Fréttablaðið - 29.01.2009, Blaðsíða 52

36 29. janúar 2009 FIMMTUDAGUR
bio@frettabladid.is
Fari svo að Heath Ledger fái Óskarinn
22. febrúar er mögulegt að hann verði
ekki eini látni einstaklingurinn sem fái
þar verðlaun.
Óskarsakademían ákvað að beygja
reglur sínar þannig að bæði Anthony
Minghella og Sidney Pollack fengu til-
nefningar sem meðframleiðendur að
The Reader, sem var tilnefnd sem besta
myndin. Þeir létust báðir í fyrra áður en
gerð hennar lauk og skapaði það vanda-
mál fyrir akademíuna því hingað til
hefur hún ekki viljað tilnefna meira en
þrjá framleiðendur fyrir bestu mynd-
ina. Þeir eru fjórir í tilfelli The Reader.
Eftir að Shakespeare in Love var
valin besta myndin á Óskarnum 1998
og her framleiðenda flykktist upp á
svið til að taka á móti styttunni ákvað
akademían að fækka tilnefndum fram-
leiðendum í þrjá. Vegna „sérstakra
kringumstæðna“ voru reglurnar síðan
beygðar árið 2006 eftir að kvartanir
bárust um að einhverjir framleiðend-
ur Little Miss Sunshine fengju ekki að
vera með.
Akademían telur að aðstæðurnar í
ár varðandi The Reader séu einnig sér-
stakar og því fá þeir Minghella og Poll-
ack sínar Óskarstilnefningar, um það
bil ári eftir dauða sinn.
Óskarsakademían hefur frekar sjald-
an verðlaunað látna listamenn í 81 árs
sögu sinni. Alls hafa 53 einstaklingar
fengið 70 tilnefningar og aðeins þrett-
án þeirra hafa borið sigur úr býtum.
Fleiri látnir fengu tilnefningu
SIDNEY POLLACK Pollack hefur verið tilnefndur
til Óskarsins sem einn af framleiðendum The
Reader.
Woody Allen lætur engan
bilbug á sér finna þrátt
fyrir að vera orðinn 73 ára.
Nýjasta myndin hans, Vicky
Cristina Barcelona, hefur
farið sigurför um heiminn.
Vicky Cristina Barcelona ger-
ist eins og nafnið gefur til kynna
í Barcelona. Fjallar hún um tvær
bandarískar stúlkur sem ákveða að
eyða sumrinu á Spáni. Þar komast
þær í kynni við frjálslyndan lista-
mann (Javier Bardem) og gullfal-
lega en brjálaða fyrrverandi eigin-
konu hans (Penélope Cruz). Vicky
(Rebecca Hall) er jarðbundin og á
leið í hjónaband en Cristina (Scarl-
ett Johansson) er ævintýragjörn og
hvatvís. Þegar þessar fjórar mann-
eskjur flækjast saman í vef kynlífs
og ásta skapast bráðfyndin ring-
ulreið að hætti meistara Woody
Allen.
Gagnrýnendur virðast vera á
einu máli um að Allen hafi tekist
afar vel upp enda var Vicky Crist-
ina Barcelona nýverið valin mynd
ársins í flokki gaman- og söngva-
mynda á Golden Globe-hátíðinni.
Einnig var hún tilnefnd til þrennra
annarra verðlauna. Fyrir skömmu
var Penélope Cruz síðan tilnefnd til
Óskarsins fyrir aukahlutverk sitt í
myndinni.
Woody Allen á að baki rúmlega
fjörutíu ára feril í kvikmynda-
bransanum og hefur alla tíð verið
mjög afkastamikill, með um það
bil eina mynd á ári. Á meðal þekkt-
ustu mynda hans eru Annie Hall,
Manhattan, Hannah and Her Sist-
ers og Bullets Over Broadway. Síð-
ustu myndir hans hafa flestar feng-
ið fínar viðtökur gagnrýnenda, þar
á meðal rómantíska tennismyndin
Match Point sem skartaði einmitt
Scarlett Johansson í einu aðalhlut-
verkanna.
Vicky Cristina Barcelona fær 7,6
af 10 í einkunn á Imdb.com og 81% á
Rottentomatoes.com. Myndin verð-
ur frumsýnd í Háskólabíói á morg-
un á vegum Græna ljóssins, sem
hefur ekkert hlé í myndum sínum.
ÁSTARFLÆKJUR Í BARCELONA
VICKY CRISTINA BARCELONA Javier Bardem, Scarlett Johansson og Penélope Cruze leika aðalhlutverkin í Vicky Cristina Barcelona.
