Fréttablaðið - 19.12.2008, Blaðsíða 12

12 19. desember 2008 FÖSTUDAGUR
PÍLAGRÍMSFÖR TRÚÐANNA Hundr-
uð trúða héldu á miðvikudag í hina
árlegu pílagrímaför trúða í Mexíkó-
borg. Ferðinni var heitið til dómkirkj-
unnar í Guadalupe, þar sem trúðarnir
vottuðu hinni helgu mey af Guadalupe
virðingu sína. FRÉTTABLAÐIÐ/AP
STJÓRNMÁL Einstök börn, stuðn-
ingsfélag barna með sjaldgæfa
og alvarlega sjúkdóma, hljóta
250 þúsund króna styrk frá
félags- og tryggingamálaráðu-
neytinu.
Jóhanna Sigurðardóttir
félagsmálaráðherra ákvað að
senda ekki jólakort í ár en verja
þess í stað fjárhæð sem sam-
svarar hefðbundnum jólakorta-
sendingum til velferðarmála. Í
tilkynningu frá ráðuneytinu
segir að um leið og tilkynnt sé
um þessa ráðstöfun vilji ráð-
herra nota tækifærið og þakka
samstarfsaðilum ráðuneytisins
fyrir gott samstarf á árinu. - ovd
Styrkur í stað jólakorta:
Einstök börn fá
jólakortaféð
Aukinn árangur með fjölhæfum
æfi ngafélaga. Frábært tæki fyrir
fjölþrautarfólk, hlaup, hjólreiðar,
fjallgöngur o.m.fl .
Fyrir íþróttafólk með markmið.
Magnað útivistartæki með lita- og
snertiskjá. Stútfullt af eiginleikum,
hágæða GPS móttakari, hæðarmælir
(baro), rafeinda-áttaviti o.m.fl .
Eitt vinsælasta og
mest selda Garmin
bílatæki í heimi.
Breiður skjár og skýr
rödd leiða þig alla leið.
DÓMSMÁL Hæstiréttur hefur dæmt
litháískan ríkisborgara í þriggja
mánaða fangelsi fyrir að ráðast á
lögreglumenn frá fíkniefnadeild
lögreglustjórans á höfuðborgar-
svæðinu að störfum fyrir utan
veitingastaðinn Monte Carlo.
Héraðsdómur Reykjavíkur hafði
áður dæmt manninn í 60 daga
skilorðsbundið fangelsi. Hæsti-
réttur staðfesti hins vegar sýknu-
dóm héraðsdóms yfir félaga
mannsins.
Þrír menn voru í upphafi sakað-
ir um að hafa ráðist á lögreglu-
mennina á Laugavegi aðfaranótt
föstudagsins 11. janúar. Þeir voru
ákærðir fyrir að hafa í samein-
ingu ráðist á lögreglumann, sleg-
ið hann ítrekað, meðal annars í
höfuðið, og sparkað í höfuð hans
að minnsta kosti tvisvar eftir að
þeir felldu hann í götuna. Við
þetta hlaut lögreglumaðurinn
heilahristing og sár víðs vegar á
líkamanum.
Héraðsdómur Reykjavíkur
sýknaði mennina af broti gegn
valdstjórninni en sakfelldi einn
þeirra, fyrir líkamsárás.
Ríkissaksóknari ákvað að una
sýknudómi yfir þriðja manninum
sem ákærður var í málinu en
áfrýjaði þeim hluta málsins sem
sneri að tveimur árásarmannanna
til Hæstaréttar. - jss
Hæstiréttur þyngdi dóm yfir árásarmanni til muna:
Í fangelsi fyrir árás á lögreglu
MONTE CARLO Þar fyrir utan var ráðist á
lögreglumennina.
EFNAHAGSMÁL „Ég hef ekki orðið
vör við annað en að greiðslur til
útlanda gangi mjög vel,“ segir
Sigríður María Torfadóttir, sér-
fræðingur hjá Seðlabankanum.
Hún segir þó alltaf einhver vanda-
mál koma upp. „En það gerist líka
undir eðlilegum kringumstæðum.
Það eru alltaf einhverjar greiðslur
sem tefjast, af einhverjum
ástæðum.“
Hún segir að frá bankahruninu
hafi greiðslur viðskiptabankanna
þriggja til Íslands farið í gegnum
Seðlabankann. „Þau hjá Kaupþingi
eru nýbyrjuð að senda sjálf pen-
inga til og frá landinu og Glitnir er
í startholunum en greiðslur til
landsins munu samt að einhverju
leyti áfram koma í gegnum Seðla-
bankann,“ segir Sigríður María.
Hún segir það taka tíma að koma
nýjum samböndum á.
„Seðlabankinn hefur engin sjálf-
virk kerfi til að taka við svona
greiðslum þannig að því leytinu
eru peningaflutningar til landsins
handstýrðir,“ segir Sigríður María.
Hún segir Seðlabankann þó nýta
kerfi viðskiptabankanna fyrir
greiðslur sem sendar eru út.
Sigríður María segir Seðlabank-
anum ganga vel að afgreiða pen-
ingasendingar. „Aðalvandamálið í
dag er að við erum að fá greiðslur
en ekki upplýsingar um
móttakanda. Fólk hefur því verið
að hringja í okkur og spyrjast
fyrir um greiðslur sem legið hafa
hjá okkur þar sem við höfum verið
að vinna í því að finna réttan
viðtakanda.“
Seðlabankinn á í samstarfi við
erlenda banka og segir Sigríður
María samstarfið vera gott. „Eðli
málsins samkvæmt eru mestu við-
skiptin með evrur og því sjáum
við í fleiri tilvikum að þær greiðsl-
ur tefjist,“ segir Sigríður María.
