öðlast lauflétta fyllingu og magnaða
sveigju.
ÁFERÐIN
Daðurþykk, munúðarsveigð og heillandi augnhár.
Strandgötu 43 | Hafnarfirði
Sími 565 5454