Fjórar kvikmyndir af mismun-
andi toga verða frumsýndar um
helgina. Valkyrie, nýjasta mynd
Toms Cruise, fjallar um banatil-
ræði við Hitler árið 1944. Verkefn-
ið gekk undir nafninu Valkyrie og
stjórnaði því Claus von Stauffen-
berg (Cruise). Með önnur hlutverk
fara Kenneth Branagh, Bill Nighy,
Tom Wilkinson, Terence Stamp og
Eddie Izzard. Leikstjóri er Bryan
Singer, maðurinn á bak við The
Usual Suspects og X-Men 2.
Valkyrie fær 7,5 af 10 á Imdb.
com og 60% á Rottentomatoes.
com.
Doubt er dramatísk mynd með
Meryl Streep og Philip Seymour
Hoffman í aðalhlutverkum. Hún
gerist árið 1964 og segir frá presti
(Hoffman) sem reynir að brjóta
upp stranga siði og hefðir kaþ-
ólsks skóla. Hingað til hefur skóla-
stjórinn (Streep) stjórnað skólan-
um með því að trúa á mátt óttans
og aga. Eftir að skólinn tekur við
sínum fyrsta svarta nemanda, eiga
hlutirnir eftir að breytast. Myndin
fær 8,1 á Imdb og 78% á Rottent-
omatoes.
Valentínusartryllirinn My
Bloody Valentine 3-D fjallar um
Tom sem snýr aftur í heimabæ
sinn þegar tíu ár eru liðin frá
fjöldamorðum að kvöldi Valentín-
usardags, þegar 22 voru myrtir.
Í stað þess að fá hlýjar móttökur
uppgötvar Tom að hann er grun-
aður um morðin. Myndin fær 6,6 á
Imdb og 58% á Rottentomatoes.
Fjórða myndin í bíó er teikni-
myndin Skógarstríð 2 þar sem Búi
og Elli leiða saman hesta sína á
nýjan leik. Fjallar hún um þýskan
pylsuhund sem sleppur frá eiganda
sínum og fer að búa með þeim
félögum í skóginum. Myndin fær
5,6 á Imdb.com.
Banatilræði og máttur óttans
VALKYRIE Tom Cruise fer með aðalhlutverkið í Valkyrie sem fjallar um banatilræði
við Adolf Hitler.
Rúmenska myndin 4 luni, 3 sapta-
mâni si 2 zile var valin sú besta
á World Cinema-verðlaunahátíð
sjónvarpsstöðvarinnar BBC Four.
Myndin gerist í valdatíð Ceauses-
cu á níunda áratugnum og fjallar
um ferðalag tveggja vinkvenna um
heimaland sitt í von um að komast
í ólöglega fóstureyðingu.
Myndin vann Gullpálmann í
Cannes árið 2007 og hefur síðan þá
unnið til fjölda verðlauna. Í þetta
sinn bar hún sigurorð af Gomorra,
Persepolis, Le Scaphandre et le
papillon og El Orfanato. Aðeins
á eftir að sýna ítölsku myndina
Gomorra hér á landi.
„Að mínu mati stendur BBC
fyrir gæði, fagmennsku, hefð
og jafnvægi,“ sagði leikstjórinn
Cristian Mungiu þegar hann tók á
móti verðlaununum.
4 Months valin best
FJÓRIR MÁNUÐIR, ÞRJÁR VIKUR OG TVEIR DAGAR Myndin fjallar um tvær vinkonur
sem reyna að komast í ólöglega fóstureyðingu.
Jennifer Beals leikur á móti Denzel
Washington í myndinni The Book
of Eli en tökur á henni hefjast í
Nýju Mexíkó í næsta mánuði. Þetta
verður í fyrsta sinn í fimm ár sem
Beals sést á hvíta tjaldinu því hún
hefur verið önnum kafin við leik í
lesbíuþáttunum The L-Word.
Í The Book of Eli leikur Wash-
ington mann sem reynir að vernda
heilaga bók og tryggja þar með
áframhaldandi líf mannkyns á
jörðinni. Beals verður í hlutverki
blindrar konu sem reynir að vernda
dóttur sína fyrir áhrifum manns
(Gary Oldman) sem ræður ríkjum
í smábæ einum.
Leikstjórar verða Hughes-bræð-
ur sem síðast gerðu From Hell árið
2001. Þekktustu myndir þeirra eru
Menace II Society og Dead Presid-
ents.
Leikur í Book of Eli
JENNIFER BEALS Beals leikur á móti
Denzel Washington í myndinni The
Book of Eli.
> PHOENIX AÐ GABBA
Vinir Joaquin Phoenix, sem nýlega
sagðist ætla að snúa sér að rapp-
inu í stað leiklistarinnar, segja að
um gabb sé að ræða. Segja þeir að
uppátækið sé listrænt verk-
efni af hálfu Phoenix sem
felist í því að mágur hans,
Casey Affleck, festi allt
saman á filmu. Svo virð-
ist því sem Phoenix sé
ekki búinn að missa
vitið eins og svo margir
óttuðust.