Hún staðfestir að viðskipta-
bankarnir gefi ekki út ávísanir í
erlendri mynt. „Ég veit ekki betur
en að Sparisjóðabankinn útbúi
ávísanir en frá bankahruninu hafa
viðskiptabankarnir þrír ekki getað
útbúið slíkar ávísanir,“ segir Sig-
ríður. Ástæðuna segir hún vera að
við hrunið hafi öll viðskiptasam-
bönd bankanna við erlenda banka
lokast. olav@frettabladid.is
Greiðslur til útlanda
ganga betur en áður
Verulegur hluti peningasendinga viðskiptabankanna þriggja fer enn í gegnum
Seðlabankann. Sérfræðingur hjá bankanum segir helstu ástæður fyrir töfum á
greiðslum vera að upplýsingar vanti um móttakanda.
KRÓNUR OG EVRUR Peningaflutningar til og frá landinu hafa gengið stirðlega allt frá
bankahruninu í byrjun október. FRÉTTABLAÐIÐ/GVA
Fréttablaðinu hafa borist mörg
dæmi um vandamál tengd peninga-
sendingum á milli landa.
Viðskiptavinur Kaupþings
sendi rúmar 50 þúsund krónur til
Evrópulands í lok október. Þremur
vikum síðar fékk hann hins vegar
póst frá ætluðum viðtakanda þar
sem honum var tjáð að greiðslan
hefði ekki borist. Í ljós kom að það
vantaði upp á upplýsingar um við-
takanda. Það var þá leiðrétt.
Um miðjan desember tók við-
skiptavinurinn eftir því að rúmar 30
þúsund krónur höfðu verið lagðar
inn á reikning hans. Um var að
ræða hluta áðurnefndrar peninga-
sendingar. Var honum tjáð að réttar
upplýsingar hefðu ekki komist til
skila í tæka tíð. Peningarnir hefðu
því komist í bankann úti en ekki inn
á tilætlaðan reikning.
Útskýringar á muninum, af hverju
einungis rúmar 30 þúsund krónur
af rúmum 50 þúsund krónum
skiluðu sér nú sagði starfsmaður í
Kaupþingi meðal annars vera vegna
gjalda sem þriðji bankinn, millilið-
urinn erlendis, tæki fyrir flutning á
peningunum. Við bættist að kostn-
aður vegna rangra upplýsinga væri
venjulega á bilinu 10 til 20 þúsund.
Þá voru svör bankans einnig þau
að fjárhæðin hefði rýrnað vegna
gengisbreytinga, frá því að viðskipta-
vinurinn sendi peningana út og þar
til þeir skiluðu sér til baka.
Skilaboðin sem þessi viðskipta-
vinur fékk frá Kaupþingi var að hann
ætti að prófa að senda peningana
aftur. Hann, eða sá aðili sem taka
átti við peningunum þyrftu að sætta
sig við að hafa tapa 20 þúsundum
af 50 þúsund krónum.
STÓR HLUTI UPPHÆÐARINNAR Í GJÖLD
BANKAMÁL „Skilafrestur á umsókn-
um er að klárast og það er ekki
hægt að fá bankaávísanir sem
nauðsynlegar eru sem skráningar-
gjald,“ segir Súsanna Svavarsdótt-
ir, blaðamaður og móðir stúlku
sem hyggur á nám í Bretlandi.
Þeir skólar sem dóttir Súsönnu
er að sækja um krefjast þess að fá
á bilinu 35-45 pund í skráningar-
gjald sem greitt sé með bankaá-
vísun og engu öðru. Að sögn
Súsönnu gildir það sama um
marga aðra skóla. Frá því banka-
kerfið hrundi á Íslandi virðist hins
vegar hvergi vera hægt að fá
útgefna bankaávísun. Súsanna
segir til lítils að biðja skólana ytra
um að fá að greiða skráningar-
gjaldið á annan hátt.
„Orðsporið er það slæmt að ef
menn ætla að biðja um einhverja
sérstaka aðferðarfræði af því að
þeir eru frá Íslandi spyrja skól-
arnir sig strax að því hvernig
verði þá með greiðslu skólagjald-
anna í framtíðinni,“ segir Súsanna
og kallar eftir úrbótum:
„Það er sagt að bankamálin séu
komin í eðlilegt horf en það er
ekki eðlilegra en það að krakkar
geta ekki sótt um skóla úti. Hvern-
ig ætla yfirvöld að snúa sér í að
leysa þetta?“ spyr Súsanna sem
sjálf kveðst vera að reyna að leysa
mál dóttur sinnar fyrir milligöngu
frænda sem búi í London. „En það
eiga ekki allir frænda í London,“
bendir hún á. - gar
Móðir stúlku sem hyggur á nám í Englandi undrast úrræðaleysi í bankakerfinu:
Fær ekki ávísun fyrir skólaskráningu
SÚSANNA SVAVARSDÓTTIR
Orðspor Íslendinga býður ekki upp á
að fara fram á sérleiðir í greiðslum til
erlendra skóla, segir móðir stúlku sem
ætlar í framhaldsnám í Bretlandi.
FRÉTTABLAÐIÐ/ANTON