Fréttablaðið - 19.12.2008, Blaðsíða 34

34 19. desember 2008 FÖSTUDAGUR
„Það eru mörg tækifæri hér fyrir
fólk til að gera stórkostlega hluti.
Nú verður byggt upp fjölbreytt
og sjálfbært atvinnulíf til fram-
tíðar,“ segir Halla Tómasdóttir,
stjórnarformaður Auðar Capital.
Auður Capital og tónlistarkon-
an Björk Guðmundsdóttir kynntu
í fyrradag sjóð sem mun fjár-
festa í íslenskum sprotafyrir-
tækjum með vaxtarmöguleika.
Auður Capital hefur þegar lagt
til hundrað milljónir króna en
vonast er til að fagfjárfestar,
lífeyrissjóðir, jafnt sem áhuga-
samir einstaklingar leggi í hann
það sem upp á vantar. Stefnt er
að því að á annan milljarð króna
verði í sjóðnum þegar upp verður
staðið.
Halla segir sjóðinn hafa verið
lengi í bígerð. Tækifærið hafi
komið í kjölfar
Neista, sam-
starfsverkefnis
Bjarkar,
háskóla -
samfélags ins
og ýmissa
sprotafyrir-
tækja í kjölfar
bankahrunsins.
„Við sáum að
við deildum
þeirri sýn með Björk að vilja
byggja upp fjölbreytt og áhuga-
verðara Ísland,“ segir Halla og
bætir við að fram undan sé að
velja góð og græn fyrirtæki og
fjárfesta í þeim.
Sjóðurinn heitir í höfuðið á tón-
listarkonunni. Er þar ekki síður
vísað til trésins óhagganlega sem
stendur næstum allt af sér. - jab
HALLA
TÓMASDÓTTIR
Sprotasjóður lítur dagsins ljós
„Jón Ásgeir og Malcolm Walker
voru að kynna fyrirtækið og stöðu
þess fyrir skilanefndum Glitnis
og Landsbankans,“ segir Gunnar
Sigurðsson, forstjóri Baugs.
Jón Ásgeir er starfandi stjórn-
arformaður Baugs og tók við
stjórnarformennsku í Iceland-
keðjunni í október. Malcolm
Walker er stofnandi og forstjóri
Iceland.
Bankarnir tóku þátt í yfirtöku
Baugs á bresku verslanakeðjunni
Big Food Group fyrir réttum fjór-
um árum og uppskiptingu hennar
í kjölfarið. Upp úr því kom Ice-
land, verslanakeðja sem sérhæfir
sig í sölu á frystum matvælum.
Viðsnúningur á rekstri verslunar-
innar tókst með eindæmum vel og
hefur orðið að skólabókardæmi.
Eftir uppstokkun á Big Food
Group situr Baugur nú á rúmum
40 prósenta hlut í Iceland. Aðilar
tengdir félaginu
eiga stóra hluti,
stjórnendur Ice-
land um fimmt-
ung og bankarn-
ir fimmtán
prósent.
Ekki mun
stefnt að sölu
eigna Iceland
þrátt fyrir
hremmingar í
íslensku efnahagslífi enda hefur
verslunin þótt gullnáma í eigna-
safni hluthafa.
Líkt og greint var frá í gær
fengu þeir Jón og Walker heldur
kaldar kveðjur fyrir utan 101
Hótel við Hverfisgötu eftir fund-
ina. Breska viðskiptablaðið Fin-
ancial Times tók málið upp í gær
og sagði mótmælendur hafa gefið
reiði sinni lausan tauminn vegna
efnahagshrunsins á Íslandi. - jab
JÓN ÁSGEIR
JÓHANNESSON
Stjórnarformaður og forstjóri frystivörukeðjunnar Iceland fengu kaldar kveðjur frá mótmælendum í heimsókn sinni hingað:
Iceland-keðjan kynnt skilanefndum bankanna
MALCOLM WALKER Stofnandi og forstjóri Iceland-matvörukeðjunnar var með í för
þegar Jón Ásgeir Jóhannesson kynnti fyrirtækið fyrir skilanefndum Glitnis og Lands-
bankans í fyrradag.
BJÖRK GUÐMUNDSDÓTTIR Auður Capi-
tal hefur stofnað sjóð sem heitir jafnt
í höfuðið á tónlistarkonunni og trénu
óhagganlega. FRÉTTABLAÐIÐ/HAG
Forstjóri bandaríska
fjármálaeftirlitisins sætir
harðri gagnrýni fyrir slakt
eftirlit. Maðurinn í brúnni
verður látinn víkja fyrir
konu sem þykir hörð í horn
að taka.
Barack Obama, sem tekur við for-
setaembættinu af George W. Bush
í Bandaríkjunum eftir áramót,
hefur tilnefnt Mary Schapiro sem
næsta forstjóra bandaríska fjár-
málaeftirlitsins. Hún verður
fyrsta konan til að gegna þessu
embætti í Bandaríkjunum.
Schapiro tekur við af Christ-
opher Cox sem hefur setið í for-
stjórastólnum í rúm þrjú ár en
hefur sætt harðri gagnrýni upp á
síðkastið. Hann er sakaður um að
hafa ekki beitt sér nægilega til að
skera á þær rætur
sem liggja til
grundvallar lausa-
fjárkreppunni
sem riðið hefur
húsum á alþjóð-
legum fjámagns-
mörkuðum síð-
asta árið.
