Fréttablaðið - 21.11.2008, Blaðsíða 12

12 21. nóvember 2008 FÖSTUDAGUR
HAUSKÚPA Í VÍNARBORG Vegfarendur
á Karlstorginu í Vínarborg reka þessa
dagana upp stór augu þegar þeir sjá
þessa hauskúpu, sem þar hefur verið
stillt upp. Hollenski listamaðurinn Joep
van Lieshout ber ábyrgð á öllu saman,
en í kúpunni er hægt að bregða sér í
gufubað. FRÉTTABLAÐIÐ/AP
ALÞINGI Samstarf við Alþjóðagjaldeyrissjóðinn
eykur traust á þeim skrefum sem við þurfum
að taka og er það samdóma álit þeirra sem að
þessari vinnu komu að samstarf við sjóðinn sé
ekki aðeins rétt heldur nauðsynlegt við
núverandi aðstæður.
Þetta sagði Geir H. Haarde forsætisráðherra
í þingumræðum um samkomulag stjórnvalda
og Alþjóðagjaldeyrissjóðsins í gær.
Samkomulagið miðar einkum að því að
endurvekja á traust á íslenskum efnahag og
koma á gengisstöðugleika, styrkja stöðu
ríkissjóðs og endurreisa bankakerfið.
Steingrímur J. Sigfússon, formaður VG, lýsti
áhyggjum af samkomulaginu og sagði það í
raun fela í sér yfirráð Alþjóðagjaldeyrissjóðs-
ins í mörgum veigamiklum málaflokkum. Hann
sagði skilyrði í ríkisfjármálum áhyggjuefni,
óvíst væri um kjaramál næstu misseri og
spurði hvort allt væri sagt eða hvort leyniskil-
málar hefðu verið gerðir sem ekki þyldu
dagsljósið. Þá fjallaði Steingrímur um áætlanir
um að verja gengi krónunnar þegar hún yrði
sett á flot á ný og sagði að tugir eða hundruð
milljarða gætu sóast í árangurslausum
tilraunum til þess.
Valgerður Sverrisdóttir, formaður Framsókn-
arflokksins, sagði það fagnaðarefni að sam-
komulagið væri í höfn og kvaðst trúa að með
lántökunum yrði trúverðugleiki byggður upp á
ný. Hún gagnrýndi þó seinagang og sagði blasa
við að Seðlabankinn hefði tafið framgang
málsins. Þá sagði Valgerður ríkisstjórnina
skorta framtíðarsýn auk þess sem hún taldi
hana of bjartsýna að telja kreppuna aðeins
standa í tvö ár.
Guðjón A. Kristjánsson, formaður Frjáls-
lynda flokksins, lagði út af mörg hundruð
milljarða króna skuldsetningu þjóðarinnar.
Byrðarnar yrðu þungar á komandi árum og
myndu lenda harðast á því fólki sem nú væri á
aldrinum 15 til 45 ára.
Bæði Guðjón og Grétar Mar Jónsson
flokksbróðir hans vildu vita um skilmála
lánanna frá Alþjóðagjaldeyrissjóðnum og þeim
sex Evrópuríkjum sem gefið hafa lánsvilyrði.
Þeir uppskáru þau svör frá forsætisráðherra og
utanríkisráðherra að lánskjörin lægju ekki
fyrir, samningaviðræðum þar um væri ekki
lokið. Þó var upplýst að lánið frá Alþjóðagjald-
eyrissjóðnum ætti að greiðast til baka á
árunum 2012–2015.
Ingibjörg Sólrún Gísladóttir utanríkisráð-
herra kvaðst líta svo á að með samkomulaginu
hefðu Íslendingar losnað úr ákveðinni herkví
og Árni Mathiesen fjármálaráðherra sagði að
nú hefðum við stigið fyrsta skrefið út úr
kreppunni. bjorn@frettabladid.is
Lán í höfn en ósamið um vexti
Ósamið er um kjör á þeim lánum sem ríkissjóður tekur í útlöndum. Fjármálaráðherra segir lánin og aðrar
aðgerðir fyrsta skrefið út úr kreppunni. Formaður VG óttast milljarðatap á tilraun til gengisstýringar.
MÁLIN RÆDD Samkomulag stjórnvalda og Alþjóðagjaldeyrissjóðsins var rætt á Alþingi í gær. Ingibjörg Sólrún
Gísladóttir og Geir H. Haarde hrósuðu happi yfir að málið væri frágengið. FRÉTTABLAÐIÐ/GVA
Öflugt háskólasamfélag er hornsteinn í þeirri
uppbyggingu sem nú bíður þjóðarinnar. Með
miða í Happdrætti Háskólans leggur þú þitt
af mörkum og átt um leið mikla möguleika á
frábærum vinningum.
