Fréttablaðið - 29.01.2009, Blaðsíða 58

42 29. janúar 2009 FIMMTUDAGUR
sport@frettabladid.is
Kristrún Sigurjónsdóttir, fyrirliði Hauka, spilar í kvöld sinn hundrað-
asta deildarleik í röð þegar topplið Hauka tekur á móti KR í fyrstu
umferð efri hluta Iceland Express-deildar kvenna í körfubolta.
Kristrún hefur spilað alla 98 deildarleiki Hauka síðan hún gekk
til liðs við félagið haustið 2004 en hún hafði einnig spilað
síðasta deildarleik ÍR tímabilið á undan.
„Það er mikilvægt að koma vel undirbúinn eftir undir-
búningstímabilið, vera búinn að styrkja sig og vera í
góðu formi. Svo er ekki verra að eiga bróður sem er
sjúkraþjálfari, þá fær maður forgang og manni er tjaslað
saman ef einhver meiðsli eru að angra mann eins og
oft gerist þegar æfinga- og keppnisálag er mikið,“ segir
Kristrún um lykilinn á bak við það að missa aldrei úr
leik.
„Ég verð nú að viðurkenna að ég hef verið nokkuð
lánsöm með meiðsli, en í byrjun janúar fékk ég
lungnabólgu, mætti ekkert á æfingar en bara í leiki.“
Hún missti síðast af leik með ÍR í Grindavík 28. febrúar
2004. „Ég var nýbúin að snúa mig á ökkla og var
frekar pirruð að fá ekki að spila í þessum leik í Grindavík.
Eftir það hef ég alltaf spilað með ökklahlíf til að eiga ekki á
hættuna að missa aftur af leik,“ segir Kristrún. „Ökklinn hefur
strítt mér mest í gegnum tíðina en ef hann heldur og heilsan
svíkur mig ekki þá spila ég. Svo ef Yngvi þjálfari heldur trúnni
á mig þá missi ég vonandi ekki úr leik.“
Kristrún hefur verið í sigurliði í 76 af þessum 99 leikj-
um og tólf leikja sigurganga Haukaliðsins nú er þriðja
lengsta sigurgangan sem hún hefur tekið þátt í á þessu
tímabili. Haukar unnu einnig bæði 27 og 15 leiki í röð á
sínum tíma. En hvað verða leikirnir margir í röð?
„Ég ætla ekki að setja neina pressu á sjálfan mig,
en svo lengi sem ég hef gaman af þessu þá mun
ég spila. Tala nú ekki um ef ég fæ að spila með jafn
skemmtilegum stelpum og í Haukum þá verða leikirnir
örugglega margir. Veit nú samt ekki hvort ég næ að spila
jafn marga leiki og Anna María Sveinsdóttir, sá frábæri
leikmaður, en ef ég kemst í svipaða tölu og hún þá veit
ég að ferillinn minn er orðinn langur og góður.“
KRISTRÚN SIGURJÓNSDÓTTIR, FYRIRLIÐI HAUKA: LEIKUR SINN HUNDRAÐASTA DEILDARLEIK Í RÖÐ Í KVÖLD
Ekki verra að eiga bróður sem er sjúkraþjálfari
Enska úrvalsdeildin
Wigan-Liverpool 1-1
0-1 Yossi Benayoun (41.), 1-1 Mido, víti (83.)
Chelsea-Middlesbrough 2-0
1-0 Salomon Kalou (58.), 2-0 Salomon Kalou
(81.)
Man. City-Newcastle 2-1
1-0 Shaun Wright-Phillips (17.), 2-0 Craig Bellamy
(77.), 2-1 Andrew Carroll (81.)
West Ham-Hull 2-0
1-0 David Di Michele (33.), Carlton Cole (51.)
Blackburn-Bolton 2-2
0-1 Matthew Taylor (15.), 0-2 Kevin Davies (35.),
1-2 Stephen Warnock (66.), 2-2 Benni McCarthy
(87.)
Everton-Arsenal 1-1
1-0 Tim Cahill (61.), 1-1 Robin Van Persie (90.).
Enska b-deildin
Coventry-Cardiff 0-2
Aron Einar Gunnarsson lék allan leikinn fyrir
Coventry.
Iceland Express kvenna
EFRI HLUTI
Keflavík-Hamar 92-83
Stig Keflavíkur: Birna Valgarðsdóttir 31, Pálína
Gunnlaugsdóttir 18, Bryndís Guðmundsdóttir 13,
Svava Ósk Stefánsdóttir 9, Rannveig Randvers-
dóttir 8, Hrönn Þorgrímsdóttir 5, Marín Rós
Karlsdóttir 4, Ingibjörg Elva Vilbergsdóttir 2,
Halldóra Andrésdóttir 2.
Stig Hamars: Julia Demirer 34 (27 fráköst),
Hafrún Hálfdánardóttir 16, LaKiste Barkus 15,
Fanney Guðmundsdóttir 8, Íris Ásgeirsdóttir 5.
