Fréttablaðið - 12.02.2009, Blaðsíða 42

26 12. febrúar 2009 FIMMTUDAGUR
timamot@frettabladid.is
CHRISTINA RICCI LEIKKONA ER 29 ÁRA.
„Draumahlutverkið mitt væri lík-
lega geðsjúkur morðingi þar sem
tilgangurinn með að leika í kvik-
myndum er að þú færð að gera
hluti sem þú myndir að öllu jöfnu
ekki gera.“
Margir muna eftir Christinu Ricci
barnungri í kvikmyndunum um Add-
ams Family. Síðan þá hefur hún leik-
ið í fjölmörgum kvikmyndum hjá
þekktum leikstjórum á borð við Tim
Burton og Woody Allen.
TILBOÐSDAGAR
30-50% afsláttur
af völdum legsteinum
á meðan birgðir endast
Mattel fyrirtækið tilkynnti
á þessum degi fyrir fimm
árum að Barbie og Ken
væru hætt saman eftir að
hafa verið par í 43 ár. Þar
sem þau eru dúkkur, og auk
þess heimsfræg, þá gáfu
þau ekkert uppi um sam-
bandsslitin á Alþjóðlegu
leikfangahátíðinni, þar sem
tíðindin voru kunngerð.
Talsmaður og almanna-
tengill brúðanna, Ken
Sun shine, sagði við þetta
tækifæri að starfsmenn
Mattel hefðu aldrei búist
við að þurfa að tilkynna um
sambandsslitin en hann
yrði þó að staðfesta að
orð rómurinn væri sannur,
leiðir Barbie og Ken myndi
skilja.
Barbie-brúðan kom fyrst á
markað árið 1959 en hún er
framleidd af Mattel. Banda-
ríska kaupsýslukonan Ruth
Handler á heiðurinn að til-
urð hennar og fékk hún hug-
myndina frá þýsku dúkk-
unni Bild Lilli. Barbie hefur
verið mikilvægur hluti af
tískudúkkumarkaðnum í um
fimmtíu ár og hefur oft stað-
ið styr um hana. Hefur það
þá tengst ádeilum á lífsstíl
dúkkunnar. Síðustu ár hafa
helstu keppinautar Barbie
verið Bratz-dúkkurnar.
ÞETTA GERÐIST: 12. FEBRÚAR 2004
Barbie og Ken hætta saman
MERKISATBURÐIR
1832 Ekvador innlimar
Galapagoseyjar.
1924 Calvin Coolidge verð-
ur fyrsti forseti Bandaríkj-
anna sem flytur ræðu í
útvarpi.
1940 Eldey er friðuð með
lögum.
1950 Íslenska íþróttafélagið
Breiðablik UBK er stofnað.
1965 Hótel Holt er opnað í
Reykjavík.
1989 Selta sest á einangrara
í spennistöð á Geithálsi
við Reykjavík í illviðri og
veldur rafmagnsleysi á
öllu Íslandi.
1994 Vetrarólympíuleikarn-
ir hefjast í Lillehammer í
Noregi.
Í dag eru 200 ár liðin frá fæðingardegi
Charles Darwin og í ár eru einnig 150
ár frá útgáfu tímamótarits hans Upp-
runi tegundanna. Af því tilefni verður
í dag haldið málþing í Öskju, Háskóla
Íslands, stofu 132 klukkan 16.30. Mál-
þingið er öllum opið.
Í upphafi málþingsins verða veitt
verðlaun í ritgerðasamkeppni sem efnt
var til meðal framhaldsskólanema um
Darwin og áhrif þróunarkenningarinn-
ar á vísindi og samfélagið. Í fyrsta sæti
varð Kári Gautason, tvítugur nemi við
Menntaskólann á Akureyri.
„Ég hafði ekki lesið mikið um þró-
unarkenninguna en vissi hver Darwin
var. Þegar ég fór að lesa mér til um
hann fannst mér hann nokkuð áhuga-
verður,“ segir Kári sem gaf sér góðan
tíma til að afla heimilda og skrifa rit-
gerðina sem að lokum varð um tuttugu
síður að lengd. Kári lærði mikið á rit-
gerðasmíðinni. „Til dæmis var hann
ekki fyrstur til að koma með þessa
kenningu en var fyrstur til að koma
með hana almennilega rökstudda,“
segir Kári og bætir við að bók hans,
Uppruni tegundanna, hafi verið svo
stútfull af gögnum til stuðnings kenn-
ingunni að hún náði að sannfæra ansi
marga.
En var eitthvað sem kom honum á
óvart við heimildaöflunina? „Kannski
það að hann var næstum búinn að
missa af höfundaréttinum af því hann
var með svo mikla fullkomnunar-
áráttu. Hann beið svo lengi eftir því að
gefa bókina út til að vera viss um að
vera með nógu mikið af gögnum,“ segir
Kári sem ætlar að skella sér í bæinn í
dag til að taka við verðlaununum.