Gakktu í hópinn og brostu og brostu!
- Þú færð miða á hhi.is eða hjá umboðsmanni.
...OG GÆTIR UM LEIÐ UNNIÐ
MILLJÓNIR
ÞÚ STYÐUR UPPBYGGINGU
HÁSKÓLA ÍSLANDS...
SAMFÉLAGSMÁL Samtökin Blátt
áfram hlutu í gær viðurkenningu
Barnaheilla fyrir sérstakt
framlag í þágu barna og mann-
réttinda þeirra. Þykja samtökin
hafa verið fremst í flokki þeirra
sem varpað hafa hulunni af
þeirri leynd sem hvílt hefur á
kynferðislegu ofbeldi gegn
börnum.
Það voru Hulda Margrét
Erlingsdóttir og Ívar Eiðsson,
fulltrúar í ungmennaráði
Barnaheilla, sem afhentu Sigríði
Björnsdóttur, framkvæmda-
stjóra Blátt áfram, viðurkenn-
inguna við hátíðlega athöfn í
gær, á nítján ára afmæli
Barnasáttmála Sameinuðu
þjóðanna. - hhs
Viðurkenning Barnaheilla:
Blátt áfram fær
viðurkenningu
BLÁTT ÁFRAM VEITT VIÐURKENNING
Árni Geir Pálsson, Ívar Eiðsson, Hulda
Margrét Erlingsdóttir, Sigríður Björns-
dóttir og Petrína Ásgeirsdóttir við
afhendingu viðurkenningar Barnaheilla.
FRÉTTABLAÐIÐ / STEFÁN
BANDARÍKIN, AP Barack Obama,
nýkjörinn forseti Bandaríkjanna,
lofaði í kosningabaráttunni að gera
víðtækar breytingar á stjórnarhátt-
um í Washingon. Hins vegar hafa
fyrstu nöfnin, sem nefnd hafa verið
í tengslum við lykilstöður í stjórn
hans, verið nöfn sem eiga sér langa
sögu í valdakerfinu í Washington.
Til dæmis er Tom Daschle, sem
þykir koma til greina sem heil-
brigðisráðherra, fyrrverandi leið-
togi meirihluta demókrata í öld-
ungadeild Bandaríkjaþings, og
Hillary Clinton, öldungadeildar-
þingmaður og fyrrverandi forseta-
frú, þykir líkleg í utanríkisráðu-
neytið.
Þá hefur Eric Holder þótt lík-
legur til að verða dómsmálaráð-
herra, en hann var næstráðandi í
því sama ráðuneyti meðan Bill
Clinton var forseti. Rahm Emanu-
el, sem verður skrifstofustjóri
Hvíta hússins, var einnig í hópi
nánasta starfsliðs Clinton forseta.
Að öllum líkindum verður einn-
ig repúblikaninn Robert Gates,
varnarmálaráðherra í stjórn
George W. Bush, áfram í því emb-
ætti eftir að Obama tekur við.
Repúblikanar hafa ekki getað
stillt sig um að skjóta á Obama
vegna þessa: „Barack Obama er
að skipa í stjórn sína gamalreynda
innanbúðarmenn í Washington,“
segir Alex Conant, talsmaður
landsnefndar Repúblikanaflokks-
ins. - gb
Val á fólki í lykilstöður stangast á við loforð um breytingar:
Obama velur innanbúðarfólk
BARACK OBAMA Hillary Clinton, Robert
Gates, Tom Daschle og Eric Holder eru
ekki beinlínis nýjasta fólkið í Washing-
ton. FRÉTTABLAÐIÐ/AP
NORÐURLÖND Norrænu ríkin
Noregur, Svíþjóð, Danmörk og
Finnland hafa ákveðið að lána
Íslendingum 2,5 milljarða dollara.
Upphæðin skiptist nokkuð jafnt
milli landanna en þó segir Jyrki
Katainen, fjármálaráðherra
Finnlands, að Finnar muni trúlega
lána Íslendingum eitthvað minni
upphæð en hin ríkin.
Martti Hetemäki, embættis-
maður í finnska fjármálaráðu-
neytinu, segir í viðtali við finnska
ríkisútvarið YLE að Finnar verði
að taka lán til að geta stutt Ísland
en það sé þó mikilvægt fyrir
þjóðina að taka þátt í norrænu
björgunaraðgerðunum. - ghs
Björgun Íslands:
Finnar lána
minna en hinir