NEÐRI HLUTI
Valur-Fjölnir 78-54
Grindavík-Snæfell 78-59
Þetta var fyrsta umferðin í Iceland Express-
deild kvenna eftir að henni var tvískipt.
ÚRSLIT
FÓTBOLTI Framhaldssögunni enda-
lausu um hvert Blikinn Jóhann
Berg Guðmundsson færi lauk
endanlega í gær þegar Breiða-
blik náði saman við hollenska
félagið AZ Alkmaar. Jóhann Berg
fór utan í morgun í læknisskoðun
og í kjölfarið skrifar hann undir
samning við Alkmaar.
„Það er mjög gott að þessu er
lokið. Ég er búinn að bíða lengi
eftir þessu og er að verða atvinnu-
maður í fótbolta. Það er ekkert
leiðinlegt. Draumurinn er að ræt-
ast,“ segir Jóhann Berg kátur og
augljóslega nokkuð létt.
Fyrir nokkrum mánuðum var
hann á leið til HSV í Þýskalandi,
það féll upp fyrir. Svo virtist
hann vera að fara til Coventry.
Það gekk ekki heldur. Hann endar
svo að lokum í Hollandi.
„Þetta hefur ekki verið sérstak-
ur tími en ég hef reynt að halda
ró minni,“ segir Jóhann Berg.
„Aðdragandinn var ansi langur.
Því er ekki hægt að neita. Ég hélt
samt alltaf í trúna að þetta myndi
ganga og sem betur fer gerðist
það. Þetta var mikill rússí-
bani. Ég er búinn að kíkja á
alla þessa klúbba og leist best
á Alkmaar og er því mjög sátt-
ur við þessa lendingu.“
Jóhann Berg telur það vitrænt
skref að byrja atvinnumannafer-
ilinn í Hollandi. „Þetta er besta
uppeldisstöðin fyrir mig og ég
mun læra fótbolta þarna. Það
voru margir sem mæltu með
því við mig,“ segir Jóhann Berg
en hjá félaginu hittir hann fyrir
landa sína Kolbein Sigþórsson
og Ólaf Karl Finsen.
„Við Kolbeinn vorum saman
í leikskóla þar sem við spörkuð-
um saman bolta. Nú hittumst
við næst með bolta í Hollandi.
Gaman af því,“ segir Jóhann
Berg Guðmundsson. - hbg
Jóhann Berg Guðmundsson fer til Hollands eftir allt saman:
Mjög gott að þessu máli sé lokið
LOKSINS LAUSN
Jóhann Berg fer til Hol-
lands eftir allt saman.
FRÉTTABLAÐIÐ/STEFÁN
FÓTBOLTI Brasilíumaðurinn Robin-
ho hjá Man. City var í gær yfir-
heyrður vegna nauðgunarmáls
sem verið er að rannsaka í Leeds
á Englandi. Átján ára stúlka
heldur því fram að sér hafi verið
nauðgað á næturklúbbi í borginni
fyrir tveimur vikum, en Robin-
ho mun hafa verið staddur þar
ásamt liðsfélögum sínum í City.
Robinho lýsti yfir sakleysi sínu
vegna málsins í yfirlýsingu í gær.
„Við getum staðfest að Robin-
ho hefur talað við lögreglu vegna
málsins eins og falast var eftir
en hann neitar harðlega ásökun-
um um sekt í málinu og mun gera
sitt til þess að hjálpa lögreglunni
í rannsókn málsins,“ segir Chris
Nathaniel, talsmaður Robinho, í
yfirlýsingu í gær. - óþ
Robinho, Man. City:
Yfirheyrður í
nauðgunarmáli
ROBINHO Lýsti í gær yfir sakleysi sínu í
yfirheyrslu vegna nauðgunarmáls sem
verið er að rannsaka. NORDIC PHOTOS/GETTY
> Riley dæmir í Kórnum
Ísland tekur á móti Færeyjum í
vináttulandsleik í knattspyrnu í
Kórnum 22. mars næstkomandi.
Samkvæmt heimildum Frétta-
blaðsins mun enski dómarinn
Mike Riley dæma leikinn. Riley
hefur lengi verið í eldlínunni í ensku
úrvalsdeildinni og er með þekktari
dómurum í enska boltanum. Riley
mun einnig halda fyrirlestur fyrir
íslenska dómara. Enski dómarinn er að
verða mikill Íslandsvinur en hann kom
til Íslands á síðasta ári og dæmdi á
Shell-mótinu í Vestmannaeyjum.
FÓTBOLTI Varnarmaðurinn Sölvi
Geir Ottesen er undir smásjá
enska fyrstu deildarliðsins Birm-
ingham eftir því sem Ekstrabla-
det sagði í gær.
Umboðsmaður Sölva Geirs
staðfestir enn fremur að enskt lið
í toppbaráttu 1. deildarinnar hafi
sýnt Sölva áhuga.