Á málþinginu verða flutt nokkur er-
indi. Þar á meðal mun Ari K. Jónsson,
forseti tölvunarfræðideildar Háskól-
ans í Reykjavík, ræða um hvort maður-
inn hafi einkaleyfi á greind. Eyja Mar-
grét Brynjarsdóttir lektor í heimspeki
við HÍ flytur erindið; Að hálfu leyti
api enn. Jón Thoroddsen heimspek-
ingur ræðir spurninguna; Er sköpunar-
gáfan hluti af eðli mannsins? Steindór
J. Erlingsson vísindasagnfræðingur
ræðir um Darwin, Marx og spurn-
inguna um mannlegt eðli og að lokum
ræðir Skúli Skúlason rektor Háskól-
ans á Hólum um Manninn sem nátt-
úruveru. solveig@frettabladid.is
CHARLES DARWIN: MÁLÞING Í TILEFNI AF 200 ÁRA FÆÐINGARAFMÆLI
Hlýtur verðlaun fyrir bestu
ritgerðina um Darwin
VERÐLAUNAHAFI Kári Gautason tvítugur nemi í Menntaskólanum á Akureyri varð í fyrsta sæti í riðtgerðasamkeppni um Darwin og áhrif þróun-
arkenningarinnar á vísindi og samfélög. FRÉTTABLAÐIÐ/HEIÐA.IS
Hafrannsóknastofnun stend-
ur fyrir málstofu um rann-
sóknir á hafsbotni á morg-
un klukkan 12.30. Guðrún
Helgadóttir, sviðsstjóri jarð-
fræðisviðs Hafrannsókna-
stofnunar, flytur fyrirlest-
urinn Horft yfir hafsbotn-
inn, en erindið verður flutt
í fundarsal á fyrstu hæð að
Skúlagötu 4.
Í útdrætti fyrirlesturs-
ins segir meðal annars:
„Risastórar holur á hafs-
botni Drekasvæðisins norð-
an Íslands fundust í leið-
angri Hafrannsóknastofn-
unarinnar sumarið 2008
þegar svæðið var kannað
og kortlagt með fjölgeisla-
dýptarmælingum. Holurn-
ar þykja afar áhugaverðar
og eru meðal vísbendinga
sem haldið er til haga þegar
horft er til könnunar á hvort
olíu og gas sé þar að finna.“
Enn fremur segir: „Fjöl-
geislamælingar Hafrann-
sóknastofnunarinnar í
hartnær áratug hafa aukið
verulega við þekkingu Ís-
lendinga á landgrunni sínu.
Nákvæm botnkort og upp-
lýsingar um botngerð geta
þannig varpað ljósi á hugs-
anlegar auðlindir á hafs-
botni (Drekasvæðið), styrkt
stöðu Íslands í alþjóðlegum
samskiptum (Hatton-Rock-
all) og nýst í ýmsum verk-
efnum Hafrannsóknastofn-
unarinnar sjálfrar.“
Olía á hafsbotni
BORAÐ EFTIR OLÍU Stórar holur
fundust á hafsbotni í leiðangri
Hafrannsóknastofnunnarinnar.
Ráðstefnan Íslenski þekk-
ingardagurinn verður
haldin föstudaginn 13.
febrúar í Salnum, Kópa-
vogi. Það er félag við-
skipta- og hagfræðinga
(FVH) sem efnir til ráð-
stefnunnar og er þemað
að þessu sinni: Tækifæri á
nýjum tímum - Nýsköpun.
Á meðal fyrirlesara
verða Kristín Ingólfsdótt-
ir, rektor Háskóla Íslands,
og Hörður Arnarson, for-
stjóri Marel Food System.
Össur Skarphéðinsson iðn-
aðar - og ferðamálaráð-
herra mun ávarpa sam-
komuna og forseti Íslands,
hr. Ólafur Ragnar Gríms-
son, mun afhenda þekking-
arverðlaun FVH og kynna
val á viðskiptafræðingi/
hagfræðingi ársins 2008.
Tækifæri á
nýjum tímum
SALURINN Íslenski þekkingardagurinn verður haldinn á föstudaginn.
Vefurinn www.24x24.is var valinn besti
einstaklingsvefurinn á Íslensku vefverð-
laununum 2008 í Listasafni Reykjavíkur
á dögunum. Samtök vefiðnaðarins ásamt
ÍMARK standa árlega fyrir Íslensku vef-
verðlaununum. En verðlaunin eru upp-
skeruhátíð vefiðnaðarins þar sem þeir
vefir sem taldir eru skara fram úr á sínu
sviði eru verðlaunaðir sérstaklega.
Verðlaunin voru veitt að lokinni vel
heppnaðri vefráðstefnu SVEF. Hátt á
annað hundrað vefir var tilnefndur til
þátttöku og veitt voru verðlaun og við-
urkenningar í alls átta flokkum.
Siminn.is var valinn besti íslenski vef-
urinn 2008 ásamt því að fá verðlaun fyrir
besta útlit og viðmót. Aðrir vefir til að
vinna verðlaun voru: Icelandair.is fyrir
að vera besti sölu- og þjónustuvefurinn;
Póstur.is var valinn besti fyrirtækjavef-
urinn; kvikmyndir.is fékk verðlaun sem
besti afþreyingarvefurinn; akranes.is
var valinn besti vefurinn í almannaþjón-
ustu; 24x24.is var valinn besti einstakl-
ingsvefurinn og að lokum var isafoldtra-
vel.is valinn besti vefurinn í flokknum
bjartasta vonin.
Vefurinn 24x24.is, sem er fjallgöngu-
félag á Akureyri, þótti glæsilegt samfé-
lag um gönguferðir og útivist. Þar hefur
hópur fólks komið saman og skipst á
fréttum og öðru efni varðandi göngu-
leiðir, útbúnað og fleira varðandi svæð-
ið sem fjallað er um.
24x24.is besti einstaklingsvefurinn
WWW24X24.IS Valinn besti einstaklingsvefur-
inn á Íslensku vefverðlaununum 2008.