Spjótin hafa
ekki síst beinst að
Cox síðustu daga
fyrir þá yfirsjón
embættisins að virða að vettugi
ábendingar um misferli í bókum
bandaríska fjárfestisins Bern-
ards Madoff.
Madoff var handtekinn í síð-
ustu viku fyrir að hafa komið á
laggirnar svikamyllu sem skilið
hefur eftir sig fimmtíu milljarða
Bandaríkjadala gat í bókum
banka og fjárfesta víða um heim.
Þetta er viðamesta tap í heimi
sem einstaklingur hefur skilið
eftir sig.
Schapiro er 53 ára og þykir
hörð í horn að taka. Ronald Reag-
an, fyrrverandi forseti Banda-
ríkjanna, skipaði hana í stjórn
fjármálaeftirlitsins fyrir rúmum
tuttugu árum og var hún þá
yngsta konan sem þar hefur setið.
Í forsetatíð Bills Clinton tók hún
svo sæti stjórnarformanns Eftir-
litsstofnunar með bandarískum
hrávörusamningum (e. Commod-
ity Futures Trading Commission)
árið 1994.
Schapiro ætti að kannast lítil-
lega við forstjórastól fjármálaeft-
irlitsins en hann vermdi hún um
tveggja mánaða skeið árið 1993.
Hún fór úr honum þegar Arthur
Levitt, fyrrverandi forstjóri, sett-
ist í hann sama ár. Bandaríska
dagblaðið Los Angeles Times
hafði eftir Levitt í gær að nýi for-
stjórinn hafi allt til að verða góður
forstjóri. jonab@markadurinn.is
Harður nagli tekur
við fjármálaeftirlitinu
BARACK OBAMA Verðandi forseti Bandaríkjanna hefur lokið við að skipa í helstu
ráðherrastóla og tengdar nefndir. Hann tekur við forsetastólnum eftir áramót.
FRÉTTABLAÐIÐ/AP
MARY
SCHAPIRO
Sænska fjarskiptafyrirtækið
Ericsson hefur samið um gerð ljós-
leiðaranets fyrir heimili í Nígeríu
fyrir fyrirtækið 21st Century
Technologies.
Í tilkynningu Ericsson kemur
fram að ljósleiðaravædd heimili
séu tæknibylting á Vestur-Afríku-
svæðinu þar sem farsímasamband
sé ráðandi tækni. „Ljósið heim“
gefi fólki kost á netvarpi, háhraða-
interneti, netsíma og fleiru.
Tengja á fystu tíu þúsund heim-
ilin í janúar á næsta ári. - óká
Ljósleiðaravæða
heimili Nígeríu
Í LAGOS Í Vestur-Afríku er farsíminn
ráðandi fjarskiptamáti. Nú er stefnt að
ljósleiðaratengingu heimila í Nígeríu.
Afli erlendra ríkja við Ísland jókst í
fyrra um 45 prósent frá árinu áður;
var tæp 80 þúsund tonn árið 2007 og
rúm 54 þúsund tonn árið 2006.
Þetta kemur fram í nýútkomnu
riti Hagstofu Íslands, Afli erlendra
ríkja við Ísland 2007 og heimsafli
2006. Þar kemur jafnframt fram að
af öðrum þjóðum hafi nær ein-
göngu Færeyingar og Norðmenn
stundað hér veiðar í fyrra og að
uppistaðan í aflanum hafi verið
loðna og kolmunni. Undanfarin ár
hefur afli erlendra ríkja verið
minnstur árið 1993, um níu þúsund
tonn og mestur árið 2002, ríflega
148 þúsund tonn.
Þá kemur í ritinu fram að heims-
aflinn hafi verið 92 milljónir tonna
árið 2006 og hafi minnkað um 2,2
milljónir tonna frá fyrra ári.
„Kyrrahafið gaf mestan afla og
stærsta einstaka fisktegundin var
Perúansjósa,“ segir í ritinu. Árið
2006 veiddu Kínverjar mest allra
þjóða, hátt í 18 milljónir tonna, en
Íslendingar voru í 16. sæti heims-
listans, með veiðar upp á 1,3 millj-
ónir tonna. Litlar breytingar urðu á
listanum milli ára. - óká
Erlendar veiðar juk-
ust hér á milli ára
Samtök olíuframleiðsluríkja
(OPEC) samþykktu í gær að draga
úr framleiðslu olíu sem nemur 2,2
milljónum fata á dag, frá og með
næstu áramótum.
Aldrei áður hefur verið dregið
jafn mikið úr framleiðslunni, en
olíuverð hefur lækkað úr rúmum
147 Bandaríkjadölum í júlí niður í
40 dali nú. Verðið hefur ekki verið
lægra í fjögur og hálft ár.
Ríkin þrettán vonast til þess að
aðgerðirnar verði til þess að verðið
hækki á ný.
Verðið lækkaði lítillega eftir
að ákvörðun OPEC-ríkjanna lá
fyrir. Það þykir benda til þess að
markaðurinn hafi litla trú á að
alþjóðlegri efnahagskreppu muni
linna í bráð, samkvæmt Associated
Press-fréttastofunni.
- gb
Olíuríki draga úr framleiðslu
Veljum íslenskt