Sölvi Geir spilar um þessar
mundir með danska liðinu Sönd-
erjyskE og hefur staðið sig mjög
vel. Hann kom þangað frá sænska
liðinu Djurgården.
Forráðamenn SönderjyskE
segjast ekki vera spenntir fyrir
því að selja Sölva en komi freist-
andi tilboð í leikmanninn muni
félagið eiga afar erfitt með að
hafna því.
- hbg
Sölvi Geir Ottesen:
Orðaður við
Birmingham
SÖLVI GEIR Gæti verið á leið til Eng-
lands. FRÉTTABLAÐIÐ/HANDSY
HANDBOLTI Tvö efstu lið N1 deild-
ar karla mætast í kvöld í Fram-
húsinu í Safamýri þegar Íslands-
meistarar Hauka heimsækja
deildarbikarmeistara Fram. Liðin
sitja fyrir leikinn hlið við hlið á
toppnum með sextán stig hvort
og eins stigs forskot á Val sem er
í 3. sætinu.
Þetta verður þriðji leikur lið-
anna í vetur og það er auðveld-
lega hægt að halda því fram að
Framarar hafi gott tak á Hauka-
liðinu. Fram vann deildarleik lið-
anna á Ásvöllum í október með
sjö marka mun, 27-20, og vann
síðan úrslitaleik deildarbikars-
ins í lok desember með sex marka
mun, 35-29, eftir að hafa náð tíu
marka forustu í leiknum. Það er
eins og Viggó Sigurðsson, fyrrum
þjálfari Haukaliðsins, þekki vel
inn á sína gömlu lærisveina.
Það mun þó reyna á Viggó í
kvöld því Haukarnir koma á bull-
andi siglingu inn í þennan leik
eftir að hafa unnið fimm deildar-
leiki í röð. - óój
Toppslagur í N1 deild karla:
Framarar með
tak á Haukum?
TÍU MÖRK Guðjón Drengsson hefur spil-
að vel í tveimur sigrum Fram á Haukum
í vetur. FRÉTTABLAÐIÐ/DANÍEL
FÓTBOLTI Sex leikir fóru fram í
ensku úrvalsdeildinni í gærkvöldi.
Liverpool varð að bíta í það súra
epli að gera enn eitt jafnteflið og
er heldur betur að daprast flugið
þessa dagana. Chelsea var aftur á
móti í fínu formi.
Liverpool gat jafnað Man. Utd
að stigum á toppi deildarinnar
í gær með því að leggja Wigan á
útivelli.
Liverpool-liðið mætti ákveð-
ið til leiks og sótti mun fastar að
marki en heimamenn. Þeim tókst
þó ekki að brjóta múrinn fyrr en
fjórar mínútur voru eftir af fyrri
hálfleik. Þá stakk Benayoun sér
laglega inn fyrir vörnina, komst
fram hjá markverðinum, var í erf-
iðri skotstöðu en náði á laglegan
hátt að koma tuðrunni í netið.
Leikurinn opnaðist eðlilega í síð-
ari hálfleik er heimamenn neydd-
ust til þess að koma framar á völl-
inn. Þrátt fyrir það var fátt um
færi sem og fína drætti. Það var
í raun fátt sem benti til annars en
að Liverpool myndi landa sigri
þegar Lucas braut klaufalega af
sér. Mido skoraði örugglega úr vít-
inu og jafnaði leikinn.
Liverpool slapp síðan með
skrekkinn þegar skot úr auka-
spyrnu frá Wigan hafnaði í þverslá
Liverpool-marksins.
Chelsea mátti illa við skakka-
föllum á móti Middlesbrough enda
einum fimm stigum á eftir toppliði
Man. Utd. Það tók drengi Scolaris
langan tíma að komast í gegnum
varnarmúr Boro en markið kom
loks rúmum hálftíma fyrir leiks-
lok.
Þá fékk Chelsea hornspyrnu,
Boro gekk illa að hreinsa og bolt-
inn féll til Kalou sem tók hann á
lofti og þrumaði honum í netið.
Smekklega gert.
Kalou var ekki hættur og bætti
öðru marki við níu mínútum fyrir
leikslok og Chelsea gefur því ekk-
ert eftir í toppbaráttunni.
Arsenal gat klórað sig nálægt
toppliðunum með sigri á Everton
á Goodison Park en varð að láta
sér nægja stig. Það geta þeir þakk-
að Van Persie sem skoraði í upp-
bótartíma. henry@frettabladid.is
Jafntefli á jafntefli ofan
Það gengur hvorki né rekur hjá Liverpool þessa dagana og liðið gerði enn eitt
jafnteflið er það sótti Wigan heim. Salomon Kalou sá til þess að Chelsea fengi
þrjú stig gegn Middlesbrough. Craig Bellamy tryggði City sigur á Newcastle.
FRÁBÆR BYRJUN Craig Bellmy var ekki lengi að stimpla sig inn hjá Man. City. Mark
hans í gær tryggði City þrjú stig. NORDIC PHOTOS/GETTY IMAGES